Wïlöölö 13:2 - Wëël Jwøk

² Kar kaace Abram ena dhaanhø mo okwär døc, ni jïre da lääc paac mo thööth ki warkey mo päl.

Wïlöölö 13:2 Iomraidhean Croise

Wïlöölö 12:16

Ni ö Peerø ni tïïe ki gïn mo beer jï Abram kiper nyijøøgø; ni ö Abrammi ni jïte ki dïëk ki dhäk ka arëëni, ki jø tïïc ma mään ki cwøw, ka arëëni ma mädhi ka athïrööle.

Wïlöölö 13:6

'Ba kaace yi ŋöömma pïge piny yie kär rømø kiperge ki lääy moge bëët; kiper gïïa käärge thööth, ni tïme ni ba løny jïge ki man bëëtge na aciel.

Wïlöölö 24:1

'Ba Eeberam atïmö na jaal ni cwiiri moe thööth døc, ni eno gwïëth Wuuö Jwøki ki yïth jammi bëët.

Wïlöölö 24:35

Wuuö Jwøk, kwääya ma Eeberam ee gwïëdhö døc, ni tïme na dhaanhø mo kare dwøŋ, ni mooc gø ki dïëk ki dhäk ki warkey ki jø tïïc ma cwøw ki mään ka athïrööle ka arëëni.

Wïlöölö 26:14

kiper eni jïre da pïïth dïëk ki pïïth dhäk ki jø tïïc mo thööth. 'Ba jø Pilitin cwïnyge ajïtö ki keec ki eni.

Wïlöölö 30:43

Køøre Jeekap aput kwärö døc ni jïte ki dïëk mo thööth døc, ni tïme ni jïre da jø tïïc ma cwøw ki mään, ni jïre da athïrööle ka arëëni.

Jööp 1:10

?Aŋø, paa kiper na bëëde ni eni, ki jø paare, ki jap paare bëët iï koorø jïre? Japa tïïe ki cere bëët iï gwïëdhö jïre, ni put pïïth lääc paaci moe nyaay yi ŋööm paac bäre.

Jööp 1:3

ni jïre da dïëk ma rööm ma kume abïriiø, ka athïrööle ma kume adäk, ki dhää puur ma kuma aciel, ka arëëni ma dïpe abïïc, ki jø tïïc mo thööth døc. 'Ba ena dhaanhø mo kare dwøŋ døc yïthakic jiy bëët moa en jï løø kur tuul-cäŋ.

Pwöc Leec Wïc 10:22

Gwïëth mar Wuuö Jwøk beeye wø duunni ki kwärö, ni kïmmö bäŋ wø meet bääte.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Tiet Ciik 8:18

Patha eni. Ŋata dou cädö kipere beeye Wuuö Jwøk na näk Jwøu, kiper beeye eni ni wø mooc uuni ki teek ki man jïtu ki jap kwärö, kiper nee luumma tuude na kööŋe ki gø jï kwäyu nee nyoodhe jïïu na adïëri, kaawat man bëëde dïcäŋi en.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

1 Camiel 2:7

Wuuö Jwøk beeye wø tïïc dhaanhø ni can, ni beeye wø tïïc dhaanhø no okwär; beeye eni wø tïïc dhaanhø ni bäŋ kare, ni beeye eni thuwø wø tïïc dhaanhø ni kare dwøŋ.