Wïlöölö 20:3 - Wëël Jwøk

³ 'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 20:3 Iomraidhean Croise

Wïlöölö 12:17

'Ba Wuuö Jwøk täwe mo leth døc akïth bäät Peerø ki jø paan dwøŋ mare ki køør Caray cï Abram.

Wïlöölö 12:18

Køøre Peerø Abram acwøle, ni kööe, na «?Agïnaŋø na tïïyï dëëra en? ?Aperŋø na ba caanï gø jïra en ni nyijøøgø cïïï?

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Wïlöölö 28:12

Køøre ena lägö kede doo ogat moo cwöth piny mo wïïe okëët maal; ni nyïïatwieli mo Jwøk cøøa maal ni duua piny ki bääte.

Wïlöölö 31:24

'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 37:5

Kanyøgø Jocep alägö ki lääk. 'Ba kanya par gø jï uutwänni, män marge ki eni aput kadhø døc.

Wïlöölö 37:9

Køøre ena cäŋ lägö ki lääk mør, ni par gø jï uutwänni, ni kööe, «Aani nø, aana cäŋ lägö ki lääk mør. Kanya läga nëëni kere cäŋ ki dwääy ki ceer apaar kurciel wïthge ege kuul piny nyïma.»

Wïlöölö 40:5

'Ba dï wäär aciel ŋata bëëdö na nyikeenø ki ŋata en tïï dääpe cere, jøøa leeŋ øt twöc, gena lägö bëët karge riet, ni ŋati man nø lääge ena kur keere, ni tier lääk man nø ena kur keere.

Wïlöölö 40:8

Køøre gena köö jïre, «Waana lägö ki lääk, ni bäŋ dhaanhø mo caan tiet lääk jïwa.» Ni kö Jocepi jïge, «?Aŋø, løk lääk ba doo käla baŋ Jwøk? Beerra man parru läägu jïra.»

Wïlöölö 46:2

Ni ö Jwøki ni cääne ki Icriel ki wäär ki yïth lääk, ni kööe, «Jeekap, Jeekap.» Ni kö Jeekapi, ni «Aani en.»

1 Luup Nyeye 16:21

ge käre wëëk dhaanhø mør nee ge thiel piny; nyeye aköömme kiperge, ni kööe,

Jööp 33:15

Kany wø tïme na wäär ni jiy obutö døc kwör niine moge, Jwøk cäänö ki jiy ki yïth lääk ki ri jammi mo wø nyooth ki yi wïc ki wäär,

Jööp 33:17

ni mare duu geni wøk ki uutjïëthe moge na reyø, ni mäna geni ki bëët atöör;

Joona 3:4

Køøre Joona atägö ki man caath dï päänyögø ki dïcäŋ aciel bäre, ni rëëdö, ni «Ennø, dööŋŋa nïne ma pïëraŋween keerge nee Nineba raanynyi.»

Kwään Jiy 22:9

Køøre Jwøk aö bäät Beelam, ni kööe, na «?A jøøe ni en buutï yøø?»

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 27:19

'Ba kanya bëët Paylati no opï piny bäät køøm løøk, cïïe aöön baŋe ki dwøl ni kööe, ni «Kär dee gïn tïïyï ki ŋatøgø ni mare beer enø. Kiper gïï mo leth døc ajwøra yawïtïni ki yïth lääk kipere.»