Wïlöölö 13:13 - Wëël Jwøk

¹³ 'Ba jø Cødam bëëdö na jø raay mo tïïö ki gïï mo reyø døc nyïm Wuuö Jwøk.

Wïlöölö 13:13 Iomraidhean Croise

Wïlöölö 10:9

Ni tïme na ŋat mo thöör ŋääe døc nyïm Wuuö Jwøk. Kiper manøgø nø, jiy atïmö ni ŋääta ree, ni köge, ni «Ï caala Namrut, ŋata näk dïthöödhi nyïm Wuuö Jwøk.»

Wïlöölö 15:16

'Ba nyïïkwaayï oruu paanøgø këël ŋweer beenhnhe, køøre geno duu kany, kiper raay mo jø Amör poot kär këët kanya manynyi ki man raany ge.»

Wïlöölö 18:20

Ni kö Wuuö Jwøki, ni «Luup ajäla kiper Cødam ki Gømöra atïmö ni thööth døc, ni ö raay moge ni kathge døc.

Wïlöölö 19:13

kiper paac man raanywa raanynyø, kiper luup ajäla moa en bäät jiy moa en yie atïmö ni thööth, ni beeye na ö Wuuö Jwøki ni jääŋ waani en nee raanywa.»

Wïlöölö 38:7

'Ba Er, na näk kany Juuda, ena ŋat raay ki nyïm Wuuö Jwøk; køøre ena wëëk Wuuö Jwøki thøø.

Wïlöölö 39:9

Bäŋ dhaanhø mo dwøŋŋa eni ki aani paare; ni bäŋ gïn mo odööŋ mo käre cïbö jïra, 'ba beeye ï keerï, kiper ïïna cïïe. ?Aŋø na daa tïïc teeŋ raayøgø ni dwøŋ enø, ni bääya dëër Jwøk?»

Wïlöölö 6:11

'Ba kar kanyøgøøni piny atïmö ni päŋ ki raay nyïm Jwøk, ni tïm pinynyi ni päŋ bäre ki gïï mo leth mo wø tïïc jiyi.

2 Nyeye 21:6

Ni waaŋ wääde no olämi, ni tïïe ki wäälli, ki jap adïëda, ni pëëny ajuuk, ki jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.

Mathiew 9:10

'Ba kanya ö Jecu na pï piny kar cam yi øt Mathiew, jiy mo thööth ma jø ajwäk ki jø raay aöö, ni pïge piny buut Jecu ki bääge.

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Jøøn 9:31

Ŋääø ni Jwøk dööt jø raay bäŋ wø wïnynye. 'Ba ni näk da dhaanhø mo wø wøøra Jwøk ni tïïc mana many Jwøki, dwøre wø wïny Jwøki wïnynyö.

Wëëlö Mana Göör Pøølli Baŋ Jø Röm 1:27

Ni ö cwøwi thuwø ni wecge bëëtö mana dege bëëdö ki gø ki mään, ni tïm cwïnyge no onieŋ ki man døø ŋati man nø dëër watge maya. Ni tïmge ni ge tïïö ki gïï laac wïc ki cwøw møga. Ni jïtge ki gïï mo leth ki dëëtge ni beeye ajäla mana näk orømø ki gïïa baacge.

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

2 Piter 2:10

Ni kadha jø wø rïïŋi køør gïïa reyø ni wø nieŋ cwïnynyi køørge røk, ni wø taak teek Jwøk. 'Ba kiper na bäŋe gïn mo wøørge ni cwïnyge teek, ge ba lwäär ki man janyge moa jïge da ajiem maalø.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

1 Camiel 15:18

ni ö Wuuö Jwøki ni jääŋ ïïni ni kööe, ni ‹Ci baŋ jø Amalëk na tïïc gïna raac, ni dïïrï wïthge na bäre bäre, ni këëdï ki geni këël mano thöörï geni.›

1 Camiel 2:17

Kanyøgønø bääyö mar jagøgø na dïlämme yøø aput tïmö ni dwøŋ døc nyïm Wuuö Jwøk, kiper geni olämme mo Wuuö Jwøk ataakge.