Wïlöölö 18:19 - Wëël Jwøk

¹⁹ Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Wïlöölö 18:19 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 17:9

Ni kö Jwøki jï Eeberam, ni «Ïïni thuwø, luubö mana tuuda ki ïïni diï gwøø, ïïni këël nyïïkwaayï mo ööi køørï ki yïth beenhnhe moge bëët.

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 35:2

Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

2 Camiel 22:22

Kiper aana bëëdö ni luupï yaa gwøø, ï na Wuuö Jwøk; ni bäŋ gïn mo raac mo yaa tïïö mo pää aani ki ïïni, ï na Jwøa;

2 Camiel 7:20

«Wui, Kwäärö Wuuö Jwøk, ?agïnaŋø noo caana jïrï këët nø mo kaala man, a na Deebit en? Kiper a na dhaanhnhï en, cwïnya oløny ni ŋäyï døc.

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

2 Luup Nyeye 14:3

ni raany gïï wø cïp olämme bäätge mo juu moa path, ki kwör lam moa en bäät thuuri, ni tøø kïte piny moa no otïïö na gïï lam, ni ŋøt jenni piny moa no ocaa ri jwøa cwøl na Acara.

Neemiya 9:7

«Ïïni, bee ï na Wuuö Jwøk, Jwøa jier Abram, ni kälï eni wøk ki yi paana cwøl ni Ur, yi ŋööm jø Kaldia, ni cagï nyeŋŋe ni Eeberam.

Jööp 1:5

'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Dut Pwøc 1:6

kiper Wuuö Jwøk bëët jøøa beyø ŋääe, 'ba bëët jøøa reyø cäätha baŋ ränynyö.

Pwöc Leec Wïc 22:6

Pwöny nyilaal ki jöör bëëtö mano put wääth ki gø, ni kanyo døøŋŋe, eni ba gaa wøk ki yie.

Aydheea 38:19

Jiy moa kwøw beege ni wø pwøc ïïni, kaawat man tïïa dïcäŋi en. Adïëri marï caan wëëe caanø jï obwöre moge.

Ciik Kiper Dïlämme 14:42

Køøre jiy wär lwötge ki kïte møøk ni laage ge kar kïte moøgø, ni öömge ko odhöönh mo nyään ni puucge øtø ki gø.

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Mathiew 25:17

Ni poot caala manøgø thuwø, ŋata mooc ki gwel ariiø agädhö ki ge, ni duunne ki gwel ariiø møøk.

Jøøn 10:14

'Ba aani, aana dïkwääy mana näk adïëri. Ni moa näk 'moa ŋääa, ni ö 'moa ni ŋäcge aani,

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Moa Tïïc Nyïïatwieli 27:31

'Ba Pøøl aköö jï kwääy lwaak ki jø tøŋ, ni «Ni näk jøøgø ba bëëdö yi jääy, u ki dëëtu, u ba maar piem.»

Epeca 6:4

U na wëëe, kär cwïny nyïïu wëëgu ränynyö nee gootge. 'Ba piithu geni ki pwöc ni nyuthu geni jöör Wuuö.

Tiet Ciik 32:46

ena köö, ni «Gwøgu luup moi bëët ni köömma uuni ki ge dïcäŋi en; ni köömmu obwöre mou ki luup ciik moøgø bëët kiper nee gwøkge ni kïthge ge bäät tïïc.

1 Timöthi 3:12

'Ba jø wø tïny acooŋ Jwøk wär nyöömge ki mään oceele, ni pwönyge nyïïge na wøp ki jø mïëcge bëët.

2 Timöthi 1:5

Naa lääŋŋa ŋäädhe marï na näk adïëri, ni beeye ŋäädhe mana kwøŋ en cwïny waŋu ma Lööi ki meru ma Yuni, ni ŋääa ni ena cwïnyï kawaane.

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

Pïëmme 13:12

Kanyøgønø, Manöa aköö, ni «Ennø, kanyo tïm luupï moa carï ni thura karge, ?agïnaŋø noo bëëdö na ciik kiper bëëtö mar nyilaal manøgø? ?A teeŋ tïïc mo nyïëdi noo tïïe?»