Wïlöölö 13:18 - Wëël Jwøk

¹⁸ Køøre Abram twïër mare adaae ni aae ni bëëde buut jera døøŋŋø mo Mamrë na en Keeprön, ni tïïe ki gïn wø cïp olämme bääte kaace jï Wuuö Jwøk.

Wïlöölö 13:18 Iomraidhean Croise

Wïlöölö 13:4

ni beeye kanya kwøŋ tïïö yie ki gïn wø cïp olämme bääte. Køøre Abram nyeŋ Wuuö Jwøk awøøre kaace.

Wïlöölö 14:13

'Ba ŋat mør mo obøth aöö ni caan gø jï Abram na näk nyï Ibaru. Kar kaaca Abram bëëdö buut jera døøŋŋø mo Mamrë nyï Amör na näk cöök Ëcköl ka Anër. Jøøgø gena dwätö ka Abram ni tïmge ni ge ena løøe.

Wïlöölö 18:1

'Ba Wuuö Jwøk ree anyoodhe jï Eeberam buut jera døøŋŋø mo Mamrë, ni Eeberam opï piny dho oduŋkaara mare kanya tïm cäŋŋi ni ena dhöör.

Wïlöölö 22:9

'Ba na nø pïïcge kanya näk ocaan Jwøki, Eeberam atïïö ki gïn wø cïp olämi bääte kaace, ni peeth jenni na karge, ni twöc wääde ma Aydhak, ni pïël gø bäät gïn wø cïp olämi bääte bäät jenni maal.

Wïlöölö 23:2

Køøre Ceera athøø Kiriat-Arba na näk Keeprön yi ŋööm Keenan; ni ö Eeberammi ni jwøk cïïe ma Ceera ni kïmme kipere.

Wïlöölö 26:25

Køøre Aydhak atïïö ki gïn wø cïp olämme bääte kaace, ni wøør nyeŋ Wuuö Jwøk, ni gur oduŋkaare moe piny kaace; ni ö jø tïïci moe ni kunyge ki iith kaace.

Wïlöölö 35:27

Køøre Jeekap aö baŋ wänni ma Aydhak yi Mamrë yi Kiriat-Arba na näk Keeprön, kanya ö kwari ma Eeberammi ki wänni ma Aydhak na bëëtge yie na wëëlle.

Wïlöölö 37:14

Køøre wänni aköö, «Ciï nø ni neenï uutwäru nee geni dëëtge jööt ki dïëk bëët. Køøre wärï duuï ni caanï gø jïra.» Køøre ena jääŋŋe ki yi gool mar Keeprön, ni ö eni ni ci Cekam.

Wïlöölö 8:20

Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte.

2 Camiel 2:1

'Ba na tïme na køøre cään, Deebit Wuuö Jwøk apëënynye ni kööe, ni «?Cøøa pääny aciel røk päänye mo jø tuuŋ Juuda naa bëëda yie?» Køøre Wuuö Jwøk aköö jïre, ni «Ciï.» 'Ba Deebit acäŋ köö, na «?A cøøa yi mane?» Ni kö Wuuö Jwøki, ni «Ci Keeprön.»

Kwään Jiy 13:22

'Ba gena aay ni ge cøra Nëgëp, ni pïïcge Keeprön, paana bëët nyïïkwaac Anaki yie, ni beege Akimen ki Cëëci ki Thalmay. 'Ba kar kaaca, Keeprön onø geer ni cwiiye abïriiø kanya poode ni paana cwøl ni Dhöän poot kär geerø Ijep.

1 Timöthi 2:8

'Ba mana manynya nø, jiy doo lämö yïth kwörögø bëët, ni dëëtge ege cïp kur keerge, ni thaaŋge ceŋge jï Jwøk ni bäŋ gootø wala wëër.

Ibaru 11:9

Ni beeye ŋäädhe, na ö eni na bëëde yi paana buuk, kaawat man wø bëët wëëllö yi ŋöömö mo path, ni bëëdö yïth oduŋkaare ki Aydhak, ki Jeekap, na näk lwiidhi ki eni ri buuögø na aciel enøgø.

Jøcua 14:13

Kanyøgønø, Jøcua Kalëp o Jöpöni agwïëdhe, ni cïp pääny Keeprön jïgø na ŋöömmo dööŋ jïre na kure.

Jøcua 15:13

'Ba kaawat mana caani ya Wuuö Jwøki jï Jøcua, eni na Jøcua enø, pääny mana cwøl ni Kiriat-Arba acïbe jï Kalëp o Jöpöni na gïno dööŋ na kure yïthakic jø tuuŋ Juuda, ni ö nyeŋ pääny manøgø ni cwøli ni Keeprön. 'Ba ŋata cwøl na Arba, na kwøŋ pääny manøgø caa ree, beeye kwar jø Anak.