Wïlöölö 17:14 - Wëël Jwøk

¹⁴ 'Ba ni näk da dhaanhø ma dïcwøø mo kär daŋø, ŋatøgø wär tïme ni tøør yïthakic tuuŋge; kiper mana käre luubö mana tuuda gwøø.»

Wïlöölö 17:14 Iomraidhean Croise

Wïlöölö 17:15

Køøre Jwøk aköö jï Eeberam, ni «Caray na näk cïïï, kär cwølï këët ni Caray, 'ba nyeŋŋe ocwøl ni Ceera.

Wïlöölö 34:14

Ni kö wäät Jeekapi, ni «Waani ba løny jïwa ki man tïïcwa gïnögø, kiper tïmö na lään wïc bäätwa ki man cïpwa nyiwa jï dhaanhø mo kär daŋø.

Bwøth Wøk 12:15

U doo bëëdö ki nïne abïriiø nou cama møø mo ree bäŋ thømmø, 'ba dïcäŋ mana dïkwøŋ thuumme moa en yïth uudi mou dou käla wøk; kiper ki mano täge cäŋ mana dïkwøŋ këël bïriet nïne, ŋat moo cämö ki møø mo ree da thømmø jaak, wär tïme ni tøør ri jø Icriel.

Bwøth Wøk 12:19

Nïne moøgø na abïriiø yøø wär näk mo bäŋ thuumme yïth uudi mou; kiper ŋat mo ocämö ki møø mo ree da thømmø jaak, nee wëëllö mo path wala o thwønh paac, ŋatøgø wär tïme ni tøør ri lwaa Icriel.

Bwøth Wøk 30:33

'Ba ŋat moo tïïö jaak ki teeŋe, wala ŋat moo wïïr dëër dhaanhø mør ki gø jaak, ŋatøgø wär tïme ni tøør yïthakic tuuŋge.› »

Bwøth Wøk 30:38

Ni ŋat wäro tïïö ki teeŋe jaak, nee tïïe na gïn wø ŋwääi ni met jïre, wär tïme ni tøør yïthakic tuuŋge.»

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Aydheea 33:8

Uutjïëthe moa døøŋŋø adööŋ ni ŋaam, ni bäŋ ŋat mo cäädhi ki yïthge. Ni ö luumma no otuudö ni raanynyi, ni ö päänye ni nigepäät, ni bäŋ ŋat cädö kiper jiy.

Jeremaya 11:10

Jø Icriel ki jø Juuda bëët, gena døø baŋ gïïa reyø na tïïc kwäcge, jøøa kweer ki man wïnyge luup 'moa, na cäädhö køør juu møøk nee tïnyge, na kaal luumma tuuda ki kwäcge.

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Edhikiel 44:7

Uuni, japa näk yia raac ki ge bëët na tïïyu, bäätge acäŋu mëënnö ki mør, ni beeye ki mana kälu juurre moa path na näk kär daŋø ki yïth cwïnyge ki dëëtge ni kïthu ge yi øt lam mara na en kur keere, ni päätge øt lam mara kany wø cïpu ko olämme jïra, ni beege dwäle ki rem lääy, ni ö uuni ni raanynyu luumma tuuda.

Ciik Kiper Dïlämme 18:29

« ‹Kiper ŋat mo tïïya teeŋ gïïögø ni ec raac ki ge yøø, wär put tïmö ni tøør yïthakic tuuŋge.

Ciik Kiper Dïlämme 19:8

Ŋato cam gø ri dää nïne, ajäla mare ena bääte, kiper eni gïn mo ocïp kur keere jïra, a na Wuuö Jwøk, apääde, ni teeŋ ŋatøgø wär put tïmö ni tøør yïthakic tuuŋge.

Ciik Kiper Dïlämme 23:29

Ni näk mo da dhaanhø mo dëëre ba dwøk piny ni ba kwier cam dïcäŋ manøgø, eni wär put tïmö ni tøør yïthakic tuuŋge.

Ciik Kiper Dïlämme 7:25

Ni näk mo da dhaanhø mo ocämö ki maar lääy man wø tïïc no olämi man wø waaŋ ki maac jï Wuuö Jwøk, teeŋ ŋata cämö enø wär tïme ni tøør yïthakic tuuŋge.

Ciik Kiper Dïlämme 7:27

Ŋato cämö ki remø jaak, teeŋ ŋatøgø wär tïme ni tøør yïthakic tuuŋge.› »

Kwään Jiy 9:13

'Ba dhaanhø mo dëëre waany mo ba en kany mo bäär, noo kweere jaak ki man wøør ajwöm Cäŋa Pööth Thøøe Yie, eni wär tïme ni tøør yïthakic tuuŋge, kiper na käre olämi mar Wuuö Jwøk cïbö yi kanya no owäŋŋö. 'Ba ŋatøgø bääyö mare oen wïïe.

1 Körin 11:27

Kiper manøgønø, ŋat wäro cam møk Kwäärö ma Jecu, ni mäthe ya athöönhnhe ni bëëtö mare patha kare, eni di jäälö kiper mana päät dëër Kwäärö ki remme.

1 Körin 11:29

Kiper ŋato wäro cämö ni mädhe ni bäŋ gïn mo ee caarø kiper dëërögø, cam mare ki maath mare käla ajäla bääte.