Wïlöölö 18:23 - Wëël Jwøk

²³ Ni ö Eeberammi ni nyiik buute, ni kööe, na «?Aŋø, ka adïëri møn, jiy moa bëëtge beyø nyïmï ki moa näk tïïya raay raanynyï raanynyø na aciel bëët?

Wïlöölö 18:23 Iomraidhean Croise

Wïlöölö 18:24

A kanymør da jiy mo bëëtge beyø nyïmï mo jïtö ki kar pïërabïïc yi paanøgø. ?Aŋø, paac manøgø diï raanynyø ni ba wëënnï ki køør jøøgø na pïërabïïc ni bëëtge beyø nyïmï yøø?

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

Wïlöölö 20:4

'Ba kar kaaca Abimëlëk poot bäŋ gïn mo ee tïïö ki nyijøøgø. Køøre ena köö, «?Aŋø Awuuö, paac diï raanynyø këël na bëëde ni bäŋ gïn ewa baaø?

2 Camiel 24:17

'Ba kanya ö Deebiti na joot nyïïatwiel maal mana 'näk jiy, ena lämö jï Wuuö Jwøk ni kööe, ni «Ka adïëri møn, beeye aani na bääyö, na tïïc gïn mo raac. ?'Ba jiy moi ni caal rööm ii, agïnaŋø na baacge? Wui Wuuö Jwøk, beerra man tïm cerï ni ena dëëra ki jø dhi øt wära.»

Jööp 34:17

?Aŋø, ŋat wø män ki ŋøl luup ma adïëri, løny jïre ki man käär jiy? ?Aŋø, Jwøa teek na bëëtö mare tiir, jäälï jäälö?

Jööp 8:3

?Aŋø, Jwøk luup wø ŋøle ŋølø no oköömmö, wala Jwøa en teeki jïre luubö mo tiir wëëge kööm?

Bwøth Wøk 23:7

Bëëdï ni karï bäär ki luum løøk mo yie da tööt, ni ba ŋølï thøø bäät dhaanhø mo mare beer mo bäŋ gïn ee baaø, kiper aani, a na Wuuö Jwøk, jøøa reyø ba wëënna.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

Jeemeth 5:17

'Ba Ilaaja na bëëde, ena dhaanhø mo ocwääö kaamarø. 'Ba ena lämö ki cwïnye bäre nee køth ba pädhe. Ni bëët køthi ki cwiiri adäk ki dwäde abïciel ni kär pädhö bäät piny.