Wïlöölö 22:17 - Wëël Jwøk

¹⁷ aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

Wïlöölö 22:17 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 17:6

ni wëëga ïïni nyaay døc, ni tïïa wïth juurre ki nyeye ni käla riï.

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 25:11

'Ba køør thøw Eeberam, Jwøk Aydhak wär Eeberam agwïëdhe; ni ö Aydhaki ni bëëde buut iith mana cwøl ni Laay-Röi.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 26:4

Ni tïïa nyïïkwaayï nee nyaacge ni caala ceer mo maal, ni wëëga ŋöömö man bäre en geni; ni ö wïth juurre mo bäät piny bëët ni gwïëdhi ki køørge.

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Wïlöölö 28:4

Ni ö Jwøki ni cïp gwïëth mana gwïëth Eeberam ki gø jïrï ki nyïïkwaayï bëët, kiper nee ŋöömmo bëëdï yie ni ïïna wëëllö enø nee lwørï na marï, ni beeye ŋöömma cïp Jwøki jï Eeberam.»

Wïlöölö 32:12

'Ba ï na Jwøk, ïïna köö ni bëëtö mara tïïyï tïïö ni beer møn, ni tïïyï kwään nyïïkwaaya ni thööth kaamar nyeŋ akwöny naama dwøŋ ni ba thum ki kwaan.»

Wïlöölö 32:13

Kanyøgø Jeekap abut kaace wäänögø. Ni lwöte røk gïïa en jïre bëët kiper nee cïbe jï coki ma Icøø.

2 Camiel 17:11

«'Ba ennø møn, acaara mara beeye ki man cwölï jø Icriel bëët baŋï, ki mano täge ki Daan këël mano këët Bëërcïïba, nee jiy tïmge ni thööth døc kaamar nyeŋ akwöny deŋ naama dwøŋ, ni ö ïïni ki dëërï kiree ni ciï baŋ leny ni jøøgø bwøtha ïïni.

1 Nyeye 4:20

'Ba jø Juuda ki jø Icriel ge thööth døc ni ge caala nyeŋ akwöny deŋ naama dwøŋ; ni ge bëëdö ni ge cämö ni ge mädhö ni yïthge met.

1 Nyeye 9:26

Nyeya ma Cølöman thuwø athädhö ki baabuure Edhiyön-Gabir na en buut päänya cwøl ni Ëlath, na en yi ŋööm Ëdöm bäät Naama Kwaar.

1 Luup Nyeye 27:23

'Ba Deebit cwøw moa näk cwiic dööŋö moge pïërariiø ki moa näk ena piny ki pïërariiø käre kwaanø, kiper luubö mana caan Wuuö Jwøki ni jø Icriel tïïe tïïö ni thööth kaamar ceer mo maal.

2 Luup Nyeye 1:9

'Ba ennø, ï na Wuuö Jwøk, luumma caanï jï wära ma Deebit beerra man wëëgï gø thur kare; kiper aana tïïyï na nyeya bäät jiy mo kwäänge caala tør mar piny.

Neemiya 9:23

Ïïni, kwään nyïïkwaacge atïïyï ni thööth ni caala ceec maal, ni 'kälï geni yi ŋöömö mana caanï jï kwäcge 'ni ge cøøa yie nee lwørge na marge.

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Aydheea 48:19

Jø oööi ki rou kwäänge doo tïmö ni thööth kaamar akwöny deŋ naama dwøŋ, ni tïm kwään nyïïkwaayu ni thööth kaamar nyeŋ akwöö. Nyeŋge ba doo kïï wøk, ni ge ba doo raanynyø nyïma.»

Jeremaya 32:22

Ni cïpï ŋöömmi en jïge, ni beeye ŋöömma kööŋï kipere jï kwäcge ni cïpï cïbö jïge, ŋöömma näk caak ki maar kïc päl yie.

Jeremaya 33:22

Nyïïkwaac dhaanhnha ma Deebit, ki jø dhi øt Libay, jø wø tïny aani, kwäänge meeda meedø ni tïmge ni thööth ni ba løny ki kwaan, kaawat man wø bëët ceerri ni ba løny ki kwaan, kaawat man wø bëët akwöny deŋ naama dwøŋŋi ni ba løny ki røm.»

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Odheea 2:1

«Cwøllu nyïïmëëgu moa näk cwøw, ni ‹Jic Jwøk,› ni cwøllu nyïïmëëgu moa näk mään, ni ‹Jøøa nyooth bäth ec jïge.›

Mikiya 1:9

Kiper ränynyö mar Cameria caala atwøda mo ba caŋŋi, ni ränynyö manøgø kare onø cäännö ki man pïïe Juuda, këël dhi kiir mar jiya mar Jerucalem.

Wëëlö Mana Göör Pøølli Baŋ Jø Röm 4:13

'Ba gïna buuk jï Eeberam ki nyïïkwaaye, ni piny doo cøøa jïge, kär öö ki køør ciik Jwøk, 'ba ööi ka køør bëënynyö man wø en ri ŋäädhe.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

1 Körin 15:57

'Ba pwøc en jï Jwøk, ŋat wø wëëk ø teek dïïm ki køør Kwääyø ma Jecu Krictø.

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,

Tiet Ciik 1:10

Wuuö Jwøk na näk Jwøu uuna nø tïïe nou thööth, ni dïcäŋi ennø, u thööth kaamar ceer mo maal.

Tiet Ciik 1:11

Beerra man ö Wuuö Jwøki na näk Jwø kwäyu ni meet kwäännu, ni tïmu nou thööth nou kaala kwäännu ennø ki kwöre ma kuma, ni gwïëth uuni keda mana buuk gø jïïu.

Tiet Ciik 10:22

Kanya ci kwäyu Ijep, gena jiy ma pïërabïriiø keerge; 'ba ennø, Wuuö Jwøk na näk Jwøu uuna tïïe nou thööth kaamar ceer ni wø en maal.

Tiet Ciik 13:17

'Ba kär dee gïn mo raac mo ocienø mo gutu ki ceŋŋu, kiper nee Wuuö Jwøk nee wëër mare na leth nee ba ö bäätu, ni nyooth mëëye jïïu, ni päth cwïnye ki gïru, ni tïïc kwäännu ni thööth, kaawat mana kööŋe jï kwäyu.

Tiet Ciik 13:18

Gïnögø tïïc Wuuö Jwøki tïïö ni näk mo dwør Wuuö Jwøk na näk Jwøu leŋŋu leŋø, ni gwøgu ciik moe bëët mo köömma uuni ki geni dïcäŋi en, nou tïïya gïn mo tiir nyïm Wuuö Jwøk na näk Jwøu.

Tiet Ciik 21:19

geni wäätge dege maaø ni kälge gø wøk dhi kiir kar acooŋa baŋ jø døøŋŋø mo pääny manø ni bëëde yie enø.

Ibaru 11:12

Kiper manøgønø, ki ri dhaanhø aciel, ŋata näk dëëre onø rømø ki thøø, nyïïkwaaye anyaay ni tïmge ni thööth kaamar ceec maal ki nyeŋ akwöny naama dwøŋ wø ba løny ki kwaan.

Ibaru 6:14

na kööe, na «Adïëri møn, ï gwïëdha gwïëdhö ni meeda ïïni.»

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»