Wïlöölö 21:1 - Wëël Jwøk

¹ 'Ba Wuuö Jwøk aö kuna køny Ceera kaawat mana caane, ni ö Wuuö Jwøki ni tïïc gïna kwøŋ buuk jïgø.

Wïlöölö 21:1 Iomraidhean Croise

Wïlöölö 17:16

'Ba eno gwïëdha, këël mano mooa ïïni ki nyilaal ma dïcwøø mo käla dëëre kiree. Eni gwïëdha gwïëdhö, ni tïme na mii wïth juurre; ni tïm nyeye mo wïth juurre ni käla ree.»

Wïlöölö 17:19

'Ba Jwøk aköö, ni «Ka adïëri møn, Ceera na näk cïïï nyöötö ki dhaanhø ma dïcwøø ni jïtï ki wäädï, ni cagï nyeŋŋe ni Aydhak. Ni ö luumma tuuda ni wëëga gø bëëtö yïthakicwa ki eni na bäre bäre, këël nyïïkwaaye mo ööi køøre bëët.

Wïlöölö 17:21

'Ba luumma tuuda owëëga bëëtö yïthakicwa ki wäädï ma Aydhak, no lwaar Ceera ki gø cwiino ööi kar kany nø.»

Wïlöölö 18:10

'Ba dhaanhø aciel røk jøøgø aköö, ni «Ka adïëri møn, cwiino ööi kar kany nø aano duu baŋï; ni ö cïïï ma Ceera ni nyööte ki nyilaal ma dïcwøø.» 'Ba kar kaaca Ceera ïthe ee ciiø dho oduŋkaara ŋää ŋatøgø.

Wïlöölö 18:14

?Aŋø, da gïn mo dhäthö jï Wuuö Jwøk? Ki kanya näk ocaanø aano duu baŋï cwiino ööi kar kany nø, ni ö Ceera ni nyööte ki nyilaal ma dïcwøø.»

Wïlöölö 24:36

Ni ö Ceera cï kwääya ni nyöötge ki kwääya ki dhaanhø ma dïcwøø ni eno nø jalø. Ni ö Eeberammi ni cïp jammi bëët moa en jïre jï wääde.

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

2 Nyeye 4:17

Køøre nyijøøgø yie aput jïtö ki dhaanhø, ni lwaare ki gø na dïcwøø yi kar kanya caan Ilaaca jïre.

Bwøth Wøk 20:5

Kär geni lamï, ni ba tïnynyï geni, kiper aani na Wuuö Jwøk na näk Jwøï, aana Jwøk ma ŋat keec, ni jø wø män ki aani, gïïa bacge kïtha bäät obwöre moge ni jääla geni këël dää beenhnhe, ni put pïï ri ŋweer beenhnhe.

Bwøth Wøk 3:16

«Ciï ni cooŋï jø døøŋŋø mo jø Icriel kanya ciel ni kööï jïge, ni Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, ree anyoodhe jïra ni kööe, ni ‹Ka adïëri møn, a cädö kiperu këël kiper gïïa tïïc dëëtu Ijep,

Bwøth Wøk 4:31

Ni ö jø Icrielli ni ŋääthge; 'ba kanya wïnyge gø ni Wuuö Jwøk alïïmmö baŋge ni joot caannø marge, wïthge akuulge piny ni wøørge gø.

Mathiew 24:35

Maal ki piny opöödhi, 'ba luupa ba dak.

Luk 1:68

ni «Pwøc en jï Kwäärö Jwøk, Jwø Icriel, kiper ena lïïmmö ni wïïl jiye wøk,

Luk 19:44

ni gøcge u ki piny, ni beeye uuni ki nyïïu. Ni bäŋ kïdi aciel mo dege wii bäät kïdi mør pou, kiper mana käru lïïmmö mar Jwøk ŋiiø mana lïïmme baŋu.»

Galeecia 4:23

'Ba wäädö mana nywøl laŋŋø, nywøl ka ri mo dëël, 'ba wäädö mana nywøl dhaaŋŋa näk ocøødø, nywøl ka køør mana buuk Jwøki.

Galeecia 4:28

'Ba kawaane, nyïïmera, uuni, u caala Aydhak, ni uuna nyïï buuk.

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Ruuth 1:6

Køøre Naømi ki määr wääte atïŋŋö ki Möap, ni eni døøa poge, kiper awïnynye ni Wuuö Jwøk jiye ma jø Icriel akønye ni ciek caammi.

1 Camiel 1:19

Køøre Elkana ki määre, gena päny maal ka amöölla cøøn ni wøørge Wuuö Jwøk, ni putge døø poge na en Reema. 'Ba Elkana aci baŋ cïïe ma Anna na dhaagø, ni ö Wuuö Jwøki ni køny Anna ki man jïte ki nyilaal.

1 Camiel 2:21

'Ba Wuuö Jwøk Anna akønye; ni ö Anna ni nyööde ko obwöre adäk ma cwøw ko obwöre ariiø ma mään. 'Ba nyilaarø na Camiel enø abëëdö ni døøŋŋø nyïm Wuuö Jwøk.