Wïlöölö 22:2 - Wëël Jwøk

² Ni kö Jwøki, ni «Ennø, lwør wäädï ma Aydhak na näk aciel keere, na mëërï ki gø, ni ciï ŋööm Möria; ni cïpï gø no olämi man wø waaŋ bäät kïdi aciel mano caana jïrï røk kïte moo en kaace.»

Wïlöölö 22:2 Iomraidhean Croise

Wïlöölö 17:19

'Ba Jwøk aköö, ni «Ka adïëri møn, Ceera na näk cïïï nyöötö ki dhaanhø ma dïcwøø ni jïtï ki wäädï, ni cagï nyeŋŋe ni Aydhak. Ni ö luumma tuuda ni wëëga gø bëëtö yïthakicwa ki eni na bäre bäre, këël nyïïkwaaye mo ööi køøre bëët.

Wïlöölö 21:12

'Ba Jwøk aköö jï Eeberam, ni «Kär cwïnyï pädhö kiper nyilaal ki menni na näk laŋŋø marï; gïno caan Ceera jïrï jaak, wär leŋï, kiper Aydhak beeye no cwøl nyeŋ nyïïkwaayï ki køøre.

Wïlöölö 21:3

Ni ö Eeberammi ni cak nyeŋ wääde na nywøl cïïe ma Ceera ni Aydhak.

Wïlöölö 22:12

Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Wïlöölö 22:16

ni kööe, ni «Mana caan Wuuö Jwøki beeye en, ena köö, ni ‹Kiper gïna tïïyï enøgø, ni kärï wäädï ma aciel keere mänö,

Wïlöölö 22:3

'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

Wïlöölö 22:9

'Ba na nø pïïcge kanya näk ocaan Jwøki, Eeberam atïïö ki gïn wø cïp olämi bääte kaace, ni peeth jenni na karge, ni twöc wääde ma Aydhak, ni pïël gø bäät gïn wø cïp olämi bääte bäät jenni maal.

Wïlöölö 8:20

Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte.

2 Nyeye 3:27

Kanyøgønø, eni wääde mana dwøŋ na doo läw kar gø na nyeya alwøre ni cïp gø no olämi bäät kiir. Køøre jø Icriel gena lwäyö døc ki gïna tïïe, ni aacge buute ni døøge poge.

2 Luup Nyeye 3:1

Kanyøgø Cølöman aput tägö ki man geer Øt Wuuö Jwøk yi Jerucalem bäät Kïn Möria, kanya ö Wuuö Jwøki na nyooth ree yie jï wänni ma Deebit, ni beeye kanya jiiŋ Deebiti yi laara mar Örnan nyï Jeebuc.

Mikiya 6:7

?Aŋø, løny jï Wuuö Jwøk ki man mïn yie ki nyöök rööm ma kume mo cïp no olämme, ki maaw mo caala pï näm mo thööth døc mo ba kwaan? ?Këël kanynya kiree, rømø ki man cïba gø no olämi kiper gïïa baaa? ?Eni na nyi yia, rømø ki man cïba gø kiper raay mo dëëra?

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Wëëlö Mana Göör Pøølli Baŋ Jø Röm 5:8

'Ba Jwøk mëëye ee nyoodhø jïïø, kiper kanya poodø ni øøna jø raay beeye kanya thøw Krictø kiperø.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

Ibaru 11:17

Ni beeye ŋäädhe, na ö Eeberammi na cïp Aydhak no olämi kanya päänynyi ya Jwøki. Ni ö eni na ci buuki jïre, ni put jïëy ki man cïp wääde na näk aciel no olämi,

Pïëmme 11:31

kanyo duua ki baŋ jø Amön ni dëëra jööt, ŋato cur dhi øtø mara kaace jaak ni jula aani, puta tïmö na marï, ï na Wuuö Jwøk. 'Ba aani ŋatøca puta ka cïp no olämi man wø waaŋ bäre.»

Pïëmme 11:39

'Ba kanya thum dwäde ariiø moøgø, ena duu baŋ wänni, ni ö wänni ni tïïc gïnögø dëër nyaare ki køør kööŋ mare na nø kööŋe ki gø; 'ba eni, ena nyakøø mo dëër dïcwøø poot kuue møn ni kär nywømø. 'Ba gïnögø aput tïmö na kööŋŋö jï jø Icriel,