Wïlöölö 2:7 - Wëël Jwøk

⁷ Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Wïlöölö 2:7 Iomraidhean Croise

Wïlöölö 1:27

Ni ö Jwøki ni cwääc dhaanhø ni röömi ki eni, ni cwääc gøøni ni caala kïte. Ni cwääc geni na dïcwøø ki dhaagø.

Wïlöölö 2:6

'Ba da rwöc mo wø ööa wøk ki yïth ŋøøm mo jwøya piny bäre.

Wïlöölö 3:19

Cam marï ojootï ki køør kwäk marï këël mano tïme ni ŋuuda thøø marï no døøï yi ŋöömö, kiper ï käla ree. Ï käla ri ŋöömö; køøre ï døøa yi ŋöömö.»

Wïlöölö 3:23

Kiper manøgø nø, Wuuö Jwøk dhaanhø ariem wøk ya ajïniinna en Ëden, kiper nee tïme ni puura ŋøøm moa käl yïthge.

Wïlöölö 7:22

Ni ö gïïa kwøw na en bäät piny bëët na näk dëëtge da jwïëy ni thøwge bëët.

Jööp 27:3

Aani, këël kanyo bëëda naa poot kwøw, ni jam dhøk mar Jwøk bëëdö uma,

Jööp 33:4

Jwïëc Jwøk bee na cwääc aani, ni ö jam jwïëy mar Jwøa en teeki jïre ni wëëk aani kwøw.

Jööp 33:6

Aani cøøn, a rööma ïïni ki nyïm Jwøk, naa käla ro odhöönh thuwø.

Jööp 4:19

a tugi ki dhaanhø nø, ni bëëdö yi øtø mo tïïc ko odhöönh en, ni tiere kanya käl yie bee yi tør, ni bee gïn wø laar dweny kaamar alweela.

Pwöc Leec Wïc 20:27

Cwïny beeye lamba mana cïp Wuuö Jwøki jï dhaanhø, man wø meeny yi dhaanhø bäre.

Luup Dïpööy 12:7

Køøre nø, tør døøa yïth ŋøøm na käl yi gø, ni ö jwïëyi ni døø baŋ Jwøk na cïp gø.

Luup Dïpööy 3:7

Da caa ma abïï di jeeyø yie, ki caa man kwøy yie; da caa mar lïŋŋö, ki caa mar cäänö.

Aydheea 2:22

Weyu ŋääth dhaanhø, man ni jwïëy ka ume keere jaak en. ?Aŋø, da kare cøøn?

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Wëël Kïmmö 4:20

ŋata tïïc Wuuö Jwøki nee wïïe thïïmmi ki maaw, na bëëdö ni caala jwïëy moø, amakge ka abïëp marge, ni beeye ŋata cäänø kipere, ni «Ø doo bëëdö tïpö mare yïthakic wïth juurre.»

Edhikiel 37:5

Kwäärö Wuuö Jwøk luumma caane kiperu bee en, ena köö, ni ‹Jam jwïëy kïtha dëëtu nou cäŋu kwøw.

Edhikiel 37:6

Dëëtu cäŋa ka mooyø ki läär ki rïŋö, ni rïëba rïŋ dëëtu ki buyö, ni jwïëa bäätu nou cäŋu kwøw; køøre ŋäyu ŋääö ni bee aani na Wuuö Jwøk.› »

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

Kwään Jiy 27:16

ni «Ï na Wuuö Jwøk, na näk Jwø jwïëy mo jiy bëët, ï doo jëëtö ki dhaanhø mo käär lwaak man,

Jøøn 20:22

'Ba na lønye ki caan gïnögø, ena jwïëy bäätge ki jamø, ni kööe jïge, ni «Jwïëc Jwøk na en kur keere jïëyu nee ci dëëtu.

Moa Tïïc Nyïïatwieli 17:25

Ni eni ba tïny jiyi ki ceŋge, kee da gïn manynye, kiper bee eni ki dëëre ni wø cïp kwøw jï jiy bëët, ki jwïëy, ki jammi bëët.

Wëëlö Mana Göör Pøølli Baŋ Jø Röm 9:20

?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?»

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

1 Körin 15:47

Kiper dhaanhø mana dïkwøŋ käla piny, ni beeye dhaanhø mo käla ri ŋøøm. 'Ba ŋata en cään, käla maal.

2 Körin 4:7

'Ba gïnö ni pere leth ni en jïwa en, okan yïth dääk odhöönh, nee ŋäc ni teegøgø ni dwøŋ enø, wø ena jï Jwøk ni patha marwa.

2 Körin 5:1

Kiper ŋäcwa ni ni näk abïl bëëtwa yie pinyi en onyaaø, jïwa da øtø baŋ Jwøk, mo ba tïïc ka ceŋ, ni beeye øtø mana näk adïëri na en maal ni wø bëëdö na bäre bäre.

1 Timöthi 2:13

Kiper Adam beeye na kwøŋ cwääc, ni cwääc Iip køøre.

Ibaru 12:9

'Ba jïïø da wëëe piny thuwø mo wø pwönynya øøni, ni wøørø geni. ?Aŋø nø, ni ba jïëø ki Wää jwïëy 'moø ni kwøø?