Wïlöölö 2:17 - Wëël Jwøk

¹⁷ 'Ba jaath wø ŋäc gïn mo beer ki gïn mo raac ki køøre, kär nyïïe camï. Kiper dïcäŋo kööï ni nyaare camï camø, ï puta thøø møn.»

Wïlöölö 2:17 Iomraidhean Croise

Wïlöölö 2:9

Ni ö Wuuö Jwøki ni wëëk ŋøøpøgø tuuö ki teeŋ jenni bëët mo nëëni ni mïërö, ni beyø kiper cam. Ni jaadha näk jaath kwøw thuwø ena dï ajïniinøgø; këël jaadha näk jaath wø ŋäc gïn mo beer ki gïn mo raac ki køøre ena kaace thuwø.

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Wïlöölö 3:11

Ni kö Jwøki, «?Aŋø, ocaana ŋa jïrï niï bëëdö ka dëërï? ?Aŋø, ïïna cämö ri nyïï jaath mana köömma ïïni ki gøøni ni kär camï?»

Wïlöölö 3:17

Ni kö Wuuö Jwøki jï Adam, ni «Kiper mana leŋï dwør cïïï, ni camï nyi jaath mana köömma ïïni ki gø, na kööa, ni ‹Kärï cämö ri gø›, «Ŋøøm aciena kiperï; cam marï ojootï ki køør öölö mo teek døc yïth nïr kwøw moï bëët.

Wïlöölö 3:19

Cam marï ojootï ki køør kwäk marï këël mano tïme ni ŋuuda thøø marï no døøï yi ŋöömö, kiper ï käla ree. Ï käla ri ŋöömö; køøre ï døøa yi ŋöömö.»

1 Nyeye 2:37

'Ba dïcäŋo aayï wøk kany noo ŋølï waŋ Naam Kidaran, wär put ŋäc na adïëri niï puta thøø; ni ö kwör remø marï ni døø wïïï keerï.»

1 Nyeye 2:42

Kanyøgø, nyeya ajäägö nee Cimiy cwøl, ni ööe, ni kööe jïgø, na «?Aŋø, ï kära tïïö niï kööŋï ŋëët Wuuö Jwøk, ni köömma ïïni døøc ni kööa, ni ‹Wär ŋäyï na adïëri ni dïcäŋo aayï noo ciï kanymør, ï puta thøø›? Ni kööï jïra, ni ‹Luubö mana caanï jïra beeye kare.›

Jeremaya 26:8

'Ba kanya løny Jeremaya ki caan luupögø jï jiy bëët, ni beege luup bëët moa ö Wuuö Jwøki na kööm eni ki gø nee caane, ena mak dïlämme ki nyïïkuk Jwøk ki jiy bëët, ni köge, ni «Ï thøw kiree!

Edhikiel 18:13

ni jammi mo wø mac baŋe tïïe tïïö nee duui jïre ni da wïthge, ?aŋø, teeŋ ŋatøgø løny ki man bëëde ni kwøw? Ba løny ki man bëëde, kiper eni japøgø ni raac yia ki ge bëët yøø atïïe. 'Ba ka adïëri møn, eni di nääö ni thøøe ni thuunhnha tïïe moe.

Edhikiel 18:32

Kiper aani yia ba met ki man dee dhaanhø mo thøw dëëtu. Kiper manøgønø, løgu cwïnynyu nou kwøwu.» Luummögø caana Kwäärö Wuuö Jwøki.

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Edhikiel 33:14

'Ba ni näk mo aano köö jï ŋat mo bëëtö mare raac, ni «Ï thøw møn,» ni ö ŋatøca ni løk cwïnye yïth raay moe, ni tïme ni tïïya gïn ma adïëri ki gïn mo thïïŋ,

Edhikiel 33:8

Ni näk mo aano köö jï ŋat raay, ni ‹Wui ï na ŋat raay, ï thøw møn,› ni kärï ci baŋe kuna köömmï gø nee uutjïëthe moe wiie, ŋat raay manøgø thøw yïth raay moe, 'ba aani remø mare pëënynya pëënynyö bäätï.

Kwään Jiy 26:65

Kiper onø caan Wuuö Jwøki jïge ni ge doo thøw dï paap. Bäŋ dïcwøø aciel mo odööŋ rege ni kwøw; 'ba beeye Kalëp o Jöpöni, ki Jøcua o Nun keerge na dööŋ.

