Wïlöölö 15:18 - Wëël Jwøk

¹⁸ Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 15:18 Iomraidhean Croise

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 13:15

kiper ŋøøpo nëëni jïrï bëët yøø ocïba jïrï na bäre bäre këël nyïïkwaayï mo ööi køørï.

Wïlöölö 2:14

Ni nyeŋ dää naam maya cwøl ni Thëgerø, ni cøøa ya Aciria jï løø kur tuul-cäŋ. Ni ŋweer naam cwøl ni Upareeti.

Wïlöölö 24:7

Wuuö Jwøk, Jwø maal, ŋata käl aani wøk ki po wära yïth ŋøøpa nywøl aani yie, na cäänö na buŋ aani na köö, ni ‹Ŋöömö man omëëga nyïïkwaayï,› eni ki dëëre nyïïatwiel maal mare jääŋŋe jääŋŋö nyïmï, ni ö ïïni ni jïtï ki dhaagø jï wääda kaace.

Wïlöölö 26:4

Ni tïïa nyïïkwaayï nee nyaacge ni caala ceer mo maal, ni wëëga ŋöömö man bäre en geni; ni ö wïth juurre mo bäät piny bëët ni gwïëdhi ki køørge.

Wïlöölö 28:4

Ni ö Jwøki ni cïp gwïëth mana gwïëth Eeberam ki gø jïrï ki nyïïkwaayï bëët, kiper nee ŋöömmo bëëdï yie ni ïïna wëëllö enø nee lwørï na marï, ni beeye ŋöömma cïp Jwøki jï Eeberam.»

Wïlöölö 35:12

Ŋöömma cïba jï kwaru ma Eeberam ki wäru ma Aydhak, cïba cïbö jïrï; ni cïba gø jï nyïïkwaayï mo ööi køørï.»

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

2 Camiel 23:5

«?Aŋø, nyec mar dhi øtø mara ba tïmö ni caala nyec manøgø nyïm Jwøk? Kiper eno tudö ki luubö ki aani mo bëëdö na bäre bäre, ni beeye luubö mana näk ee cïp piny ni ba wiil. ?A ni näk mo enøgønø, Wuuö Jwøk a ba put piem, këël dhi øtø mara, ni wëëk gïï wø mïn eci ki ge bëët thur karge?

2 Camiel 8:3

'Ba Deebit Adadëdher o Reeyöp nyeny jø Dhöba abööte thuwø kanya ö Adadëdherri na aae ni cøøa kuna cäŋ nyec mare dwøk kare bäät Naam Upareeti.

1 Nyeye 4:21

'Ba Cølöman abëëdö na nyeya, ni wïth juurre bëët ena cere ki mana täge ki Naam Upareeti, këël mana këët yi ŋööm jø Pilitin, ni pïïe waŋ keew ki jø Ijep. Ni ö wïth juurre moøgø ni cïpge ka ajwäk jï Cølöman ni tïnyge eni ki yïth nïr kwøw moe bëët.

1 Nyeye 5:1

'Ba kanya ö Kiram nyeny Tayar na wïny gø ni Cølöman wïïe anø thïïmmi ki maaw ni røønyi na nyeya kar wänni, jø kööre moe ajääŋŋe baŋ Cølöman, kiper eni na Kiram, ge wø bëëdö ni gena nyïïawäädi ki Deebit.

1 Luup Nyeye 16:16

ni beeye luumma tuude ki Eeberam, na kööŋe kiper gø jï Aydhak,

1 Luup Nyeye 5:9

Ni makge ŋöömma en jï løø kur tuul-cäŋ thuwø këël mana këët yi ŋöömma näk otal na en bäät Naam Upareeti, kiper mana näk lääc paac otïmö ni thööth jïge yi ŋööm Gelät.

2 Luup Nyeye 7:8

'Ba kar kaaca, Cølöman Ajwöma Man Wø Wøør Ki Yïth Abïle aputge wøør ki nïne abïriiø ki jø Icriel bëët, ni beeye acooŋ lwaa dhaanhø mo päl mana no oöö bäre ki Libö-Amath na en jï løø wï-piny këël mana këët waŋ Naam Ijep na en jï løø tier-piny.

