Wïlöölö 20:18 - Wëël Jwøk

¹⁸ Kiper Wuuö Jwøk mään moa en po Abimëlëk bëët ee mänö ki man jïtge ko obwöre kiper mana ö Abimëlëki na lwør Ceera cï Eeberam.

Wïlöölö 20:18 Iomraidhean Croise

Wïlöölö 12:17

'Ba Wuuö Jwøk täwe mo leth døc akïth bäät Peerø ki jø paan dwøŋ mare ki køør Caray cï Abram.

Wïlöölö 16:2

Ni kö Caray jï Abram, ni «Ennø, Wuuö Jwøk aana mäne ki man nyööda ko obwöre. Beerra man ciï baŋ dhaaŋŋa näk laŋŋø mara; kanymør aano jïti ko obwöre ki køøre.» Køøre Abram dwør cïïe ma Caray aleŋe.

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Wïlöölö 30:2

'Ba Jeekap awëër døc ki Reecal, ni kööe, «?Aŋø, aana Jwøk na män ïïni ki man nyöödï ko obwöre?»

1 Camiel 1:6

'Ba cooth Anna yie wø cwaat nyäge cwaadø døc këël mano räny cwïnye, kiper mana näk eno män Wuuö Jwøki ki nyöödö.

1 Camiel 5:10

Kanyøgønø, acanduk mar Jwøk ajääŋge paana cwøl na Akarön. 'Ba gïna tägö, kanya pïïc acanduki mar Jwøk Akarön, jø Akarön aput göö ko oduuru, ni köge, ni «Geni, acanduk mar Jwø Icriel akälge baŋø, nøø thøø ki jø pøø bëët.»