Wëëlö Mana Göör Pøølli Baŋ Jø Röm 1:32

'Ba këël na ŋäcge luumma cem Jwøki, ni jø wø tïïc teeŋ gïïögø, marge wø rømi ka thøø, ge poot bëëdö ni ge tïïya teeŋ gïïögø, ni ge jïëy ki jø wø tïïc teeŋ gïïögø thuwø.

Wëëlö Mana Göör Pøølli Baŋ Jø Röm 6:16

?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 15:22

'Ba keda man wø thøw jiyi bëët ki kur Adam, kaawat manøgø thuwø, jiy bëët owëëk kwøw ki kur Krictø.

1 Körin 15:56

Kac mar thøø beeye raay. Ni teek mar raay beeye ciik Jwøk.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Tiet Ciik 27:26

« ‹Acïëni oen bäät ŋato ba wëëk ciik moi thur karge ki køør mano ba kïth ge bäät tïïc.› «Køøre ojøl jiyi bëët, ni köge, ni ‹Kare!›

Tiet Ciik 30:15

«Neennu, dïcäŋi kwøw ki bëëtö mo beer acïba nyïmmu, ni cïba thøø ki bëëtö mo teek nyïmmu.

Tiet Ciik 30:19

«Dïcäŋi ennø, maal ki piny atïmö ni beege gïïo ŋäc luummi en yïthakiyø ki uuni. Kwøw ki thøø acïba nyïmmu, ni cïba gwïëth ka acïëni nyïmmu. Kiper manøgønø, jierru kwøw, kiper nee uuni ki nyïïkwaayu nou bëëdu nou kwøw.

Köløcia 2:13

'Ba u na näk othøw yïth gïïa dhallu, ni mo dëëtu paa odaŋø, uuna tïïc Jwøki nou kwøw ki eni na aciel, ni wec moa dhalø bëët,

1 Timöthi 5:6

'Ba cï thøø man wø ba kïïn gïr cwøre, eno thøw këël na bëëde ni kwøw.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

1 Jøøn 5:16

'Ba ni näk da ŋat mo neena coki no obääyö ni patha bääyö man wø cööp ri thøø, Jwøk opëënynye, ni ö Jwøki ni wëëk eni kwøw, ni beeye teeŋ jøø ni bääyö marge patha bääyö man wø cööp ri thøø enø. Kiper da raay mo wø cööpa ri thøø. Naa ba caan gø ni dhaanhø doo lämö kiper manøgø.

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.

Mana Nyooth 20:6

Ŋato en ri duun wøk ki yi thøø mano kwøŋ tägö, gwïëth oen jïre, ni eni ena kur keere na mar Jwøk. Teeŋ jøøgø, thøw oen cään bäŋ teek jïre bäätge, 'ba ge tïmö ni gena dïlämme mo Jwøk ki Krictø. 'Ba geno bëënni ki eni na aciel ki cwiiri ma kuma.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Pïëmme 3:2

'Ba gïnögø atïïc Wuuö Jwøki kiper nee beenhnhe mo jø Icriel moa näk lenye kucge dïkwøŋ nee kwänyge ki leny.

1 Camiel 14:39

'Ba ki nyeŋ Wuuö Jwøk na kwøw, Jwø wø piem jø Icriel, këël bääyö manøgø tïïya wääda ma Jönathan, ka adïëri møn, eni put ka 'näk.» 'Ba ki røk jiy bëët, bäŋ dhaanhø aciel mo mare ee løø jï Cøøl.

1 Camiel 14:44

'Ba Cøøl aköö, «Nyie Jönathan, ka adïëri møn, ï di nääö. Ni näk miï kär nääö, beerra man ö Jwøki ni raany aani.»

1 Camiel 20:31

Kiper këël kanyo bëëde ni Deebit o Jeci nut bäät piny kany, ï ränynyö, ni ö nyeci marï ni ba ruue. 'Ba ennø, jääk baŋe ni kälï gø baŋa, kiper nee eni 'näk.»

1 Camiel 22:16

'Ba nyeya aköö, ni «Ka adïëri møn, ï na Ayemëlëk ki dëërï enø ki tuuŋu bëët, u di nääö kiree.»