Wïlöölö 21:16 - Wëël Jwøk

¹⁶ Køøre ena aay ni pï piny kany mo bäär mëëth mo bäye caala cuŋ atheerø mo othöörö, kiper mana kööe, ni «Beerra man thøw nyilaalli manøgø ni ba nëëni jïra.» 'Ba na pï piny kaace ni dïët ki nyilaal, ena tägö ki man gööe ko oduuru.

Wïlöölö 21:16 Iomraidhean Croise

Wïlöölö 21:15

'Ba kanya nø thum pïïyi moa en ya agwäy ki maath, Eegar nyilaal awii tier abuŋŋö aciel dï paap kaace.

Wïlöölö 27:38

'Ba Icøø aköö jï wänni, na «?Aŋø Awuuö, beeye gwïëth aciel keere na en jïrï? Wui Awuuö, gwïëth aani, gwïëth aani thuwø.» Køøre Icøø aput jwøk døc kiree.

Wïlöölö 29:11

Køøre Jeekap dhi Reecal anuume ni put jwøk.

Wïlöölö 44:34

?Kiper aano døøa baŋ wära nidïï ni näk nyilaal tøør buuta? Aana lwäyö kiper gïna raac mano neena noo tägi dëër wära.»

1 Nyeye 17:12

'Ba nyijøøgø aköö, ni «Ŋëët Wuuö Jwøk, Jwøk marï na kwøw, aani bäŋ dääpö jïra, 'ba beeye nyi møø ma yi cenø keere mo ena yi nya awal, ki nyi maaw mo thiinh mo ena tier agwäy. Ennø, beeye ni möönna ki jenni mo thenh en, naa døøa paac kiper nee thaala kipera ki wääda, nee camwa, nee wa putwa thøø køøre.»

1 Nyeye 3:26

'Ba dhaagø mana näk nyilaal mana kwøw beeye mare, cwïnye apädhö døc kiper wääde, ni cääne ki nyeya ni kööe, «Wui, ï na nyeya mara, cïp nyilaal mano ni kwøw enø jï nyaanøgø; kär nyilaal 'nägï.» 'Ba dhaagø maya aköö, ni «Nyilaal man ba tïmö na mara, ni ba tïmö na marï; di pääŋŋö ki dïëre.»

Acther 8:6

?Kiper cwïnya omaa gø nidïï ki gïnögø ni raac enø noo päth bäät jø powa, wala cwïnya omaa gø nidïï ki man neena jø tuuŋwa ni di raanynyø?»

Aydheea 49:15

'Ba Wuuö Jwøk aköö, na «?Aŋø, dhaagø wïïe wïl ki nyilaal mare mo dhøøth, ni cwïnye ba pädhi ki gïr wääde mana käl yie kiree? Këël dhaagø wïïe doo wïl, aani wïïa ba wïl ki uuni.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Luk 15:20

Ni ö maal ni tïŋŋe ni ci baŋ wänni. 'Ba kanya poode ni kare bäär, ena joot wänni, ni päth cwïnye ki gïr gø, ni reŋe ni gääm gø, ni nuum dhi gø.

Pïëmme 2:4

'Ba kanya ö Wuuö Jwøki na nyooth ree kaamar nyïïatwiel maal na caan luupögø jï jø Icriel bëët, jø Icriel gena put jwöŋö ni döötge ege tïŋ maal.

Ruuth 1:9

Beerra man ö Wuuö Jwøki ni wëëk ŋati man nø pïïn piny ni jïte ki paare ni bëëde ki cwøre.» Ni ö Naømi ni nuum dhøkge ni määtha geni; ni put nyïgögø jwøk døc ni döötge ege tïŋ maal.

1 Camiel 24:16

'Ba kanya ö Deebiti na thöör luup moa care jï Cøøl, Cøøl aköö, «Nyie Deebit wääda, beeye ïïni ni dwørï wïnynya møn enø?» Køøre Cøøl aput jwøk døc ni dwøre ee tïŋ maal.

1 Camiel 30:4

Køøre Deebit ki jiye na cäädhe ki ge, gena jwöŋö døc ni döötge ege tïŋ maal këël mana rööc cwäkge.