Wïlöölö 17:5 - Wëël Jwøk

⁵ Nyeŋŋï ba cwøl na Abram këët; 'ba nyeŋŋï ocwøl ni Eeberam, kiper ï tïïa tïïö na kwar wïth juurre mo thööth,

Wïlöölö 17:5 Iomraidhean Croise

Wïlöölö 17:15

Køøre Jwøk aköö jï Eeberam, ni «Caray na näk cïïï, kär cwølï këët ni Caray, 'ba nyeŋŋe ocwøl ni Ceera.

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Wïlöölö 32:29

Kanyøgø ena pëëny Jeekapi, ni kööe, na «A kwaya ïïni ki man caanï nyeŋŋï jïra.» 'Ba ena köö, na «?Aperŋø ni pëënynyï nyeŋŋa en?» Ni ö ŋatøgø ni gwïëth Jeekap kaace.

Wïlöölö 35:10

ni kööe jïgø, ni «Nyeŋŋï beeye Jeekap; 'ba nyeŋŋï ba cwøl ni Jeekap këët, 'ba nyeŋŋï ocwøl ni Icriel.» Køøre nyeŋ gø aput Jwøki cwøl ni Icriel.

2 Camiel 12:25

'Ba kiper mana ö Wuuö Jwøki na mëëre ki nyilaarøgø, dwøre ajääŋŋe ki dhi nyikuŋ Jwøk ma Nathan, ni cak nyeŋ nyilaal ni Jididiya, ni tiere beeye ni ŋata mëër Wuuö Jwøki ki gø.

1 Luup Nyeye 1:27

ni ö Teera ni näk wää Abram, ni beeye Abram mana cwøl ni Eeberam.

Neemiya 9:7

«Ïïni, bee ï na Wuuö Jwøk, Jwøa jier Abram, ni kälï eni wøk ki yi paana cwøl ni Ur, yi ŋööm jø Kaldia, ni cagï nyeŋŋe ni Eeberam.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Jeremaya 20:3

'Ba kanya tïme na amöölla, kanya ö Pacuurri na käl tiet Jeremaya wøk ki yo orøgø, Jeremaya aköö jïre, ni «Nyeŋŋï mana cïp Wuuö Jwøki jïrï patha Pacuur këët, 'ba beeye Magör-Micabip, na näk tiere beeye ni lwär mo dwøŋ piny opääŋe bäre.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Kwään Jiy 13:16

Moøgø beege nyeŋ jøøa jääŋ Modhe wøk kuna liewge ŋøøm. 'Ba Modhe nyeŋ Awcë o Nun acwøle ni Jøcua.

Jøøn 1:42

Ni ööe ni käl gø baŋ Jecu. 'Ba na ö Jecu na neen gø, ena köö, ni «Bee ï, Cayman wär Jøøn. Beer, ïïno cwøl ni Ciipa, wala Piter;» na näk tiere beeye Kïdi.

Wëëlö Mana Göör Pøølli Baŋ Jø Röm 4:17

kaawat mana gööri, ni «Ïïna tïïa na kwar juurre mo thööth.» Ni ena kwarø bëët nyïm Jwøk, ŋata ŋäädhe ni wø cïp kwøw jï jøøa näk othøw, ŋat wø wëëk jammi mo bäŋgø, tägö ni tïmge na jammi.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»