Wïlöölö 18:11 - Wëël Jwøk

¹¹ Kar kanyøgø Eeberam ki Ceera gena jiy mo onø jalø, ni cwiicge oløny ni thööth døc; këël Ceera ki dëëre kar nyöödö mare onø pöödhö.

Wïlöölö 18:11 Iomraidhean Croise

Wïlöölö 17:17

Køøre Eeberam ree aleeŋ piny ni put ŋeethø, ni kööe ki yi cwïnye, ni «?Dhaanhø mo cwiiye oløny na dïpa doo nyöötö ki nyilaal møn? Ceera thuwø cwiiye oløny na pïërabïŋween. ?Eni poot nyöötö ki nyilaal møn?»

Wïlöölö 17:24

'Ba kanya daŋ Eeberam kar kaaca, cwiiye oløny na pïërabïŋween ka abïŋween.

Wïlöölö 21:7

Ni cäŋ köö, na «?A ŋata ŋa na doo köö jï Eeberam ni Ceera odhwödhö ki nyilaal? Kiper aana nø lwaar, ni jït Eeberammi ki wääde ni eno nø jalø.»

Wïlöölö 24:1

'Ba Eeberam atïmö na jaal ni cwiiri moe thööth døc, ni eno gwïëth Wuuö Jwøki ki yïth jammi bëët.

Wïlöölö 24:36

Ni ö Ceera cï kwääya ni nyöötge ki kwääya ki dhaanhø ma dïcwøø ni eno nø jalø. Ni ö Eeberammi ni cïp jammi bëët moa en jïre jï wääde.

Wïlöölö 31:35

Ni kö Reecalli jï wänni, na «Awuuö, kärï wëër kiper mana kära ö maal nyïmï, kiper aani gïr mään otägö dëëra.» Køøre Leeban amäänyö døc, 'ba gïï lam moøgø käre joodø.

Ciik Kiper Dïlämme 15:19

« ‹'Ba kany wø näk mo dhaagø da gïr mään mo otägö dëëre, eni bëëdö ni ba waany ki nïne abïriiø. Ni ŋat mo nyijøøgø ee gudö jaak, bëëdö ni ba waany këël kanyo päth cäŋŋi.

Luk 1:18

'Ba Dhekaraya aköö jï nyïïatwiel maal manøgø, ni «?Gïnögø oŋääa gø nidïï? Kiper aana jaal, ni cïïa onø jalø thuwø.»

Luk 1:36

'Ba neenï, wadu ma Ilidhabeth na näk onø jalø ajïtö ki dhaanhø thuwø ma cïïŋŋö. 'Ba man beeye bïcier dwäde jïre, eni na wara cwøl ni bwøc.

Luk 1:7

'Ba jïge bäŋ nyilaal, kiper Ilidhabeth bwøc, ni geno nø jalø karge riet.

Ibaru 11:19

Kiper ee caarø ni løny jï Jwøk, këël ki man tïŋ jiy maal ki yi thøø. Kiper manøgønø, doo caanø, ni ena thøw, ni cäŋi jootø.

Jøcua 13:1

'Ba kanya tïm Jøcua na jaal ni cwiiye oløny ni thööth døc, Wuuö Jwøk aköö jïgø, ni «Ïïni, ïïna nø tïmö na jaal, ni cwiiri moï oløny ni thööth døc; 'ba poot da ŋøøm mo thööth mo poot kär maaø.