Wïlöölö 15:13 - Wëël Jwøk

¹³ Ni kö Jwøki jï Abram, ni «Wär ŋäyï møn ni nyïïkwaayï obëëdö na wëëlle yi ŋöömma näk paa marge, ni tïnyge jøøgø ni gena laaŋe, ni ö nyïïkwaayï ni caari ki cwiiri ma dïpe aŋween.

Wïlöölö 15:13 Iomraidhean Croise

Wïlöölö 15:16

'Ba nyïïkwaayï oruu paanøgø këël ŋweer beenhnhe, køøre geno duu kany, kiper raay mo jø Amör poot kär këët kanya manynyi ki man raany ge.»

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 47:4

Ni cäŋge köö jï Peerø, «Waana ö ki man bëëtwa yi ŋöömö marï; kiper meel atïmö ni dwøŋ yi ŋööm Keenan, ni bäŋ luum mo cam dïëki mowa, wa na laaŋe moï. 'Ba kawaane wa kwaya ïïni ki man ö laagï ni bëëtge yi ŋööm Göcën.»

Bwøth Wøk 1:11

Køøre jø Ijep aput röönyö ki jiy mo käär tïïe bäät nyïïkwaac Icriel, nee bëëtge ni ege caannø ki køør tïïe moo tïïcge na teek. Ni ö nyïïkwaac Icrielli ni gëëtge ki päänye mo cuŋ yïthge ki caammi jï Peerø, ni beege päänye moa cwøl ni Pithöm ki Raamcic.

Bwøth Wøk 1:13

Ni ö jø Ijepi ni caange nyïïkwaac Icriel ki køør tïïe moa teek na eelge bäätge.

Bwøth Wøk 1:14

Ni tïïcge bëëtö mar nyïïkwaac Icriel ni teek døc ki køør tïïe moa teek na näk tïï thuube ko odhöönh man wø caam thuube ki gø, ki teeŋ tïïe møøk mo wø tïïc yïth pwöth, ni beege tïïe bëët mo wø tïïcge no oeel bäätge ni geno caannø.

Bwøth Wøk 2:24

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap.

Bwøth Wøk 22:21

«Käru bääyö dëër dhaanhø mo bëëdö na wëëllö mo path, ni ba tïïu ree ki gïn mo raac, kiper uuna bëëdö yi ŋööm Ijep ni uuna wëëlle mo path.

Bwøth Wøk 23:9

«Kär wëëllö mo path caannu; kiper uuni ki dëëtu gïr bëët wëël ŋäyu, kiper uuna kwøŋ bëëtö ni uuna wëëlle yi ŋööm Ijep.

Bwøth Wøk 3:10

Kiper manøgø nø, ï na Modhe en, ööï nø, niï jääŋŋa baŋ Peerø, kiper nee jiya ma jø Icriel nee kälï wøk ki yi Ijep.»

Bwøth Wøk 3:17

ni beeye ni kööa ennø nou käla wøk ki yi Ijep na näk kar can, ni kïtha uuni po jø Keenan ki jø Këth ki jø Amör ki jø Përec ki jø Ëwi ki jø Jeebuc, yi ŋöömma näk caak ki maar kïc päl yie.›

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Ciik Kiper Dïlämme 19:34

Wëëllö mo path mo bëëdö dïïu wär raŋŋu kaamar ŋat pou, ni mëërru ki eni kaawat man wø mëërru ki dëëtu. Kiper uuna bëëdö na wëëlle yi ŋööm Ijep. Beeye aani na Wuuö Jwøk, Jwøk maru.

Kwään Jiy 20:15

Kiper kar kaaca, kwäcwa aci Ijep, ni bëëtwa yi ŋööm Ijep ki kany mo bäär; ni ö jø Ijepi ni tïïge ki gïï mo reyø mo leth dëëtwa ki kwäcwa.

Moa Tïïc Nyïïatwieli 7:17

«'Ba na cään kanya wäŋŋi na näk obuuö na wëëk Jwøki Eeberam, jø pøø athöönhnhö ni meetge rege yi Ijep,

Galeecia 3:17

'Ba tier mana caana beeye en, ni ciik Jwøk na cïp ki køør cwiiri ma dïpe aŋween ki pïëradäk, luumma kwøŋ Jwøki tuut bäŋ wø wiile, ni tïïc gïna buue ni bäŋ tiere.

Tiet Ciik 10:19

Kiper manøgønø, u doo mëër ki wëëllö mo path, kiper uuna kwøŋ bëëtö na wëëlle mo path yi ŋööm Ijep.

Tiet Ciik 5:15

Caar wïïï ki mana bëëdï ni ïïna laŋŋø yi ŋööm Ijep, ni ö Wuuö Jwøki na näk Jwøï ni käl ïïni wøk kaace ki køør teek bade ki teek mare na dwøŋ. Kiper manøgønø, Wuuö Jwøk na näk Jwøï ïïna köömme ki man gwøgï cäŋ jwömö.