Wïlöölö 18:7 - Wëël Jwøk

⁷ Ni ö Eeberammi ni reŋ kaal thuwø, ni lwöte ki nyirøøa mo dëëre beer mo olør, ni wëëk gø ŋat tïïc mare; ni ö ŋat tïïci ni laar nyirøøa jiiŋŋø.

Wïlöölö 18:7 Iomraidhean Croise

Wïlöölö 18:6

Kar kanyøgøøni Eeberam aput rwäth yo oduŋkaara baŋ Ceera, ni kööe, ni «Laar määnyö ki møø mo pøøth ma rumme adäk, ni cootï gø, ni tïïyï gø na dääpe.»

Wïlöölö 18:8

Køøre Eeberam caak moa cøt ki caak moa näk ciebe ki nyirøøa mana näk ee nø jiiŋŋø kiperge akäle ni cïp ge nyïmge; ni ö eni ni cuŋŋe buutge kanya cämge yie tier jaath.

Wïlöölö 19:3

'Ba eni gena møøthe døc kiree, ni putge gaa baŋe ni cige paare; ni tëën geni ki cam mo päl, ni tëëde jïge ki møø mo ree bäŋ thømmø, ni cämge.

Amøc 6:4

Otïmö ni raac jïïu, uuni ni wø buut bäät pëëmme mo oŋwagø ki lak lïëy, nou ŋeella dëëtu kwör niine mou; uuni ni wø cämö ki nyïïdïëk ki nyïïrøøe moa näk olør.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Mathiew 22:4

Ni cäŋ laaŋe moe møøk jääŋŋö, ni kööe, ni ‹Caannu jï jøøa näk ocwølø kar cam nywöm, ni «Ennø, cam anø jiiŋŋa, ni rwädhe ki røøe 'moa moa no olør yaa nø 'näk, ni jammi bëët onø jiiŋŋø. Ööu kar cam nywöm.» ›

Luk 15:23

Ni kälu rwaadha näk olør, ni 'nägu gø, nee ø cämø ni mïn yïthø.

Luk 15:27

Ni dwøk gø jïgø, ni ‹Coku aöö, ni ö wäru ni 'näk rwaadha näk olør, kiper na joot gø ni dëëre jööt.›

Luk 15:30

'Ba wäädï enøgø na raany japï ki kääpe na ööe, rwaadha näk olør anääŋŋï eni.›

1 Camiel 28:24

'Ba kar kaagø, dhaagø manøgø jïre da nyirøøa mo olør. Køøre eni nyirøøa manøgø alwøre ni laar gø ŋaal; ni lwöte ki møø ni coot gø, ni käre gø coodø ki thømmø, ni bul gø na dääpe.