Wïlöölö 21:6 - Wëël Jwøk

⁶ Køøre Ceera aköö, ni «Jwøk aana wëëk ŋeethø, ni ŋat wäro wïny gø jaak puta ŋeethø kaamar mara.»

Wïlöölö 21:6 Iomraidhean Croise

Wïlöölö 17:17

Køøre Eeberam ree aleeŋ piny ni put ŋeethø, ni kööe ki yi cwïnye, ni «?Dhaanhø mo cwiiye oløny na dïpa doo nyöötö ki nyilaal møn? Ceera thuwø cwiiye oløny na pïërabïŋween. ?Eni poot nyöötö ki nyilaal møn?»

Aydheea 49:15

'Ba Wuuö Jwøk aköö, na «?Aŋø, dhaagø wïïe wïl ki nyilaal mare mo dhøøth, ni cwïnye ba pädhi ki gïr wääde mana käl yie kiree? Këël dhaagø wïïe doo wïl, aani wïïa ba wïl ki uuni.

Aydheea 49:21

Køøre pääny tïmö kaamar dhaagø mo cäänö ki yi cwïnye, na ‹?Aŋa na nywøl obwöre moi jïra? Aana dhaanhø mo obwöre moe othum ki thøø, naa ba nywøl këët, ni aano kälö ni aano maa ki tøŋ, naa thääyö jaak. ?Aŋa nø na piith obwöre moi? Ka adïëri møn, aana dööŋ a keera. ?'Ba moi nø ge kälge kaa?› »

Aydheea 54:1

Wuuö Jwøk aköö, «Wui, ï na Jerucalem ni caal dhaagø ma bwøc mo kär nyöötö ko obwöre, kwöŋŋï ki met ec! Kwöŋŋï døc niï wär ki met ec ni dwørï iï tïŋ maal, ï na näk mäc lwaar kuyï; kiper ïïni, këël na bëëdï ni ïïno dööŋ keerï, ïïno jïti ko obwöre mo thööth, niï kaala dhaagø mo bëëdö ka cwøre.

Jeremaya 20:15

Acïëni en bäät ŋata caan dwøl jï wära, na tïïc yi wära ni met, ni kööe, ni «Ïïna nyöönni ki nyilaal ma dïcwøø.»

Luk 1:14

'Ba yiï omïnni ni kanynyï, ni ö jiyi mo thööth ni mïn yïthge kanyo lwaarø ki gø.

Luk 1:58

Ni ö jøøa en buute ya atut ki tuuŋge ni wïnyge gø ni ena nyuunh Wuue ki køny mo dwøŋ døc, ni mïn yïthge ki eni na aciel.

Wëëlö Mana Göör Pøølli Baŋ Jø Röm 12:15

Yïthu mïnge ki jø wø yïthge met. Ni jwöŋu ki jø wø jwöŋi.

Ibaru 11:11

Ni beeye ŋäädhe, na ö Ceera ki dëëre na jïte ki teek nyöödö, këël na näk eno døøŋŋø ni kare onø pöödhö, kiper na caar ŋata buŋ gø ni dwøre ba dak.

1 Camiel 1:26

'Ba Anna aköö jï Ëli, «Wui kwäärö, aani a kööŋŋa riï; kar kaaca dhaaŋŋa cuŋŋö buutï kany na lämö jï Wuuö Jwøk beeye aani.