2 Luup Nyeye 8:7

'Ba jiy bëët moa näk patha jø Icriel na bøth ki thøø røk jø Këth, ki røk jø Amör, ki røk jø Përec, ki røk jø Ëwi, ki røk jø Jeebuc,

2 Luup Nyeye 9:26

Køøre ena put bëëte ni nyeye bëët ena tiere ki mana täge ki Naam Upareeti këël mana këët yi ŋööm jø Pilitin, ni pïïe waŋ keew ki jø Ijep.

Edhera 4:20

Ni da nyeye mo teek kar kaace mo Jerucalem obëëdö ceŋge, këël paac bäre mana cwøl ni Løø Naam Upareeti Løøga, ni bëët ajwäki ni jwäka jïge.

Neemiya 9:8

Ni jootï eni na dhaanhø mo cwïnye ena baŋï, ni tudï ki luubö ki eni ki man cïpï ŋøøm jï jøw käl dëëre, ni beeye ŋööm jø Keenan, ki mar jø Këth, ki mar jø Amör, ki mar jø Përec, ki mar jø Jeebuc, ki mar jø Gërgëca, ni putï luumma caanï wëëk thur kare, kiper marï adïëri.

Bwøth Wøk 13:11

«'Ba kanyo ö Wuuö Jwøki noo kïth uuni yi ŋööm jø Keenan, kaawat mana kööŋe jïïu ki kwäyu, kanyo cïp gø jïïu,

Bwøth Wøk 2:24

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap.

Bwøth Wøk 23:23

Kiper nyïïatwiel maal mara manøgø ocäädhi maal nyïmmu, ni kïth uuni yïth ŋøøp jø Amör, ki jø Këth, ki jø Përec, ki jø Keenan, ki jø Ëwi, ki jø Jeebuc; ni puta geni raanynyø na bäre.

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Bwøth Wøk 34:11

Gwøk gïn ni köömma ïïni ki gø dïcäŋi en. Ka adïëri møn, jø Amör, ki jø Keenan, ki jø Këth, ki jø Përec, ki jø Ëwi, ki jø Jeebuc riema wøk nyïmï.

Bwøth Wøk 34:24

Kiper aani juurre riema wøk nyïmmu, ni nyaaa nyeŋ keee mou, ni tïïa ŋöömö maru ni päl. 'Ba kany wø ööu nyïma, a na Wuuö Jwøk na näk Jwøu, kwöre moøgø na adäk yøø ki yi cwiir, bäŋ dhaanhø mo cädö ki man mac ŋöömö maru.

Bwøth Wøk 6:4

Aani thuwø luubö mara mana tuuda ki geni atïïa nee bëëde, ni beeye ki man cïba ŋööm Keenan jïge, na näk ŋöömma bëëtge yie ni gena wëëlle mo path.

Bwøth Wøk 6:8

Ni kïtha uuni yi ŋöömma kööŋa kipere nee cïba jï Eeberam ki Aydhak ki Jeekap, ni cïba gø jïïu ni tïme na maru. Beeye aani na Wuuö Jwøk.› »

Aydheea 27:12

'Ba noo tïme na dïcäŋeca, Wuuö Jwøk tägö ka ajäla mare kaawat man wø dïn beel, ni tägi ka Naam Upareeti këël mano pïïe waŋ naam mar Ijep. Wui, jø Icriel, uuno cäŋ cooŋ kanya ciel, nou käli na aciel aciel.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Jeremaya 32:22

Ni cïpï ŋöömmi en jïge, ni beeye ŋöömma kööŋï kipere jï kwäcge ni cïpï cïbö jïge, ŋöömma näk caak ki maar kïc päl yie.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Ciik Kiper Dïlämme 26:42

aani wïïa caara caarø ki luumma na tuuda ki Jeekap, ki Aydhak, ki Eeberam, ni caara wïïa ki ŋöömö marge.

