Wïlöölö 18:27 - Wëël Jwøk

²⁷ 'Ba adwøk Eeberammi ni kööe, ni «Ennø, a maaŋŋa raa ki man cääna ki ïïni, ï na Wuuö, këël na bëëde ni aana dëël ma tør na bur jaak.

Wïlöölö 18:27 Iomraidhean Croise

Wïlöölö 18:28

Kanymør dëët jøøgø na pïërabïïc yøø da abïïc mo tøørø. ?Aŋø, päänyögø diï raanynyø bäre kiper na tøør abïïci keerge?» Ni kööe, ni «Ba daa raanynyø ni näk maa jïtö ki pïëraŋween kurbïïc kaace.»

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Wïlöölö 3:19

Cam marï ojootï ki køør kwäk marï këël mano tïme ni ŋuuda thøø marï no døøï yi ŋöömö, kiper ï käla ree. Ï käla ri ŋöömö; køøre ï døøa yi ŋöömö.»

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Jööp 30:19

Eni aana leeŋ yo odhöönh, ni puta tïmö kaamar tør ki bur.

Jööp 4:19

a tugi ki dhaanhø nø, ni bëëdö yi øtø mo tïïc ko odhöönh en, ni tiere kanya käl yie bee yi tør, ni bee gïn wø laar dweny kaamar alweela.

Bwøth Wøk 32:11

Kanyøgø Modhe Wuuö Jwøk na näk Jwøe akwaae, ni kööe, ni «Wui, Kwäärö Wuuö Jwøk, ?aperŋø na kööï ni wëër marï jääŋŋï jääŋŋö bäät jiyï na kälï wøk ki yi ŋööm Ijep ki køør teek badï na dwøŋ?

Luup Dïpööy 12:7

Køøre nø, tør døøa yïth ŋøøm na käl yi gø, ni ö jwïëyi ni døø baŋ Jwøk na cïp gø.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Luk 18:1

'Ba kanyøgø, Jecu bääge acäänne ki luubö mo keda leer ni nyootha gø jïge ni ge doo lämö cooth, ni cwïnyge ba jøøm.

Luk 5:8

'Ba Cayman Piter na joot gïnögø, ena put päth tiet Jecu, ni kööe, ni «Paany riï buuta, Kwäärö, kiper aana dhaanhø ma ŋat raay.»