Wïlöölö 18:25 - Wëël Jwøk

²⁵ Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

Wïlöölö 18:25 Iomraidhean Croise

Wïlöölö 18:24

A kanymør da jiy mo bëëtge beyø nyïmï mo jïtö ki kar pïërabïïc yi paanøgø. ?Aŋø, paac manøgø diï raanynyø ni ba wëënnï ki køør jøøgø na pïërabïïc ni bëëtge beyø nyïmï yøø?

1 Luup Nyeye 16:33

'Ba kar kaace thuwø jer paap bëët yïthge omïnni ni wärge ki dudi nyïm Wuuö Jwøk, kiper eni cäädha jöö, ni ööa kuna ŋøl luup mo piny.

2 Luup Nyeye 19:7

'Ba ennø, beerra man lwäärru Wuuö Jwøk ni gwøgu rou ki ŋøl mano tïïyu, kiper Wuuö Jwøk, eni na Jwøk marø, kare bäär ki gïn mo patha adïëri, wala ajeeny, ni eni ba jïëy ki jammi mo wø cïp ki piny ni ŋeewa røk.»

Neemiya 9:33

'Ba ïïni, marï adïëri ki røk gïïa tägö dëëtwa bëët, kiper ï bëëdö niï tïïya adïëri; ba waani, waana bëëdö ni wa tïïya gïï mo reyø.

Jööp 34:10

«Kiper manøgønø, cegu ïthu jïra, u ni wø köö ni tiet luup laaru ka kwany. Jwøk kare bäär ki tïïc gïn mo raac; ni eni na Jwøa en teeki jïre kare bäär ki tïïc gïn mo patha adïëri.

Jööp 34:12

Ka adïëri møn, Jwøk ba tïïö ki gïn mo patha adïëri, ni eni na en teeki jïre luup ba ŋøle no oköömmö.

Jööp 8:20

«Ka adïëri møn, dhaanhø mo bëëdö ni bäŋ gïn jøøŋŋi ri bëëtö mare ba kwier Jwøki; ni Jwøk thuwø jiy mo wø tïïc gïïa reyø ba cwaae.

Jööp 8:3

?Aŋø, Jwøk luup wø ŋøle ŋølø no oköömmö, wala Jwøa en teeki jïre luubö mo tiir wëëge kööm?

Luup Dïpööy 3:17

Aani, aana cädö ki cwïnya ni kööa, ni «Jwøk luup jiy bëët moa bëëtge tiir, ki moa bëëtge raac, ŋøle ŋølø na kare, kiper jammi bëët ki tïïe bëët da caa marge mo öö.»

Luup Dïpööy 7:15

Ki yi bëëtö mana beeda bäre na näk bäŋ tiere, jammi bëët ajooda. Ajooda ni ŋat mo bëëtö mare beer laara thøø yi bëëtö mare na beer; ni ö ŋat wø tïïö ki raay ni bëëde ki cwiiri mo thööth yïth gïï wø reyø ni wø temme.

Jeremaya 11:20

'Ba ï na Wuuö Jwøk, ï na wïth jammi bëët, ni wø ŋøl luup na adïëri, ï ni wø raŋ cwïny jiy ka acaacge bëët, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Edhikiel 18:25

«'Ba kanymør u poot köö, ni ‹Jöö man tïï Kwäärö Wuuö Jwøki ki gø en ba tiir.› 'Ba ennø, wïnynyu, u na jø Icriel! ?Aŋø, jöö mara ba tiir? ?Aŋø, paa uuni na näk jïëthe mou ba tiir?

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Tiet Ciik 1:16

'Ba kar kaace jøøgø ni wø ŋøl luup mou aköömma, ni kööa, ni ‹Wïnynyu luup mo wø tägi yïthakic jø pou, ni ŋøllu luup na karge mo wø tägi yïthakic dhaanhø ki nyï poge, wala jur mo bëëdö buutu.

Tiet Ciik 1:17

Käru jëëdö kany wø ŋøllu luup. Luum ŋata kare thiinh wär leŋŋu ni caala man wø leŋŋu luum ŋata kare dwøŋ. Kär näk mo u lwäära dhaanhø, kiper ŋøl luup ena baŋ Jwøk. 'Ba ni näk da luubö mo odhäthö jïïu, wär kälu baŋa. Køøre aani, luummeca wïnynya wïnynyö.›

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Ibaru 12:23

ki jø Jwøk moa näk ojierø na caal kaai, jøøa näk nyeŋge ogöörö maal. Uuna ö baŋ dïŋut luup na näk Jwø jøw bëët, ki baŋ jwïëc jøøa beyø na näk otïïö no othur karge,

Pïëmme 11:27

Kiper manøgønø, aani, bäŋ gïn mo yaa baaø dëërï, 'ba beeye ïïni na tïïö ki gïn mo raac dëëra ki køør man këëdï ki aani en. Beerra man ö Wuuö Jwøki ni wø ŋøl luup, ni ŋøl luubö manøgø dïcäŋi yïthakic jø Icriel ki jø Amön.»