Wïlöölö 22:12 - Wëël Jwøk

¹² Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Wïlöölö 22:12 Iomraidhean Croise

Wïlöölö 20:11

Ni kö Eeberammi, ni «Ka adïëri møn beeye kiper mana jooda gø ni jøøi ni kany en nëëni keda jiy mo ba lwäär ki Jwøk; ni nëëni keda a 'näkge nääö jaak kiper dhaagø mara.

Wïlöölö 22:13

Køøre Eeberam wïïe atïŋ maal ni lwïthe, ni joot nywø røømmø ni tuge omak abuŋŋö; ni ö Eeberammi ni cøøe ni lwør nywø røømmø manøgø, ni ŋaal gø ni cïp gø no olämi man wø waaŋ na kar wääde.

Wïlöölö 22:16

ni kööe, ni «Mana caan Wuuö Jwøki beeye en, ena köö, ni ‹Kiper gïna tïïyï enøgø, ni kärï wäädï ma aciel keere mänö,

Wïlöölö 22:2

Ni kö Jwøki, ni «Ennø, lwør wäädï ma Aydhak na näk aciel keere, na mëërï ki gø, ni ciï ŋööm Möria; ni cïpï gø no olämi man wø waaŋ bäät kïdi aciel mano caana jïrï røk kïte moo en kaace.»

Wïlöölö 26:5

Gïïögø bëët otïïa kiper mana ö Eeberammi na leŋ dwøra ni gwøk luupa, ki ciik 'moa, ki gïïa cema ki pwöc 'moa bëët.»

Wïlöölö 42:18

'Ba na tïme na dää nïne Jocep aköö jïge, «Kiper nou kwøw, tïïyu gïn noo caana jïïu en, kiper aani a lwäär ki Jwøk.

Neemiya 5:15

'Ba kwääri moa kwøŋ bwödhö nyïma dïkwøŋ, ajwäk mo teek akïthge bäät jiy, ni jwäkge caammi mo jiy ki kwøk nyïïomøki moge, ni ge meeda ge bäät gwet-bïrö ma pïëraŋween. Këël jicge, bëët jiy atïïcge ni teek. 'Ba aani teeŋ gïnögø kära tïïö, kiper aani, a lwäär ki Jwøk.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 28:28

Køøre ena köö jï dhaanhø, ni ‹Ka adïëri møn, ki man lwäär Wuuö Jwøk beeye leec wïca eni; ni man kwier gïn mo raac beeye ŋäc tiet jammi eni.› »

Jööp 5:19

Eni ï käle wøk ki yïth gïï mo leth mo pïï ra abïciel, 'ba këël doo pïï ri bïrietge bäŋ gïn mo leth mo gut ïïni.

Dut Pwøc 1:6

kiper Wuuö Jwøk bëët jøøa beyø ŋääe, 'ba bëët jøøa reyø cäätha baŋ ränynyö.

Bwøth Wøk 20:20

'Ba Modhe aköö jïge, ni «Käru lwäyö; kiper Jwøk ööi ni päänynya uuni, nou bëëdu nou lwäär ki eni, kiper nou ba bääyu.»

Pwöc Leec Wïc 1:7

Ki man lwäär Wuuö Jwøk beeye täk kwänynyö, 'ba jøøa wïthge känni, ge män ki leec wïc ki pwöc.

Luup Dïpööy 12:13

'Ba ennø, jammi bëët anø wïnyö, na aŋuun luubö beeye en. Lwäär Jwøk, ni gwøgï ciik moe, kiper manøgø beeye gïna doo tïïc jiyi bëët.

Jeremaya 19:5

Ni tïïge ki kwör lam jï jwøa cwøl ni Baal, kiper nee wäätge waaŋge no olämme jï Baal, ni beeye gïn mo ge kära köömmö ki man tïïcge gø, na gïn mo kära caanø, na acaac gïnögø bäŋgø mo ö wïïa thuwø.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 19:29

'Ba jiy bëët moa näk mïëri moge ege wiiø, wala nyïïmëëkge, wala wëëkge, wala mëëkge, wala nyïïge, wala pwöth moge, kiper nyeŋŋa, geno jïti ki møøk mo thööth døc mo kaala geni, ni ci kwøwi mana näk adïëri mo bäŋ cuŋŋe jïge.

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Moa Tïïc Nyïïatwieli 9:31

Kanyøgø acook Jwøk mo Judia bäre, ki Galili ki Cameria, gena bëëdö ki bëët-mëër ni tëënge. Ni ge bëëdö ni ge wøøra Wuuö, ni meetge rege ki køør cøm cwïny mar Jwïëc Jwøk na en kur keere.

Wëëlö Mana Göör Pøølli Baŋ Jø Röm 5:8

'Ba Jwøk mëëye ee nyoodhø jïïø, kiper kanya poodø ni øøna jø raay beeye kanya thøw Krictø kiperø.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

1 Körin 10:13

'Ba bäŋ päänynyö mo tägi dëëtu mo patha man wø tägi dëër dhaanhø. 'Ba Jwøk dwøre ba dak, nou ba wëëk päänynyö ki päänynyö mo kaala teek maru. 'Ba kanyo pääny uuni, uuno mooe ki jöö man bøthu ki gø thuwø, kiper nee maar lønyø jïïu ki man jïënynyu gø.

2 Körin 8:12

Kiper ni näk cwïny dhaanhø tar ki man cïpe, ojïëö kaawat mano nut cere, ni eni ba pëënynyi ki gïno tøør cere.

Ibaru 11:19

Kiper ee caarø ni løny jï Jwøk, këël ki man tïŋ jiy maal ki yi thøø. Kiper manøgønø, doo caanø, ni ena thøw, ni cäŋi jootø.

Ibaru 12:28

Kiper manøgønø, beerra man dwøgø pwøc jïre kiper mana jïtø ki bura mo ba maar jäŋŋi, ni tïnynyø Jwøk ni ø tïïya gïï wø mïn yie ki ge, ni ø pwøya eni ni yøø wøørø, ni ø lwäär.

Jeemeth 2:18

'Ba kanymør da ŋat mo köö, ni «Ïïni cwïnyï da ŋäädhe, 'ba aani mara beeye tïïe.» Beer, nyuth a ŋäädhe marï na näk bäŋ tïïe ree, 'ba ŋäädhe mara onyoodha jïrï ki ri tïïe 'moa.

Mana Nyooth 19:5

Ni ö dwølli mør ki bäät wälu mo köö, ni «Pwøyu Jwøk marø, u na laage bëët, u jø wø lwäär gø, ni beege moa therø ki moa døøŋŋø.»

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.