Wïlöölö 16:8 - Wëël Jwøk

⁸ Ni kö nyïïatwielli jïre, ni «?Eegar laŋ Caray, ï kälï kaa? ?Ï ciï kaa ŋø?» Ni dwøk gø jïgø, na «A päny wøk ki baŋ Caray ŋata tïnynya.»

Wïlöölö 16:8 Iomraidhean Croise

Wïlöölö 16:1

'Ba Caray na näk cï Abram bäŋ obwöre mo ege nywølø ka Abram. 'Ba jïre da laŋŋø ma nyi jø Ijep mo nyeŋŋe cwøl ni Eegar.

Wïlöölö 16:4

Ni ö Abrammi ni ci baŋ Eegar, ni jït yi Eegarri ki dhaanhø. 'Ba kanya ö Eegarri na joot gø ni yie da dhaanhø, ena tägö ki man raŋ Caray na tïnynye ni ee taaø.

Wïlöölö 16:9

'Ba nyïïatwiel Wuuö Jwøk aköö jïre, ni «Døø baŋ Caray na tïnynyï, ni cïpï dëërï jïre ni bëëdï niï ena tiere.»

Wïlöölö 21:17

Ni ö Jwøki ni wïny dwør nyilaal ni jwöŋö thuwø; ni ö nyïïatwiel Jwøki ni cwøl Eegar ki maal, ni kööe jïgø, «?Eegar, agïnaŋø na tägö dëërï? Kärï lwäyö, kiper Jwøk dwør nyilaal awïnynye ni jwöŋö kanyo en yie enø.

Wïlöölö 3:9

Kanyøgø Wuuö Jwøk dhaanhø acwøle ni kööe jïgø, ni «Ï enï kaa ŋø?»

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

1 Nyeye 19:13

'Ba kanya ö Ilaaja na wïny dwørøgø, täärnyïme aput uum ka aleeŋŋa mare, ni cøøe ni døny wøk ni cuŋŋe dhi øt kïdi. Køøre dwøl aput ö bääte ni kööe, na «?Agïnaŋø ni tïïyï kany, Ilaaja?»

1 Nyeye 19:9

Køøre ena døny øt kïdi ni bëëde yie. Kanyøgø dwør Wuuö Jwøk aö bääte ni kööe jïgø, na «?Agïnaŋø ni tïïyï kany, Ilaaja?»

2 Nyeye 5:25

'Ba køøre ena ci baŋ kwäärö mare ma Ilaaca ni cuŋŋe nyïme. 'Ba Ilaaca aköö jïre, ni «?Gaadhi, ïïno cøøa kaa ŋø?» Ni løk gø, ni «A na dhaanhnhï en, bäŋ kany mo aano ci yie.»

Luup Dïpööy 10:4

Ni näk mo kwäärö wëër ki ïïni, cwïnyï kär ränynyö ni daagï riï kar tïïc mana no ocïbö jïrï, kiper cïp cwïny piny gïï mo thööth mo reyø mo doo tïïö wëëge kääŋö.

Pïëmme 19:17

'Ba kanya ö jaal manøgø na lwïthe, jøøa näk käla jöö ajoode no opï piny bura mar pääny kaagø, ni kööe, «?Uuno käla kaa ŋø? ?U cou kaa ennø?»

1 Camiel 26:19

'Ba ennø, ï na nyeya mara, beerra man wïnynyï luupa, a na dhaanhnhï. Ni näk mo beeye Wuuö Jwøk na tïïc ïïni niï ööï maal bääta, beerra man ö Wuuö Jwøki ni jïëc olämi ni raanynya luubö manøgø yïthakiyø; 'ba ni näk mo tïïya jiyi, acïëni oen bäätge nyïm Wuuö Jwøk, kiper dïcäŋi ge riema aani wøk nee kara tïme ni bäär ki jø powa ni beege jic Wuuö Jwøk, ni marge köö, ni ‹Ci tïny juu møøk.›