Wïlöölö 17:10 - Wëël Jwøk

¹⁰ Ni luumma tuuda noo gwøgï, nee bëëde yïthakiyø ki ïïni këël nyïïkwaayï mo ööi køørï, beeye en; jiy moa näk cwøw bëët dïïu wär geni daŋ.

Wïlöölö 17:10 Iomraidhean Croise

Wïlöölö 17:11

Ni këël uuni ki dëëtu wär dëëtu daŋŋu, kiper nee tïme na nyuudhi mar luumma tuuda ki uuni.

Wïlöölö 17:23

Køøre Eeberam wääde ma Icmiel, ki jiy moa nywøl paare bëët na näk laaŋe, këël moa ŋeew ki gwete bëët, jiy moa näk cwøw bëët moa en paare akäle ni put geni daŋ bëët dïcäŋöca kiree, kaawat mana caani ya Jwøki jïre.

Wïlöölö 17:27

Ni ö jiyi moa näk cwøw bëët na en paare, moa nywøl paare ki moa ŋeew ki gwel yi tuuŋ mo path, ni daŋ geni ki eni ciel.

Wïlöölö 21:4

Køøre Eeberam wääde ma Aydhak adaŋe kanya tïme ni nïre abära wøk, ki køør mana köömmi Jwøki.

Wïlöölö 34:15

'Ba gïrpiny aciel keere mo ø doo dwätö ki køøre beeye en; ni näk mo u tïmö kaamar marwa, ni jiy bëët moa näk cwøw mou daŋŋu daŋø,

Wïlöölö 34:22

'Ba gïrpiny aciel keere mo ø doo dwätö ki ge ki køøre nee ge bëëtge ki øøni, nee ø tïmø ni øøna aciel ki ge beeye en; jiy bëët moa näk cwøw dïïø døø daŋø kaamar marge.

Bwøth Wøk 12:48

«'Ba ni näk da wëëllö mo path mo bëëdö dïïu, ni manynya man tïïc cam Cäŋa Pööth Thøøe Yie jï Wuuö Jwøk, beerra man daŋ cwøw bëët moa en paare, køøre eni doo öö ni tïïc gø; ni tïme kaamar o thwønh paac. 'Ba dhaanhø mo kär daŋø ba doo cämö ri gø.

Bwøth Wøk 4:25

Køøre cïïe ma Dhipöra alwötö ki kïdi mo deŋŋe beth, ni daŋ wääde ki gø, ni leeŋ buyö mana daaŋe tiet cwøre, ni kööe, ni «Ïïno put bëëtö ni ïïna cwøra ki køør rem wääda.»

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jøøn 7:22

Modhe luum daŋ acïbe jïïu, ni manøgøøni ba täga ri Modhe, 'ba täga ri kwäyu; ni ö uuni ni putu dhaanhø daŋ ki cäŋ jwömö.

Moa Tïïc Nyïïatwieli 7:8

Ni wëëk Eeberam daŋ na ŋïï mar luubö mana tuut. 'Ba Eeberam wääde ma Aydhak anywøle, ni daŋ gø kanya tïm nïre na abära wøk. Ni ö Aydhaki ni nywøl wääde ma Jeekap. Ni ö Jeekapi ni nywøl kwäre na näk apaar kurriiø.

Wëëlö Mana Göör Pøølli Baŋ Jø Röm 2:28

Kiper dhaanhø ba doo tïmö na ŋat Juuth ma adïëri kiper mana nywöli ni ena ŋat Juuth. Ni daŋ ma adïëri patha gïn wø tïïc wøk dëër dhaanhø, 'ba beeye gïn wø en cwïny dhaanhø.

Wëëlö Mana Göör Pøølli Baŋ Jø Röm 3:25

ŋata kïth Jwøki nyïm no olämi ki køør remme, na doo jïëö ki køør ŋäädhe. Manøgø atïïc kiper nee ŋøl luup mar Jwøk na näk adïëri nyoodhe, kiper na kwøŋ bëëdö ni cwïnye ee cïp piny ni käre raay moa dïkwøŋ kwaan.

Wëëlö Mana Göör Pøølli Baŋ Jø Röm 3:28

Kiper wa wø köö, ni dhaanhø wø jïëc ni mare beer ka køør ŋäädhe, ni tïïe mo ciik Jwøk tøør ree.

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Galeecia 6:12

Jøø ni many man nyoothge dëëtge ni marge beer yøø, beege ni many man makge uuni ki teek nou daŋ. Ni tïïcge kaper nee bäŋe luubö mo leth mo caan dëëtge kiper jaadha no odëëdö mar Krictø.

Epeca 2:11

Kiper manøgønø, parru wïthu ni u nywöli ni uuna juurre dïkwøŋ, nou cøøri nou patha odaŋø ki jï jøøa näk odaŋø, ni beeye daŋ man wø tïïc ki cenø dëël.

Tiet Ciik 10:16

Ennø, wiillu cwïnynyu ni tïmu nou bëënna eni, ni ba bëëdu ni wïthu teek këët.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Jøcua 5:2

Kanyøgønø, Wuuö Jwøk aköö jï Jøcua, ni «Wärï tïïï ki kïte mo deŋge beth na gïï daŋ; ni daŋï cwøw mo jø Icriel moa näk kär kwøŋ daŋ dïkwøŋ.»

Jøcua 5:4

'Ba tier gïna ö Jøcua na daŋ geni kipere beeye en; cwøw leny bëët moa ö wøk ki Ijep na no onø daŋ kanya enge Ijep, atïmö no onø thumö ki thøø dï paap kanya cääthge.