Wïlöölö 21:33 - Wëël Jwøk

³³ Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

Wïlöölö 21:33 Iomraidhean Croise

Wïlöölö 12:8

Køøre ena tïŋŋö ki kaace ni cøøa ri kïdi mana en Bëthël, na en jï løø kur tuul-cäŋ. Ni gur oduŋkaara mare piny, ni Bëthël ee wii jï løø kur pänh-cäŋ, ni Gaay ee wii jï løø kur tuul-cäŋ. Køøre ena tïïö ki gïn wø cïp olämme bääte kaace jï Wuuö Jwøk, ni wøør nyeŋ Wuuö Jwøk.

Wïlöölö 21:32

Kanya nø tutge ki luubö Bëërcïïba, Abimëlëk ki Piköl na näk kwääy lwaak mare aö maal ni døøge yi ŋööm Pilitin.

Wïlöölö 26:23

Køøre Aydhak aay kaace ni ci Bëërcïïba.

Wïlöölö 26:25

Køøre Aydhak atïïö ki gïn wø cïp olämme bääte kaace, ni wøør nyeŋ Wuuö Jwøk, ni gur oduŋkaare moe piny kaace; ni ö jø tïïci moe ni kunyge ki iith kaace.

Wïlöölö 26:33

Ni ö Aydhaki ni put nyeŋ iithøgø cwøl ni Cïïba; kiper manøgø nø, nyeŋ pääny mana en kaace poot cwøl ni Bëërcïïba këël dïcäŋi ennø.

Wïlöölö 4:26

Ni ö Cëthi ni nyööte ki nyilaal ma dïcwøø ni cak nyeŋ gø ni Ënöc. Køør manøgø nø, jiy aput tägö ki man lamge nyeŋ Wuuö Jwøk.

Bwøth Wøk 15:18

Ka adïëri møn, Wuuö Jwøk obëëdö na wïth gïïa en bäät piny bëët na bäre bäre.»

Aydheea 40:28

?Aŋø, gïn kuyu? ?Käru wïnynyö? Wuuö Jwøk beeye Jwøk man wø bëëdö na bäre bäre, ni bee eni na cwääc piny bäre; eni dëëre ba øc piny ni eni ba ööl. Ena Jwøk mo tier leec wïc mare ba løny ki kwany.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Abakuk 1:12

Wui Wuuö Jwøk, Jwøk mara, ï na en kur keere, ?aŋø, ï ba käl ya acääŋŋe? Waani, wa ba thøw. Wui Wuuö Jwøk, jø Kaldia akwanyï ki man ŋølge luup. Wui, ï na kïnna teek, tietge akëëlï piny ki man tiirge jiy.

Wëëlö Mana Göör Pøølli Baŋ Jø Röm 1:20

Kiper ki kanya cwääc piny këël kawaane, mo Jwøk na näk ba neen dhaanhe ki waŋe anëënö ni beyø ri gïïa näk ee cwääö, ni beeye teek mare na näk ba cuŋ, ki bëëtö mare ni ena Jwøk. Kiper manøgø nø, røkge ba maarge piem.

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Tiet Ciik 16:21

«Käru cööth piny ki jaadha näk otieŋø na näk ocaa ri jwøa cwøl na Acara kiper dëëtu buut gïn wø cïp olämme bääte mano tïïyu jï Wuuö Jwøk na näk Jwøu,

Tiet Ciik 32:40

Ka adïëri møn ceŋŋa ŋaaba maal, ni kööŋŋa ŋëëta keera, ni caana mara ni kööa,

Tiet Ciik 33:27

Jwøk na nut cøøn beeye eni wø bëëdu ree ni wø gwøk uuni; ni bëëdö ni u ee jølø cooth ki ceŋŋe. Ni beeye eni na riem nyïïmännu wøk nyïmmu; ni caan gø jïïu kiper nee geni thööru.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Pïëmme 3:7

Kanyøgønø, jø Icriel atïïö ki gïï mo nëëni ni reyø ki jï Wuuö Jwøk, ni wïl wïthge ki Wuuö Jwøk na bëëdö na Jwøk marge, ni tïnyge juuga cøøri ni Baal ki Actaröt.