Wïlöölö 18:20 - Wëël Jwøk

²⁰ Ni kö Wuuö Jwøki, ni «Luup ajäla kiper Cødam ki Gømöra atïmö ni thööth døc, ni ö raay moge ni kathge døc.

Wïlöölö 18:20 Iomraidhean Croise

Wïlöölö 13:13

'Ba jø Cødam bëëdö na jø raay mo tïïö ki gïï mo reyø døc nyïm Wuuö Jwøk.

Wïlöölö 19:13

kiper paac man raanywa raanynyø, kiper luup ajäla moa en bäät jiy moa en yie atïmö ni thööth, ni beeye na ö Wuuö Jwøki ni jääŋ waani en nee raanywa.»

Wïlöölö 19:4

'Ba kanya pootge ni ge poot kär ci baŋ niine, cwøw mo päänyögø na näk jø Cødam bëët, ki mana täge ko obwöre këël jäle, ni beeye dhaanh pääny bäre, øtø mar Løøt amarge.

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Wïlöölö 6:12

Ni ö Jwøki ni neen bäät piny, ni joot gø ni päŋ ki raay; kiper jiy bëët jöör bëëtö marge ege raanynyø bäät piny.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Edhikiel 16:46

Coku mana dwøŋ na näk dhaagø beeye Cameria, ni beeye ni wø bëëdö ki nyïïe jï løø wï-piny ki ïïni; ni coku mana thiinh beeye Cødam, ni beeye ni wø bëëdö ki nyïïe jï løø tier-piny ki ïïni.

Jool 3:13

Kiper mana tïm rääö marge ni päl, nyaaru geni piny kaamar caammi mo ociek mo kaa piny, ni cwöthu ge kaamar nyïïomøki mo di cwödhö ki tiel kar biic marge këël mano tïm pï nyïïomøki ni kwönna wøk.»

Joona 1:2

ni «Ö maal ni ciï Nineba, päänya dwøŋ, ni cäänï dëëre, kiper rääö mar jiye aöö ni pïïe maal baŋa.»

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.