Wïlöölö 13:8 - Wëël Jwøk

⁸ Ni kö Abrammi jï Løøt, ni «Beerra man bëëdø ni bäŋ män yïthakiyø ki ïïni, wala yïthakic jø kwaath 'moa ki jø kwaath moï, kiper øøna tuuŋ.

Wïlöölö 13:8 Iomraidhean Croise

Wïlöölö 13:9

?Aŋø, piny ba nëëni jïrï ni laac jaak ice? Beerra man paanyï riï buuta; ni näk miï jiera bäät caam, a cøøa bäät cwïïc. Ni näk miï jiera bäät cwïïc, a cøøa bäät caam.»

Wïlöölö 14:14

'Ba kanya wïnynyi Abrammi ni o coki amak ri leny, jiye ma dïpe adäk ka apaar ka abära moa nywøl paare na näk opwönynyö abwødhe kiper leny; ni aacge ni ge määnyö këël mana këëtge Daan.

Wïlöölö 45:24

Køøre eni uutwänni awëëk wääth ni aacge. 'Ba na aacge, ena köö jïge, «Käru pïëmö øtjöö.»

Wïlöölö 46:34

wäru kööu, ni ‹Tïïc mar laagï beeye kwaac lääc paac ki mana kälge thïnhö këël kawaane; ni beeye tïïc mana ŋäcwa, këël kwäcwa thuwø.› Kiper ni näk luummögø caannu caannø, løny jïïu ki man bëëdu ŋööm Göcën. Kiper tïï dïkwääy beeye gïn mo raac døc ki baŋ jø Ijep.»

Dut Pwøc 133:1

Bwøth Wøk 2:13

'Ba na tïme na riet nïne ena cäŋ laŋ wøk, ni joot jø Ibaru ariiø ni ge këëdö keerge; ni kööe jï ŋata no obääyö, na «?Aŋø ni gøøyï wadu en?»

Pwöc Leec Wïc 15:1

Løk luubö mëëth ni beer wëër wø di paanyø, 'ba luup mo leth wø dhäya wëër.

Pwöc Leec Wïc 15:18

Ŋat wëëye, pïëm wø di tääö, 'ba ŋat mo ba laar wëër wø mäna pïëm.

Pwöc Leec Wïc 20:3

Beeye gïn mo duua wödö jï dhaanhø ki man døøc kare mo bäär ki pïëm, 'ba ŋat mo wïïe känni, cwïnye wø piew ki wëër.

Mathiew 5:9

«Gwïëth en bäät jø wø tïïc bëët-mëër, kiper geno cwøl ni nyïï Jwøk.

Moa Tïïc Nyïïatwieli 7:26

'Ba na tïme na aruunnø man, jø Icriel ariiø acwäne ni ge wëër, ni thääk ge ni manynya man dwal geni, ni kööe, ‹Nyie jaay, uuna nyïïmëëe. ?Aŋø ni raanynyu røgu keeru en?›

Wëëlö Mana Göör Pøølli Baŋ Jø Röm 12:10

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

Pilipay 2:14

Tïïyu jammi bëët nou ba dwaalli ni bäŋ pïëm,

1 Thecalönika 4:9

'Ba kiper mëër man mëërru ki nyïïmëëe, u ba many ŋat göön baŋu kipere, kiper u ki dëëtu, uuna pwöny Jwøki ki man mëërru ki røgu.

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.

Ibaru 13:1

Bëëdu nou mëër ki dëëtu ki mëëc nyïïmëëe.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 2:17

Wøørru jiy bëët. Ni mëërru ki nyïïmëëe. Lwäärru Jwøk. Ni wøørru nyeya mana dwøŋ.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

1 Piter 4:8

'Ba dï japøgø bëët, ŋäyu mëër man mëërru ki røgu cooth, kiper mëër beeye wø gëëŋ raay mo thööth.

2 Piter 1:7

ni kuurru bëët jöör Jwøk ki mëëc nyïïmëëe, ni kuurru mëëc nyïïmëëe ki mëër.

1 Jøøn 4:7

Omëëya, beerra man mëërø ki røgø, kiper mëër a mar Jwøk. Ni ŋat wø mëër nywøla Jwøki ni ŋäc Jwøk.

Pïëmme 9:26

Kanyøgønø, Gäl wär Ebet aöö ki tuuŋge ni pïïcge Cekam; ni ö jø Cekammi ni putge ŋäädhe marge kïth bäät Gäl.