Wïlöölö 14:20 - Wëël Jwøk

²⁰ ni ö pwøci ni en jï Jwøa Dwøŋ ni en Maal, Jwøa cïp nyïïmän moï cerï.» Køøre Abram acïpö jï Melkidhedek ki paac wïth jammi bëët.

Wïlöölö 14:20 Iomraidhean Croise

Wïlöölö 14:21

Ni kö nyeny Cødam jï Abram, ni «Mëëk a jiya keerge, ni lwørï jammi na moï.»

Wïlöölö 24:27

Ni kööe, ni «Pwøc en jï Wuuö Jwøk, Jwø kwääya ma Eeberam. Eni adïëri mare ki mëëye ni wø ba jøøl käre paanyø bäät kwääya. Eni thuwø aana bwødhe ni kïth aani yi øt jø tuuŋ kwääya.»

Wïlöölö 28:22

Ni ö kïnni ni yaa cwöth piny na nyuudhi en ni tïme na gïn mo nyootha kar bëëtö mar Jwøk; ni gïï ocïp Jwøki jïra bëët, paac wïthge cïba cïbö jïre thuwø.»

Wïlöölö 47:24

'Ba kanyo tïme na kar kac, bïï thäŋi wär cïpu jï Peerø, ni dööŋ ŋweerge jïïu na köödhi kiper pwöth mou, kiper nee uuni ki tuuŋu ki nyïïu nou jïtu ki cam thuwø.»

Wïlöölö 47:26

Ba ciik mana cïp Jocepi kar kaaca yi ŋööm Ijep atïmö na ciik mo poot nut këël dïcäŋi en. Ni ciik manøgø beeye ni Peerø jïre doo da bïï thäŋi. 'Ba ŋøøp dïlämme keerge kär tïmö na mo Peerø.

Wïlöölö 9:26

Ni cäŋ köö thuwø, ni «Pwøc oen jï Wuuö Jwøk, na näk Jwø Cëm; beerra man tïm Keenanni na laŋŋø mare.

2 Camiel 18:28

'Ba Akimaath acwötö ni kööe jï nyeya, «Wui nyeya, jammi bëët beyø.» Køøre cøŋŋe akëël piny ni kuul wïïe piny nyïm nyeya ni määtha gø. Køøre Akimaath aköö, «Pwøc en jï Wuuö Jwøk, Jwøk marï, na cïp nyimännï cerï, jøøa gëëmö ki ïïni, ï na nyeya.»

2 Luup Nyeye 31:12

Køøre geni muuce moøgøøni ki paac wïth jammi ki jammi moa näk ocïp kur keerge na mo Jwøk akïthge yïth uudi moøgø ki tïïc ma kare. Ni ö Könaniya nyïï tuuŋ Libay ni cïbi bäät jammi moøgø na ŋat raŋ ge; 'ba coki ma Cimiy beeye ŋata caath køøre.

Neemiya 10:37

«Øøni thuwø, muk beel 'moø moa nyärö, ki muuce mo thwöth beel moø, ki nyïïjenni ma teeŋi mo wø kwøŋ ciek, ki kwøk nyïïomøki moa nyärö, ki maaw man wø kwøŋ wel, cïbø cïbö jï dïlämme yi øt kän mar Øt Jwøk marø, ni cïbø paac wïth jammi 'moø mo wø joodø yi ŋöömö marø jï jø tuuŋ Libay, kiper beeye jø tuuŋ Libay ni wø jwäk paac wïth jammi yïth mïëri bëët moa en jø puuri yïthge.

Neemiya 13:12

Ni ö jø Juuda bëët ni känge ki beel mo wø cïp na paac wïth jammi, ki kwøk nyïïomøki moa nyärö, ki maaw, ni kälge geni yïth uut kän.

Dut Pwøc 144:1

Bwøth Wøk 18:10

Køøre Jëthrö aköö, ni «Pwøc en jï Wuuö Jwøk na køny uuni ceŋ jø Ijep ki cer Peerø. Bee eni na køny jø Icriel ceŋ jø Ijep.

Amøc 4:4

«U na jø Icriel, cou kar lam maru Bëthël ni putu luumma dhal, ni pööthu Gëlgela thuwø nou meeta adhala maru. Wäro tïme na amöölla cooth, olämme mou wär kïthu kar lam jaak, ni cïpu paac wïth jammi mou ki køør nïne adäk cooth thuwø.

Milkiya 3:10

'Ba beeye aani na Wuuö Jwøk, a na wïth jammi bëët, ni cäänö en. Ennø, kälu paac wïth jammi na karge ni kïthu gø kar kan na en yi øt lam mara, kiper nee tïme ni da cam yi øda kaace. Tïïyu gïn nou päänynya aani; køøre ojootu ni maal yaa jabø ni wëëga gwïëth mo päl døc ööny bäätu, këël mano rømu ki gø.

Milkiya 3:8

«?Aŋø, løny jï dhaanhø ki man møt Jwøk? 'Ba uuni aana møtu. «'Ba uuna köö, ni ‹?Ï ewa mødø nidïï?› «Møt mana mudu ki gø beeye mana käru cïpö ki paac wïth jammi ki muuce.

Kwään Jiy 28:26

«'Ba dïcäŋo tïïyu Ajwöma Man Wø Wøør Køør Juu Abïriiø, kany wø cïpu yie ki muuy mar beel mar caammi moa nyärö jïra, a na Wuuö Jwøk, u doo jïtö ka acooŋa mo ena kur keere, nou ba doo tïïö ki tïïc mo teek.

Luk 18:12

Kiper a wø wödö ki kwöre ariiø ki yi jwøk, naa cïpö ki paac wïth jammi na jëëthe røk gïï wø jooda bëët.›

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,

Tiet Ciik 12:17

'Ba gïïa no omänö ki man cammu ge yïth mïëri mou beege caammi mou moa dou cïbö na paac wïth jammi ki mo kwøk nyïïomøki mou, ki mo mädhi mou, wala kaai mo dhäk ki mo dïëk mou, wala olämme mou mo wø cïp ki køør kööŋ, wala muuce mou ma teeŋi mo wø cïp ki met ec jaak.

Tiet Ciik 14:23

'Ba gïïögø dou camø nyïm Wuuö Jwøk na näk Jwøu kanyo jiere noo caa ri nyeŋŋe. Ni gïïo cammu beege paac wïth jammi mou, ni beege mo beel, ki mo kwøk nyïïomøki, ki mo mädhi mou; ki kaai mo dhäk mou ki mo dïëk mou, kiper nou kwänynyu ki man lwäärru Wuuö Jwøk na näk Jwøu cooth.

Tiet Ciik 14:28

«'Ba kany wø tïme na aŋuun dää cwiiri cooth, paac wïth jammi bëët moo joot ki yi cwiinøgø wär käli, ni cïbi kwör kän na en yïth päänye mou.

Jøcua 10:42

Ni ö Jøcua ni put nyeye moøgø bëët ki mïëri moge mac yie aciel, kiper Wuuö Jwøk na näk Jwø Icriel beeye eni na këëdö kiper jø Icriel.