Wïlöölö 15:5 - Wëël Jwøk

⁵ Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 15:5 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 16:10

Ni kö nyïïatwiel Wuuö Jwøki jïre thuwø, ni «Nyïïkwaayï otïïa ni thööth, ni nyaacge këël mano tïmge ni ba løny ki kwaan.»

Wïlöölö 17:2

'Ba aani luumma tuuda tïïa tïïö nee bëëde ni nut yïthakiyø ki ïïni. Ni wëëga ïïni nyaay døc kiree.»

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

Wïlöölö 26:4

Ni tïïa nyïïkwaayï nee nyaacge ni caala ceer mo maal, ni wëëga ŋöömö man bäre en geni; ni ö wïth juurre mo bäät piny bëët ni gwïëdhi ki køørge.

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

Wïlöölö 32:13

Kanyøgø Jeekap abut kaace wäänögø. Ni lwöte røk gïïa en jïre bëët kiper nee cïbe jï coki ma Icøø.

1 Nyeye 3:8

'Ba a na dhaanhnhï en, a ena dï jiyï moa näk iï jierø, ni beege jøøa thööth døc na näk ba løny kwaan.

1 Luup Nyeye 27:23

'Ba Deebit cwøw moa näk cwiic dööŋö moge pïërariiø ki moa näk ena piny ki pïërariiø käre kwaanø, kiper luubö mana caan Wuuö Jwøki ni jø Icriel tïïe tïïö ni thööth kaamar ceer mo maal.

Neemiya 9:23

Ïïni, kwään nyïïkwaacge atïïyï ni thööth ni caala ceec maal, ni 'kälï geni yi ŋöömö mana caanï jï kwäcge 'ni ge cøøa yie nee lwørge na marge.

Jööp 35:5

Lwïthï maal mø ni raŋï gø; raŋ pøøl moø ni en maal kuya yøøke ki ïïni.

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Jeremaya 33:22

Nyïïkwaac dhaanhnha ma Deebit, ki jø dhi øt Libay, jø wø tïny aani, kwäänge meeda meedø ni tïmge ni thööth ni ba løny ki kwaan, kaawat man wø bëët ceerri ni ba løny ki kwaan, kaawat man wø bëët akwöny deŋ naama dwøŋŋi ni ba løny ki røm.»

Wëëlö Mana Göör Pøølli Baŋ Jø Röm 4:18

'Ba eni gïn mo ba doo maara ŋääth aŋäädhe, ni eni doo tïmö na kwar juurre mo thööth, keda mana kwøŋi caan jïre, ni «Nyïïkwaayï otïmö ni thööth na yøøgønø.»

Tiet Ciik 1:10

Wuuö Jwøk na näk Jwøu uuna nø tïïe nou thööth, ni dïcäŋi ennø, u thööth kaamar ceer mo maal.

Tiet Ciik 10:22

Kanya ci kwäyu Ijep, gena jiy ma pïërabïriiø keerge; 'ba ennø, Wuuö Jwøk na näk Jwøu uuna tïïe nou thööth kaamar ceer ni wø en maal.

Ibaru 11:12

Kiper manøgønø, ki ri dhaanhø aciel, ŋata näk dëëre onø rømø ki thøø, nyïïkwaaye anyaay ni tïmge ni thööth kaamar ceec maal ki nyeŋ akwöny naama dwøŋ wø ba løny ki kwaan.

Jøcua 24:3

Køøre kwaru ma Eeberam alwøra løø Naam Upareeti løøga, ni bwødha eni dï ŋööm Keenan nee caadhe bäre, ni cïba wääde ma Aydhak jïre, ni tïïa nyïïkwaacge nee nyaacge.