Ciik Kiper Dïlämme 26:45

'Ba kiperge, wïïa caara caarø ki luumma na tuuda ki kwäcge na käla wøk ki yi ŋööm Ijep ni nëënö jï wïth juurre, kiper naa bëëda ni aana Jwøk marge. Beeye aani na Wuuö Jwøk.› »

Kwään Jiy 34:5

Køøre odøø bäät cwïïc mëëth, ni päth yi waŋ Ijep, ni ŋuude yi naama dwøŋ.

Moa Tïïc Nyïïatwieli 7:5

'Ba eni poot kär mooc Jwøki ki ŋøøm, këël nyi kany mo thiinh mo caala kar tier dhaanhø. 'Ba ena buŋ Jwøki ni eni di mooø ki ŋøøm ma moe ki nyïïkwaaye moo ööi køøre, këël na bëëde ni bäŋ nyilaal jïre.

Tiet Ciik 11:24

ni kany mo you gudö ki tietu jaak, tïmö na ŋöömö maru. Ni tïm päl ŋöömmu ni tägi ka dï paap mana en jï løø tier-piny, këël mano këët Libaanø na en jï løø wï-piny; ni cäŋ tägö ki Naam Upareeti na en jï løø kur tuul-cäŋ, këël mano këët naama dwøŋ na en jï løø kur pänh-cäŋ.

Tiet Ciik 12:20

«'Ba kanyo ö Wuuö Jwøki na näk Jwøu noo nyaanh keew maru kaawat mana caan gø jïïu, kanyo parru rïŋö ni kööu, ni ‹Wa manynya cam ki rïŋö,› løny jïïu ki man cämu ki rïŋö kaawat mana manynyu jaak.

Tiet Ciik 19:8

«'Ba ni näk Wuuö Jwøk na näk Jwøu ŋöömmu nyaanhe nyaanhø, kaawat mana kööŋe ki gø jï kwäyu, ni cïp ŋøøm bëët jïïu moa caane ni cïbe cïbö jï kwäyu,

Tiet Ciik 34:4

Køøre Wuuö Jwøk aköö jï Modhe, ni «Manøgø beeye ŋöömö mana kööŋa kipere jï Eeberam ki Aydhak ki Jeekap na kööa ni cïba cïbö jï nyïïkwaacge. Ennø, ŋöömö manøgø ïïna wëëga neen gø nee jootï ki waŋï; 'ba ba løny jïrï ki man ciï kaace.»

Tiet Ciik 7:1

«'Ba Wuuö Jwøk na näk Jwøu u kïthe yi ŋöömmo cou yie nou lwørru na maru, ni riem wïth juurre mo thööth wøk nyïmmu, ni beege jø Këth ki jø Gërgëca ki jø Amör ki jø Keenan ki jø Përec ki jø Ëwi ki jø Jeebuc, ni beege wïth juurre abïriiø mo thöötha geni ki uuni mo kaala uuni ki teek.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

Jøcua 13:3

ni beeye ki mana täge ki Naam Ciör na en løø Ijep jï løø kur tuul-cäŋ, këël mana aae ni këët waŋ keew mar paana cwøl na Akarön na no okwaan røk mïëc jø Keenan moa en jï løø wï-piny; ni beege mïëc kwääri mo jø Pilitin moa näk abïïc. Ni kwääri moøgø beege mo jø Geedha, ki jø Acdöt, ki jø Ackelön, ki jø Gëth, ki jø Akarön, këël mïëc jø Awim na en jï løø tier-piny.

Jøcua 15:4

Ni cäŋ pöödhö ni coonya Acimön ni päth yi waŋ Ijep, ni put ŋuudö yi naama dwøŋ. 'Ba manøgø beeye waŋ keew mar jø tuuŋ Juuda, na put tïmö na waŋ keew mar jø Icriel mana en jï løø tier-piny.

Mana Nyooth 9:14

ni köömma bïcier nyïïatwiet maal na en tuuŋŋi cere, ni «Pät nyïïatwiet maal moa näk aŋween na näk otwöö bäät Naam Upareeti na dwøŋ.»