Wïlöölö 21:17 - Wëël Jwøk

¹⁷ Ni ö Jwøki ni wïny dwør nyilaal ni jwöŋö thuwø; ni ö nyïïatwiel Jwøki ni cwøl Eegar ki maal, ni kööe jïgø, «?Eegar, agïnaŋø na tägö dëërï? Kärï lwäyö, kiper Jwøk dwør nyilaal awïnynye ni jwöŋö kanyo en yie enø.

Wïlöölö 21:17 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 16:11

Ni cäŋ nyïïatwiel Wuuö Jwøki köö jïre, ni «Neenï, yiï oløny ni da dhaanhø; ïïno lwaar ki gø na dïcwøø; ni cagï nyeŋŋe ni Icmiel, kiper Wuuö Jwøk gïïa jwørï bëët awïnynye.

Wïlöölö 16:7

Kanyøgøøni Eegar ajoot nyïïatwielli mar Wuuö Jwøk ni ena buut jøøro dï paap, ni jøøro manøgø ena jööra näk cøøa paana cwøl ni Cur.

Wïlöölö 16:8

Ni kö nyïïatwielli jïre, ni «?Eegar laŋ Caray, ï kälï kaa? ?Ï ciï kaa ŋø?» Ni dwøk gø jïgø, na «A päny wøk ki baŋ Caray ŋata tïnynya.»

Wïlöölö 16:9

'Ba nyïïatwiel Wuuö Jwøk aköö jïre, ni «Døø baŋ Caray na tïnynyï, ni cïpï dëërï jïre ni bëëdï niï ena tiere.»

Wïlöölö 22:11

'Ba nyïïatwiel maal mar Wuuö Jwøk acwötö ki maal ni kööe, ni «Eeberam! Eeberam!» Ni kö Eeberammi, ni «Aani en.»

Wïlöölö 24:7

Wuuö Jwøk, Jwø maal, ŋata käl aani wøk ki po wära yïth ŋøøpa nywøl aani yie, na cäänö na buŋ aani na köö, ni ‹Ŋöömö man omëëga nyïïkwaayï,› eni ki dëëre nyïïatwiel maal mare jääŋŋe jääŋŋö nyïmï, ni ö ïïni ni jïtï ki dhaagø jï wääda kaace.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

2 Nyeye 13:23

'Ba Wuuö Jwøk met ec ki bäth ec mare anyoodhe jï jø Icriel, ni løø cwïnye baŋge, kiper luumma näk ee tuudö ki Eeberam ki Aydhak ki Jeekap, ni eni ba many man raany jø Icriel, wala ki man riem ge buute, këël dïcäŋi en.

2 Nyeye 13:4

Køøre Jeyöakac Wuuö Jwøk akwaae, ni ö Wuuö Jwøki ni wïny kwac mare, kiper Wuuö Jwøk caannø mana ö nyeny Aram na caan jø Icriel ki gø ajoode.

Bwøth Wøk 14:13

'Ba Modhe aköö jï jø Icriel, ni «Käru lwäyö; cuŋŋu karu ni neennu køny mar Wuuö Jwøk mano tïïe kiperu dïcäŋi en; kiper jø Ijep moø neetu dïcäŋi yøø, ge ba cäŋu neennø këët na bäre bäre.

Bwøth Wøk 22:23

'Ba ni näk mo ge you caannø, ni jwöŋge baŋa, a na Wuuö Jwøk, ka adïëri møn, kwac marge leŋa leŋø;

Bwøth Wøk 22:27

kiper beeye mar rïëpa eni keere jïre, ni beeye abïï rïëp man wø rïëp dëëre ki gø. ?Aŋø, dagø mo odööŋ jïre këët mo rëëbe ki gø? Kanyo täk teeŋ gïnögønø, ni ö ŋata abïïne lwør ni jwöŋe ni pëënynya aani, eni dwøre leŋa leŋø, kiper aani a bëëdö ni yia met ki jiy.

Bwøth Wøk 3:2

Kanyøgø nyïïatwiel maal mar Wuuö Jwøk ree anyoodhe jï Modhe ki yi maac mo liel dï abuŋŋö; ni ö Modhe ni lwïthe, ni joot abuŋŋö ni liel, 'ba abuŋŋö kär waaŋ.

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Aydheea 22:1

'Ba luumma nyooth Wuuö Jwøki kiper jøøa bëëdö goor wø nyooth luup yie bee en: «?Aŋø, agïnaŋø na tägö rou ennø, ni tïme ni u bëët, u puta eth wïth uudi maal en?

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Mathiew 15:32

Kanyøgø Jecu bääge acwöl baŋe, ni kööe, ni «Cwïnya apädhö ki gïr lwaaøgø, kiper nïne adäk ennø ni ge bëëdö ka aani, ni bäŋ gïn mo camge. 'Ba aani yia ba met ki man wëëga ge wääth ki käc. Kanymør ge bup waŋjöö.»

Maak 5:36

'Ba na ö Jecu na wïny gïna caange, ena köö jï kwääy øt acooŋ lam, ni «Kärï lwäyö, 'ba ŋäc ŋäädhe keere.»

Tiet Ciik 26:7

Køøre waana jwöŋö dëër Wuuö Jwøk na näk Jwø kwäcwa, ni ö Wuuö Jwøki ni wïny döötwa, ni joot caannø marwa ki öölö marwa ki nyøøn mana nyøøn wa piny ki gø.

Pïëmme 18:23

Køøre geni jø tuuŋ Daan arwaacge; ni ö jø tuuŋ Daan ni løkge nyïmge, ni köge jï Mikiya, «?Ï manynyï ŋø baŋwa, ni rïïŋu ni rou you dwalø en?»

1 Camiel 11:5

'Ba kar kaagø, Cøøl aput öö ki yi pwödhö ni cäädha køør dhäk mo puur, ni kööe, na «?Aŋø, agïnaŋø no otägö dëët jiy, ni jwöŋge en?» Kanyøgønø, luubö mana käl baŋ jø Jabic-Gelät acaange jïgø.