Wïlöölö 19:5 - Wëël Jwøk

⁵ Ni cøørge Løøt, ni köge jïre, na «?Age jiy moa ö paarï wäär man en? Käl geni wøk baŋwa nee wa butwa ki ge.»

Wïlöölö 19:5 Iomraidhean Croise

Wïlöölö 19:6

'Ba Løøt adøny wøk baŋge dhi øtø, ni cïëk dhi øtø ni cuŋŋe ni ee luk ŋääe.

1 Nyeye 14:24

Këël yi ŋöömmögø thuwø da cwøw ma kääpe mo ge tïïö kwör lam. 'Ba jø Juuda, gena tïmö ni ge temma jammi moa näk Wuuö Jwøk yie raac ki ge kaawat moa tïïc wïth juurre moa riem Wuuö Jwøki wøk nyïm jø Icriel.

1 Nyeye 22:46

'Ba kääpe moa no odööŋ ni tïïö kwör lam, ni kär riem wøk yïth nïne moa beet wänni ma Aca, ariem wøk paare.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Edhikiel 16:49

« ‹'Ba raay mo coku ma Cødam bee en: Eni ki nyïïe ge töödö kiper jïge da cam mo päl ni ge ena yi bëët jwöm; 'ba jiy moa can na näk bäŋ gïrpiny ceŋge ba kønyge.

Edhikiel 16:50

Gena tïmö ni marge atöör ni ge temma jammi nyïma mo yia raac ki ge. Kiper manøgønø, wïthge adïïra kanya jooda geni ni ge temma japøgø.

Edhikiel 16:51

Raay moa tïïyï, këël thääŋŋe bäŋgø mo otïïc jø Cameria. Jammi moa raac yia ki ge na tïïyï okadhø ni kaala moa tïïcge, ni tïïyï nyïïmeru ni kede ge beyø ki køør japa näk yia raac ki ge bëët na tïïyï.

Ciik Kiper Dïlämme 18:22

« ‹Kärï ci baŋ dïcwøø ni butï ki gø kaawat man wø ci baŋ dhaagø, kiper ena gïn mo ec raac ki gø.

Ciik Kiper Dïlämme 20:13

« ‹Ni näk mo da dhaanhø mo cøøa baŋ dïcwøø nee bute ki gø kaawat man wø ci baŋ dhaagø, ge karge riet gena tïïö ki gïn mo ec raac ki gø. Ka adïëri møn, ge wär put 'näk. Kwör remø marge ena bäätge keerge.

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

Tiet Ciik 23:17

«Kär dee dhaagø dëët nyïïakuk Icriel wala dïcwøø dëët wäät Icriel mo tïïö ki tïï käp yïth kwör lam mo juu møøk.

1 Timöthi 1:10

Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

2 Piter 2:2

'Ba jiy mo thööth oluk køør bëëtö marge na näk patha karge, ni ö jöör adïëri ni janynyi kiperge.

2 Piter 2:7

Ni piem Løøt, ŋata beer na näk cwïnye oränynyö døc ki gïïa näk patha karge na rïïŋ jø raayi køørge.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

Pïëmme 19:22

'Ba kanya bëëde ni jøøgø bëëdö ni yïthge met, cwøw mo päänyögø, ni beege jiy moa wïthge reyø, gena put öö ni marge øtø ni pöötge dhi øtø; ni cäänge ki jaara dwøŋ na näk wää paaci ni köge, ni «Nyena ö paarï kany käl wøk nee wa butwa ki gø.»