Wïlöölö 19:9 - Wëël Jwøk

⁹ 'Ba gena köö, ni «Daak riï.» Ni cäŋge köö, ni «Nyeni en aö kany nee bëëde na wëëllö, 'ba kawaane ennø ree atïïe na dïŋut luup. Nyie, ennø da gïn mo tïïcwa tïïö dëërï mo raac døc mo kaala mana dewa tïïö dëët jøøge.» Køøre Løøt aputge cööyö døc ni nyekge dhi øtø kiper nee toorge.

Wïlöölö 19:9 Iomraidhean Croise

Wïlöölö 11:6

Køøre Wuuö Jwøk aköö, «Ennø, jøøi gena tuuŋ aciel, ni dhøk marge aciel bëët. Teeŋ gïn ennø atäkge ki man tïïcge gø; ni gïn wø caarge jaak yi nyïme nee tïïcge, ba dhäthi jïge møn.»

Wïlöölö 13:12

Ni ö Abrammi ni put bëëte yi ŋööm Keenan, ni ö Løøti ni bëëde yïth päänye mo gool mar Jördan, ni daaŋ twëëre moe këël mana pïïe buut Cødam.

Bwøth Wøk 2:14

'Ba ŋatøgø aköö, na «?Aŋa na tïïc ïïni na wïthwa na dïŋut luup bäätwa? ?Aŋø, ï manynya gø naa 'nägï, kaamar nyï Ijep mana 'nägï?» Køøre Modhe alwäyö, ni kööe, ni «Ka adïëri møn, gïnögø aløny ni ŋäc.»

Pwöc Leec Wïc 14:16

Ŋat mo wïïe leer wø lwäär, ni ree wø di paanyø ki raay, 'ba ŋat mo wïïe känni wø laara päär bäät luubö ni wïïe ba caare.

Pwöc Leec Wïc 17:12

Beerra eni ki man røømmø ki maath kwac mo nyïïe okälö, ni kaala man røømmø ki ŋat mo wïïe känni mo tïïya tïï bøøl.

Pwöc Leec Wïc 27:3

Ŋäc ni kïdi peek, na akwöö peek thuwø, 'ba amena mar ŋat mo wïïe känni kaala gïïögø karge riet.

Luup Dïpööy 10:13

Eni, tägö mar luup moe bëët, bee luup mo bäŋ tietge, ni ö aŋuun luup moe ni putge tïmö ni beeye rääö ki bøøl.

Luup Dïpööy 9:3

Gïn wø raac ni wø tägi tier cäŋ piny kany beeye man wø tïm jiyi bëët ni cøra jöörögø na aciel enø. Maya thuwø, cwïny jiy bëëdö ni päŋ ki gïï mo reyø, no okiera bëëdö ni ena cwïnyge ki ri bëëtö marge bäre. 'Ba ya aŋuudi ge poot thøw bëët.

Aydheea 65:5

ni ge wø köö, ni ‹Bëëdu kur keeru; käru nyänh buutwa, kiper waani, wa waany ni wa ba caal uuni!› Teeŋ jøøgø nø, wëër mara liel dëëtge kaamar maac mo jïye onirwöc ki yïth nïne bëët.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Edhikiel 16:49

« ‹'Ba raay mo coku ma Cødam bee en: Eni ki nyïïe ge töödö kiper jïge da cam mo päl ni ge ena yi bëët jwöm; 'ba jiy moa can na näk bäŋ gïrpiny ceŋge ba kønyge.

Mathiew 7:6

«Kär gïno en kur keere na mar Jwøk mëëgu guu, kiper ge cäŋa duu baŋu ni camge uuni. Ni ba leeŋu tiigu moa perge leth nyïm othuri, kiper nyørge nyørø ki tietge.

1 Camiel 17:44

Ni cäŋ nyï Pilitinni manøgø köö jï Deebit, ni «Ö baŋa, nee rïŋ dëërï wëëga weny mo maal ki lääc paap.»

1 Camiel 2:16

'Ba ni näk mo ŋata cïpö ko olämi köö jï ŋat tïïc manøgø, ni «Ka adïëri møn, dwäälö doo kwøŋa duuŋ dïkwøŋ, køøre nø ïïno lwötï ki rïŋö mana manynyï jaak;» kar kaagø ŋat tïïc wø puta köö, «Ba løny, cïpï jïra ennø; 'ba ni näk mo ba cïpï, käla kälö ki teek.»

1 Camiel 25:17

'Ba ennø møn, cädï bäät luubö manøgø ni jootï gïna beerra eni ki man tïïyï gø, kiper da gïn mo raac mo tïïc Deebiti tïïö dëër kwäärö marwa, ki jøøa en paare bëët. 'Ba Nabal, ŋäcwa ni ena dhaanhø mo wïïe raac, ni bäŋ dhaanhø mo løny jïre ki man cääne ki gø.»