Wïlöölö 19:3 - Wëël Jwøk

³ 'Ba eni gena møøthe døc kiree, ni putge gaa baŋe ni cige paare; ni tëën geni ki cam mo päl, ni tëëde jïge ki møø mo ree bäŋ thømmø, ni cämge.

Wïlöölö 19:3 Iomraidhean Croise

Wïlöölö 19:2

Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.» Ni köge, ni «Bäŋ gïre, waani wa buta bura wääni.»

Wïlöölö 21:8

Ni ö nyilaalli ni døøŋŋe ni mäni ki caak, ni ö Eeberammi ni tïme ka ajwöma mo päl døc dïcäŋa män Aydhak yie ki caak.

Wïlöölö 24:31

Ni kö Leeban, ni «Ööï, ø aa paayø, ïïni no ogwïëth Wuuö Jwøki en. ?Aŋø ni cuŋŋï wøk en? Aani øtø yaa nø jiiŋŋø jïrï, këël kar athïrööle thuwø yaa nø jiiŋŋø.»

Wïlöölö 26:30

Kanyøgø Aydhak cam mo päl ajiiŋŋe jïge, ni cämge ni mäthge.

2 Nyeye 4:8

'Ba dïcäŋ aciel, Ilaaca aci Cunem. 'Ba kanya cøøe, da nyijø mo okwär maa joode kaace. Køøre ena kwac nyijøøgø nee cäme; ni cäme. Ni put tïmö ni kany wø cør Cunem jaak, eni puta gaa kaace wø cäme yie.

Bwøth Wøk 12:15

U doo bëëdö ki nïne abïriiø nou cama møø mo ree bäŋ thømmø, 'ba dïcäŋ mana dïkwøŋ thuumme moa en yïth uudi mou dou käla wøk; kiper ki mano täge cäŋ mana dïkwøŋ këël bïriet nïne, ŋat moo cämö ki møø mo ree da thømmø jaak, wär tïme ni tøør ri jø Icriel.

Bwøth Wøk 12:39

Ni ö jø Icrielli ni thaalge muunni moa käärge na kälge wøk ki Ijep na näk rege kär kïthö ki thuumme. Kiper poot kärge kïthö ki thuumme, kiper gena riem wøk ki Ijep ni ge kär ruu, ni tïme ni bäŋ cam mo ege jiiŋŋø kiper dëëtge.

Luk 11:8

A cäänna uuni, ni këël eni ba doo ööa maal ni mooc gø ki gïrpiny kiper na näk nyawatge, eni doo ööa maal kiper mana reeth ree ni mooc gø ki gïno cane.

Luk 14:23

Ni kö kwääyögø jï laŋŋø, ni ‹Ci uutjïëthe moa døøŋŋø ki moa näk ogaaŋŋø ki deŋge, ni magï jiy ki teek nee öge, nee øda pääŋe.

Luk 5:29

Ni ö Jecu ni tïnynyi ya Libayi ka atïya mo päl paare. 'Ba da jø ajwäk mo thööth ki jø møøk ma acämö ki geni.

Jøøn 12:2

Kanyøgø Jecu atïmge ki cam. 'Ba Martha beeye na käl cam, ni Ladhara ena dï jøøa en kar cam ki eni na aciel.

1 Körin 5:8

Kiper manøgønø, beerra man gwøø cäŋ cam ajwöma manøgø, ni paa ki thømmø mana näk oruuö, na näk thøm anyääk ki raay, 'ba beeye møga näk bäŋ thømmø na näk adïëri ni bäŋ atade.

2 Körin 5:14

Kiper mëëc Krictø wa ee maa, kiper ewa jïëö ni da dhaanhø aciel mo othøw kiper jiy bëët. Kiper manøgønø, jiy bëët athøw.

Ibaru 13:2

Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.

Pïëmme 6:19

Køøre Gidien aci paare ni jiiŋ nyidiel ki muunni mo kär coodø ki thømmø, ni møø manøgø røme ka rumi mana cwøl ni iipa; ni kïth rïŋö yi gupa ni kïth cwege ya athaa, ni käl geni baŋ gø kanya en yie tier jaadha dwøŋ, ni put gïïögø cïp.

1 Camiel 28:24

'Ba kar kaagø, dhaagø manøgø jïre da nyirøøa mo olør. Køøre eni nyirøøa manøgø alwøre ni laar gø ŋaal; ni lwöte ki møø ni coot gø, ni käre gø coodø ki thømmø, ni bul gø na dääpe.