Wïlöölö 19:14 - Wëël Jwøk

¹⁴ Ni ö Løøti ni døny wøk baŋ cwøw nyïïe moa näk manynya nywöm, ni cääne ki ge, ni kööe, «Ööu maal ni laaru aa wøk paani, kiper Wuuö Jwøk manynya man raany kany ennø.» 'Ba ki baŋ cwøw nyïïe, mare beeye kwääk jaak.

Wïlöölö 19:14 Iomraidhean Croise

Wïlöölö 19:15

'Ba kanya ruu øwi, nyïïatwieli Løøt alacge, ni köge, «Ö maal ni laarï cïïï ki nyïï karge riedi na en buutï kany lwør, kiper nou ba rwöp ajäle mano pïï bäät paani en.»

Wïlöölö 19:17

'Ba kanya nø kïthge geni wøk, dhaanhø aciel dïge aköö, «Reŋu nø, ni gwøgu jwïëyu, kär dee ŋat lwïthi ŋääe, ni ba ruuwu gool man en këët; cou reŋŋu bäät kïte kiper nou ba rwöp ki jøøi.»

Wïlöölö 19:22

Laar reŋ yie, kiper bäŋ gïn mo tïïa këël mano pïïyï kaace.» Kiper manøgø nø, nyeŋ pääny manøgø acwøl ni Dhöär.

2 Luup Nyeye 30:10

'Ba jøøa jääŋŋi ni wø rwäänhnhi gena ci pääny man nø ki man nø po jø tuuŋ Ipariem, ki jø tuuŋ Maneeca, këël mana pïïcge po jø tuuŋ Dhebulan. 'Ba wïth tuŋi moøgø gena ŋeethø bäätge ni buuge geni.

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Bwøth Wøk 12:31

Køøre Peerø Modhe ka Aran aput cwøl ki dï wäär ni kööe jïge, ni «Ööu maal! Aau wøk dï jiya, uuni ki jø Icriel karubëët. Ni aayu ni tïnynyu Wuuö Jwøk kaawat mana caannu gø.

Bwøth Wøk 9:21

'Ba moa näk dwør Wuuö Jwøk ege taaø, laaŋe moge ki lääc paac moge awiige pwöla jaak.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 28:22

'Ba ennø, weyu abuua maru. 'Ba ni näk mo ba weyu, oguudi cäŋ ka methø døc tietu. Kiper Kwäärö Wuuö Jwøk, eni na wïth jammi bëët, da gïn mo yaa wïnynyö baŋe mo ee nø cïp piny, ki man raany piny bäre.

Jeremaya 20:7

Wui Wuuö Jwøk, aana cøøgï, aana cøøgï møn. Aana magï ki teek, ni böötï aani. 'Ba ennø, aana tïmö ni jøw ŋeethø bääta ki yïth cääŋŋe bëët, ni jiy bëët buua aani.

Jeremaya 43:1

'Ba Jeremaya luupögø bëët acaane jï jøøgø bëët, ni beege luup moa ö Wuuö Jwøki, Jwøk marge, na jääŋ eni ki geni nee caane. 'Ba kanya lønye ki caan luupögø,

Jeremaya 43:2

Adhiriya wär Ocaya ki Jöanan o Karëa ki jøw okiera bëët aköö jï Jeremaya, ni «Ïïni, ï caana tööt jaak! Wuuö Jwøk, Jwøk marø, ï käre jääŋŋö baŋwa niï kööï ki waani, ni ‹Käru ci Ijep baŋ bëëtö kaace.›

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Edhikiel 20:49

Køøre aana köö, «Wui, Kwäärö Wuuö Jwøk! Geni, ge cäänö kipera ni ge köö, ni ‹?Moøgø paa leere jaak ni car nyenøgø enø?› »

Kwään Jiy 16:21

ni «Paanynyu rou buut lwaaøgø, kiper nee ge thööra ennø.»

Kwään Jiy 16:26

Ni cääne ki lwaak, ni kööe, ni «Paanynyu rou buut oduŋkaare mo jøøi ni reyø ii, ni bäŋe gïn gutu ma marge, kiper nee u ba rwöp ajäla mano pïï bäätge ki køør raay moge.»

Kwään Jiy 16:45

ni «Paanynyu rou dï lwaai, kiper nee ge thööra ennø.» Ni ö Modhe ka Aran ni gøøge rege piny.

Mathiew 1:18

'Ba lwaar mana lwaarø ki Jecu Krictø ki gø, na täge, tägi na ennø nø. Menni ma Meeri onø miek jï Jocep nee nywøme. 'Ba kanya poode ni dëëtge poot kärge joodø, ena joot ni yie da dhaanhø mo cïpa Jwïëc Jwøki na en kur keere.

Mathiew 9:24

ni kööe, ni «Aayu, kiper nyilaari kär thøw, 'ba mare niine.» Ni ö jøøgø ni ŋeethge bäät gø.

Luk 24:11

'Ba luupögø atïmö keda waac jaak ki jïge, ni kärge marge jïëö.

Luk 9:42

'Ba kanya poode ni cäänhnhö, ena gøø anäge piny, ni meec gø. 'Ba Jecu jwøøgø ni raac enø ajooe, ni køny nyilaarøgø, ni mëëk gø wää gø.

Moa Tïïc Nyïïatwieli 17:32

'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.»

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.