Wïlöölö 17:7 - Wëël Jwøk

⁷ Ni ö luumma tuuda ni wëëga gø bëëtö yïthakiyø ki ïïni ki nyïïkwaayï mo ööi køørï, këël yi beenhnhø marge bäre, ni tïm luumma tuuda na gïn mo bëëdö na bäre bäre, kiper naa bëëda ni aana Jwøk maru ki nyïïkwaayï mo ööi køørï bëët.

Wïlöölö 17:7 Iomraidhean Croise

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 17:13

Laŋŋø mo onywølø paarï jaak wala ŋeewï ka gwel, ka adïëri møn wär geni daŋ; kiper nee luumma tuuda bëëde ni nëënö dëëtu na luubö mo otuudö na bäre bäre.

Wïlöölö 17:19

'Ba Jwøk aköö, ni «Ka adïëri møn, Ceera na näk cïïï nyöötö ki dhaanhø ma dïcwøø ni jïtï ki wäädï, ni cagï nyeŋŋe ni Aydhak. Ni ö luumma tuuda ni wëëga gø bëëtö yïthakicwa ki eni na bäre bäre, këël nyïïkwaaye mo ööi køøre bëët.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 6:18

'Ba aani aano tudö ki luubö ki ïïni. Ïïno ci yi jääy, ïïni, ki wäätï, ki cïïï, ki määr wäätï bëët na aciel.

Wïlöölö 9:16

Kany wäro tïme ni daanø ena yi pöölö maal, eni neena neenø, ni puta wïïa par ki luumma tuut na näk bäŋ cuŋŋe na en yïthakicwa, a na Jwøk, ki gïïa näk kwøw bëët na en bäät piny.»

2 Camiel 7:24

Wui Wuuö Jwøk, beeye ïïni na këël tiet jiyï piny ma jø Icriel, nee putge bëëtö na jiyï na bäre bäre, ni tïmï ni ïïna Jwøk marge.

1 Luup Nyeye 16:14

Eni na Wuuö Jwøk beeye Jwøk marø; ŋøl mare ena bäät piny bäre.

Bwøth Wøk 3:15

Ni cäŋ Jwøki köö jï Modhe, ni «Wär caanï jï jø Icriel, ni ‹Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, bee eni na jääŋ aani baŋu.› Wuuö Jwøk, na näk tiere beeye ‹Aani ni nut en› beeye nyeŋŋa na bäre bäre, na nyeŋ man wø ö jiyi wø parge wïthge ki aani ki gø këël yïth beenhnhe bëët.

Bwøth Wøk 3:6

Ni cäŋ köö, ni «Aana Jwø kwäyï, Jwøa näk Jwø Eeberam ki Aydhak ki Jeekap.» Kanyøgø Modhe täärnyïme aume kiper mana lwäye ki man neen Jwøk.

Bwøth Wøk 6:4

Aani thuwø luubö mara mana tuuda ki geni atïïa nee bëëde, ni beeye ki man cïba ŋööm Keenan jïge, na näk ŋöömma bëëtge yie ni gena wëëlle mo path.

Bwøth Wøk 6:7

Ni lwøra uuni ni uuna jiya, ni tïma ni aana Jwøk maru, ni putu gø ŋäc møn ni aana Wuuö Jwøk na näk Jwøu na käl uuni wøk ki yïth gïïa leth na kïth jø Ijepi bäätu.

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Edhikiel 28:26

Geni, ge bëëdö ni geno gwøø kaace, ni gëëtge ki uudi ni pïïthge ki jer omøki. Geni, ge bëëdö ni geno gwøø kanyo jääla jiy moa en deŋge ni wø cäänö ki gïï mo reyø dëëtge. Køøre nø putge ka ŋäc ni bee aani na Wuuö Jwøk, Jwøk marge.› »

Ciik Kiper Dïlämme 11:45

Kiper bee aani na Wuuö Jwøk na käl uuni wøk ki yi ŋööm Ijep, naa bëëda ni aana Jwøk maru. Kiper manøgø nø, bëëdu nou ena kur keeru, kiper a ena kur keera.

Ciik Kiper Dïlämme 25:38

Beeye aani na Wuuö Jwøk, Jwøk maru, na käl u wøk ki yi ŋööm Ijep, nee ŋööm Keenan cïba jïïu, naa bëëda ni aana Jwøk maru.

Ciik Kiper Dïlämme 26:12

Aani thuwø, aano cäädhi dïïu, ni bëëda ni aana Jwøk maru, ni bëëdu ni uuna jiya.

Ciik Kiper Dïlämme 26:44

'Ba këël na tïïcge gïïögø, kanyo enge yi ŋööm nyïïmän moge, ge ba kwiera, naa ba männi ki geni ki man raanynya ge. Ni näk mo tïïa tïïö, tïmö naa raanynya luumma tuuda ki geni. 'Ba ba tïïa, kiper beeye aani na Wuuö Jwøk, Jwøk marge.

Ciik Kiper Dïlämme 26:45

'Ba kiperge, wïïa caara caarø ki luumma na tuuda ki kwäcge na käla wøk ki yi ŋööm Ijep ni nëënö jï wïth juurre, kiper naa bëëda ni aana Jwøk marge. Beeye aani na Wuuö Jwøk.› »

Ciik Kiper Dïlämme 26:9

« ‹'Ba aani nyïma luua baŋu ni tïïa uuni nou nyöödu ni nyaayu, ni ö luumma na tuuda ki uuni ni wëëga gø thur kare.

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Mathiew 22:32

ni ‹Aana Jwø Eeberam, ni näga Jwø Aydhak, ni näga Jwø Jeekap.› Eni paa Jwø jøøa näk othøw, 'ba ena Jwø jøøa kwøw.»

Maak 10:14

'Ba gïnögø na neeni ya Jecu, cwïnye aränynyö, ni kööe jïge, ni «Weyu obwöre, nee öge baŋa; kär geni mänu. Kiper teeŋ obwöre moøgø nø buc Jwøk a marge.

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Wëëlö Mana Göör Pøølli Baŋ Jø Röm 9:4

Kiper gena jø Icriel, ni beeye geni na tïïc Jwøki na nyïïe. Na ajiem, ki luupa tuut, ki ciik Jwøk na cïp, ki lam, ki gïïa buuk wëëga geni,

Epeca 2:2

japa kwøŋu køørge caath na jïëyu ki luum pinyi en, na caathu køør kwääy juuga reyø ni wø jïge da teek yi jamø, ni beeye jwøøgø ni poot tïïö cwïny jø adhala enø.

Tiet Ciik 29:13

kiper nou tïïe ni uuna jiye dïcäŋi, ni ö eni ni bëëde na Jwøu, kaawat mana caan gø jïïu en, kaawat mana kwøŋ kööŋ ki gø jï kwäyu ma Eeberam ki Aydhak ki Jeekap.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

Pïëmme 2:1

'Ba Wuuö Jwøk na nyooth ree Gëlgela, ree acäŋ nyoothø kaamar nyïïatwiel maal kanya cwøl ni Bökim, ni kööe jï jø Icriel, ni «Beeye aani na käl uuni wøk ki Ijep, ni käla uuni yi ŋöömma kööŋa kipere ni cïba cïbö jï kwäyu. Kar kaaca aana köö, ni ‹Aani, luumma mana tuuda ki uuni ba raanynya na bäre bäre;