Wïlöölö 19:25 - Wëël Jwøk

²⁵ ni ö päänye moøge, ki gøli moa en kwöreke bëët, ki jøøa bëëdö yïth päänye moøgø bëët, këël gïïa näk otuy na marr yïth ŋøøpøgø, ni puti ya Wuuö Jwøki raanynyø.

Wïlöölö 19:25 Iomraidhean Croise

Wïlöölö 13:10

Kanyøgø Løøt wïïe atïŋ maal ni raŋ gool mar Jördan, no ojwøc pïïyi bäre, ni poot caala ajïniina mar Wuuö Jwøk, ni caala ŋööm Ijep mana en buut Dhöär, ni manøgø beeye kanya poode ni Wuuö Jwøk Cødam ki Gømöra poot käre raanynyø.

Wïlöölö 13:12

Ni ö Abrammi ni put bëëte yi ŋööm Keenan, ni ö Løøti ni bëëde yïth päänye mo gool mar Jördan, ni daaŋ twëëre moe këël mana pïïe buut Cødam.

Wïlöölö 14:3

Nyeye moøgø na abïïc yøø dëëtge adwalge na aciel kiper leny yi Gool mar Cidim na tïmö na Naam Acäbö.

Aydheea 13:19

'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Jeremaya 20:16

Beerra man tïm ŋatøgø kaamar päänye moa raany Wuuö Jwøki, na näk cwïnye käre dwøk piny ki gïrge. Beerra man ö ŋatøgø ni täk gïn mo lethi poge, ni wïny oduuru ka amöölla, ni wïny dwør tuuŋ mar leny ki dhöör cäŋ,

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 49:18

Teeŋ gïna tägö dëër Cødam ki Gømöra, ni ränyge ki mïëri moa kwörge cärö ki geni, tägö dëër Ëdöm, ni bäŋ ŋat mo bëëdö yie, ni bäŋ ŋat mo joot kaace.

Jeremaya 50:40

Teeŋ gïna tïïc Wuuö Jwøki dëër Cødam ki Gømöra, ni ränyge ki mïëri moa kwörge cärö ki geni, tägö dëër Babiløn; ni bäŋ ŋat mo bëëdö yie, ni bäŋ ŋat mo joot kaace. Luummögø caana Wuuö Jwøki.

Wëël Kïmmö 4:6

Kiper bääyö mar jø powa atïmö ni kadha eni ki bääyö mar jø Cødam, paana raanynyi na bäre bäre ki kany mo thiinh, ni bäŋ køny mo otïïö kipere.

Edhikiel 16:50

Gena tïmö ni marge atöör ni ge temma jammi nyïma mo yia raac ki ge. Kiper manøgønø, wïthge adïïra kanya jooda geni ni ge temma japøgø.

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›

2 Piter 2:6

Ni døøc pääny Cødam ki pääny Gømöra bur, ni dïïr wïthge bëët, ni tïïya ge na nyuudhi jï jø raay.