Wïlöölö 2:2 - Wëël Jwøk

² 'Ba na tïme na bïriet nïne, ni Jwøk tïïe moe moa tïïe bëët ee nø thöör, eni ree ajwöme ri bïriet nïne kanya løny tïïe moe bëët moa tïïe.

Wïlöölö 2:2 Iomraidhean Croise

Wïlöölö 1:31

Køøre Jwøk gïïa tïïe bëët aneene, ni joot ge ni beyø døc. Ni tïme ni da abøøya ka amöölla. Ni beeye bïcier nïne.

Wïlöölö 2:3

Køøre Jwøk bïriet nïne agwïëdhe, ni tïïc gø ni ena kur keere na mare, kiper beeye dïcäŋ mana jwöm ree yie ki tïïc kanya løny tïïe moe ki jammi bëët moa cwääe.

Bwøth Wøk 23:12

«Tïïe mou dou tïïö ki yïth nïne moa näk abïciel. 'Ba noo tïme na bïriet nïne, tïïc dou wiiø, kiper nee dhäk mou ka arëëni mou dëëtge jwömge, ni ö wäät laaŋe moa nywøl mïëyu bëët ki wëëlle moa path mo wø tïny uuni ni jïtge ki jwöm dëël.

Bwøth Wøk 31:15

Tïïe doo tïïö ki nïne abïciel, 'ba noo tïme na bïriet nïne, beeye cäŋ jwömö man jwöm røk yie, ni beeye cäŋ mo ena kur keere jïra, a na Wuuö Jwøk; ni ŋato tïïö jaak ki cäŋ jwömö, ka adïëri møn, wär thøøe.›

Bwøth Wøk 31:17

Gïnögø bëëdö na nyuudhi mo ena yïthakicwa ki jø Icriel na bäre bäre; kiper a na Wuuö Jwøk, maal ki piny acwääa ki nïne abïciel; 'ba na tïme na bïriet nïne, aani raa ajwöma, ni koodha ŋëëta.»

Aydheea 58:13

«Ni näk mo dëëtu mänu mänö ki man tïïyu jap wø mïn yïthu ki ge yi cäŋ jwömö mara na en kur keere, ni cwøllu gø na cäŋ met ec na cäŋa en kur keere na näk owøørø na mara, a na Wuuö Jwøk, ni wøørru gø nou ba cäädhi ka jöö maru keeru, nou ba tïïc jap wø mïn yïthu ki ge keerge, nou ba cäänö ki luup mo oballe,

Jøøn 5:17

'Ba aløk Jecu jïge, ni «Wära poot tïïö, ni pooda naa tïïö thuwø.»

Tiet Ciik 5:14

'Ba bïriet nïne beeye cäŋ jwömö jï Wuuö Jwøk na näk Jwøï. Kär dee gïn mo tïïyï dïcäŋöce, ïïni wala wäädï wala nyaarï, wala ŋat tïïc marï ma dïcwøø wala ma dhaagø, wala rwaath marï wala arëën marï wala lääy mør røk lääc paac moï, wala wëëllö mo path mo bëëdö ka ïïni, kiper nee ŋat tïïc marï mana näk dïcwøø wala ma dhaagø nee ree jwöme kaawat marï.

Ibaru 4:10

Kiper ŋat wø ci kar jwöm Jwøk, tïïe moe wø wiie wiiø thuwø, kaamar Jwøk na jwöm ree ki tïïe moe.

Ibaru 4:4

Kiper da kanymør yi Wëël Jwøk mo cäänö kiper bïriet nïne mo ogöörö na enønø, ni «Jwøk ree ajwöme ki tïïe moe bëët ri bïriet nïne.»