Wïlöölö 22:3 - Wëël Jwøk

³ 'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

Wïlöölö 22:3 Iomraidhean Croise

Wïlöölö 17:23

Køøre Eeberam wääde ma Icmiel, ki jiy moa nywøl paare bëët na näk laaŋe, këël moa ŋeew ki gwete bëët, jiy moa näk cwøw bëët moa en paare akäle ni put geni daŋ bëët dïcäŋöca kiree, kaawat mana caani ya Jwøki jïre.

Wïlöölö 21:14

Køøre kanya tïme na amöölla cøøn, Eeberam amøøl wøk, ni lwöte ki cam ka agwäy mar pïï ni wëëk geni Eegar, ni jiee gø göön gø, ni cïp nyilaal jïgø, ni wëëk gø wääth. Ni ö Eegarri ni aae, ni wïïre dï paap Bëërcïïba.

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 22:2

Ni kö Jwøki, ni «Ennø, lwør wäädï ma Aydhak na näk aciel keere, na mëërï ki gø, ni ciï ŋööm Möria; ni cïpï gø no olämi man wø waaŋ bäät kïdi aciel mano caana jïrï røk kïte moo en kaace.»

Wïlöölö 22:4

'Ba na tïme na dää nïne, Eeberam alwïthö nyïme, ni joot kanyøca ki kany mo bäär.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Luk 14:26

ni «Ni näk da ŋat mo ööa baŋa ni ba män ki wänni, ki menni, ki cïïe, ki nyïïe, ki nyïïmenni, këël jwïëye kiree, ŋatøgø ba maar tïmö na bääŋa.

Galeecia 1:16

kanya tïm yie ni met ki man nyooth Wääde jïra, nee gïre køba jï juurre bëët, bäŋ ŋat mo yaa pëënynyö ka acaara.

Ibaru 11:8

Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.

Jøcua 3:1

Køøre Jøcua apäny maal ka amöölla cøøn; ni ö eni ki jø Icriel bëët ni tïŋge ki Cëthim ni pïïcge bäät Naam Jördan, ni butge kaace kanya poode ni ge kär ŋut løøga.

Jøcua 8:10

'Ba na tïme na amöölla cøøn Jøcua apäny maal ni cooŋ jø leny kanya ciel, ni ö eni ki jø døøk Icriel ni pööthge maal nyïm jø leny moøgø ni cige Gaay.