Wïlöölö 2:3 - Wëël Jwøk

³ Køøre Jwøk bïriet nïne agwïëdhe, ni tïïc gø ni ena kur keere na mare, kiper beeye dïcäŋ mana jwöm ree yie ki tïïc kanya løny tïïe moe ki jammi bëët moa cwääe.

Wïlöölö 2:3 Iomraidhean Croise

Wïlöölö 1:31

Køøre Jwøk gïïa tïïe bëët aneene, ni joot ge ni beyø døc. Ni tïme ni da abøøya ka amöölla. Ni beeye bïcier nïne.

Wïlöölö 2:2

'Ba na tïme na bïriet nïne, ni Jwøk tïïe moe moa tïïe bëët ee nø thöör, eni ree ajwöme ri bïriet nïne kanya løny tïïe moe bëët moa tïïe.

Wïlöölö 2:4

Man beeye luum cwääc mana cwääc maal ki piny ki gø. Kanya ö Wuuö Jwøki na cwääc maal ki piny,

Neemiya 9:14

Ïïni, cäŋ jwömö marï na en kur keere acaanï jïge nee ŋäcge, ni cïpï pwöc moï, ki gïïa cemï, ki ciik moï jïge ki ri dhaanhnhï ma Modhe.

Bwøth Wøk 23:12

«Tïïe mou dou tïïö ki yïth nïne moa näk abïciel. 'Ba noo tïme na bïriet nïne, tïïc dou wiiø, kiper nee dhäk mou ka arëëni mou dëëtge jwömge, ni ö wäät laaŋe moa nywøl mïëyu bëët ki wëëlle moa path mo wø tïny uuni ni jïtge ki jwöm dëël.

Bwøth Wøk 34:21

«U doo tïïö ki nïne abïciel, 'ba noo tïme na bïriet nïne, u doo jwöm; këël køp ni beeye kar puur wala kar kac caammi, rou dou jwömö.

Pwöc Leec Wïc 10:22

Gwïëth mar Wuuö Jwøk beeye wø duunni ki kwärö, ni kïmmö bäŋ wø meet bääte.

Edhikiel 20:12

Ni pwönynya geni thuwø ki man gwøkge cääŋŋe 'moa mo jwöm, nee bëëtge ni caala ŋïï yïthakicwa ki geni, nee ŋäcge ni bee aani na Wuuö Jwøk na tïïc geni na jiy mo ena kur keerge.

Ciik Kiper Dïlämme 23:3

« ‹Ki yïth nïne abïciel tïïe løny ki man tïï; 'ba noo tïme na bïriet nïne beeye cäŋ jwömö man wø jwöm dëël yie, ni beeye cäŋ acooŋa mo ena kur keere. Kär dee tïïe mo tïïyu tïïö, kiper beeye cäŋ jwömö jï Wuuö Jwøk ki yïth kwöro bëëdu yïthge bëët.

Maak 2:27

Ni kööe jïge, ni «Cäŋ jwömö tïïc kaper dhaanhø, ni paa dhaanhø na tïïc kiper cäŋ jwömö.

Luk 23:56

Køøre gena døøk, ni jiiŋge mäth wïïr ma teeŋi mo wø ŋwääi ni met. 'Ba na tïme na cäŋ jwömö røkge ajwömge, keda mana näk ocemø.