Wïlöölö 15:7 - Wëël Jwøk

⁷ Ni kö Wuuö Jwøki jï Abram, ni «Beeye aani na Wuuö Jwøk na käl ïïni wøk ki yi Ur po jø Kaldia, kiper nee ŋöömmi cïba jïrï nee tïme na moï.»

Wïlöölö 15:7 Iomraidhean Croise

Wïlöölö 12:1

Wuuö Jwøk acäänö ka Abram, ni kööe, ni «Wec pou ki tuuŋu ki dhi øt wäru, ni ciï yi ŋöömmo nyoodha jïrï.

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 28:4

Ni ö Jwøki ni cïp gwïëth mana gwïëth Eeberam ki gø jïrï ki nyïïkwaayï bëët, kiper nee ŋöömmo bëëdï yie ni ïïna wëëllö enø nee lwørï na marï, ni beeye ŋöömma cïp Jwøki jï Eeberam.»

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Kwään Jiy 33:53

Ni mayu ŋøøm ni bëëdu yie, kiper yaa nø cïp jïïu na maru.

Wëëlö Mana Göör Pøølli Baŋ Jø Röm 4:13

'Ba gïna buuk jï Eeberam ki nyïïkwaaye, ni piny doo cøøa jïge, kär öö ki køør ciik Jwøk, 'ba ööi ka køør bëënynyö man wø en ri ŋäädhe.

Tiet Ciik 3:18

«Køøre jøøgø aköömma kar kaace, ni kööa, ni ‹Wuuö Jwøk na näk Jwøu, ŋøøpøgø acïbe jïïu nee bëëde na mou. Ennø, u na cwøw leny bëët, beerra man ŋutu løø Naam Jördan løøga ni rou you jiiŋŋø kiper leny, ni bwøthu maal nyïm nyïïmëëgu ma jø Icriel.

Tiet Ciik 9:5

Ka adïëri møn, paa kiper beer maru wala thïïŋ cwïny maru noo cou yi ŋööm jøøgø nee lwørru na maru, 'ba beeye kiper rääö mar jøøgø no ö Wuuö Jwøki na näk Jwøu noo riem geni wøk nyïmmu, kiper nee kööŋ mana kööŋe ki gø jï kwäyu, ni beege Eeberam ki Aydhak ki Jeekap, nee nyoodhe jïïu na adïëri.