Wïlöölö 14:3 - Wëël Jwøk

³ Nyeye moøgø na abïïc yøø dëëtge adwalge na aciel kiper leny yi Gool mar Cidim na tïmö na Naam Acäbö.

Wïlöölö 14:3 Iomraidhean Croise

Wïlöölö 10:19

Ni ö ŋøømmi mo jø Keenan ni nyaacge, ni tägi ka Caydan ni cøøa jï kuna en Gërar këël mana këët Geedha, ni pööth jï kuna en Cødam ki Gømöra ka Adama ki Dheböym këël mana këët Laca.

Wïlöölö 14:10

'Ba yi gool mar Cidim da aguule mo thööth mo päŋ ko odhöönh mo nwaaŋ. Kanya ö nyeny Cødam ki nyeny Gømöra na bwøkge, gena reeŋø ni päthge yïth aguule. 'Ba moa bøth areeŋø ni pïïcge bäät kïte.

Wïlöölö 14:4

Kiper gena kwøŋ bëëdö tier nyeya ma Kedör-Laömer ki cwiiri apaar kurriiø. 'Ba na tïme na ri cwiiri apaar kurdäk gena gëëmö ki gø.

Wïlöölö 14:8

Kanyøgøøni nyeny Cødam, ki nyeny Gømöra, ki nyeny Adama, ki nyeny Dheböym, ki nyeny Bëla na näk Dhöär, gena ö wøk ni jiiŋge dëëtge kiper leny yi gool mar Cidim;

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

Kwään Jiy 34:12

Køøre waŋkeew ocäŋ aay ni lwøra Naam Jördan cooth, këël mano päth Naam Acäbö. 'Ba ŋöömö manøgø bäre otïmö na maru ki køør nyeŋ keee moe bëët.»

Tiet Ciik 3:17

Ni keew mana en jï løø kur pänh-cäŋ beeye Naam Jördan na en dï gool mana cwøl na Araaba, ni tägi ka Puur Kinërët, këël mana këët Naam Araaba, ni beeye Naam Acäbö, na en tier Kïn Pedhega.

Jøcua 3:16

pïï mo wø kwönni ki kwöra en maal aput cuŋŋö ni makge rege kaamar gïï mo ocooŋ kanya ciel, ni pïïögø cuŋŋa kany mo bäär paana cwøl na Adam, na en buut Carthan; ni ö pïïyi mo wø lööny yi Naam Acäbö na en yi gool mana cwøl na Araaba, ni putge niŋul na bäre. Ni ö jø Icrielli ni putge ŋut løøga ni ge dïët ki Jerikö.