Wïlöölö 13:10 - Wëël Jwøk

¹⁰ Kanyøgø Løøt wïïe atïŋ maal ni raŋ gool mar Jördan, no ojwøc pïïyi bäre, ni poot caala ajïniina mar Wuuö Jwøk, ni caala ŋööm Ijep mana en buut Dhöär, ni manøgø beeye kanya poode ni Wuuö Jwøk Cødam ki Gømöra poot käre raanynyø.

Wïlöölö 13:10 Iomraidhean Croise

Wïlöölö 11:27

'Ba man beeye luum nyïïkwaac Teera. Teera anyöötö ni nywøl wääte na näk Abram ki Neeyör ka Aaren; ni ö Aarenni ni nywøl wääde ma Løøt.

Wïlöölö 13:11

Køøre Løøt gool mar Jördan bäre ajiere jïre; ni put Løøti tägö ki wääth ni cøøa jï løø kur tuul-cäŋ. Ni put tïmö ni beeye keethø marge.

Wïlöölö 13:9

?Aŋø, piny ba nëëni jïrï ni laac jaak ice? Beerra man paanyï riï buuta; ni näk miï jiera bäät caam, a cøøa bäät cwïïc. Ni näk miï jiera bäät cwïïc, a cøøa bäät caam.»

Wïlöölö 14:2

Nyeye moøgø aci baŋ leny ki Bera nyeny Cødam, ki Birca nyeny Gømöra, ki Cenaap nyeny Adama, ki Cëmëber nyeny Dheböym ki nyeny Bëla paana cwøl ni Dhöär.

Wïlöölö 14:8

Kanyøgøøni nyeny Cødam, ki nyeny Gømöra, ki nyeny Adama, ki nyeny Dheböym, ki nyeny Bëla na näk Dhöär, gena ö wøk ni jiiŋge dëëtge kiper leny yi gool mar Cidim;

Wïlöölö 3:6

'Ba kanya ö dhaage na neen jaath na gïn mo orømø ki cam, ni nëëni na gïn mo mïërö ki nyeŋŋe, na jaath mo beer mo døøya waŋ dhaanhø mo riek, ena lwötö ri nyi gø ni cam gø, ni mëëk mør cwøre thuwø; ni ö cwøre ni cam gø.

Wïlöölö 47:6

Ŋööm Ijep ena cerï; mooc wäru ki uutwäru ki coku ki ŋöömö mo beer døc. Beerra man ö geni ni bëëtge yi ŋööm Göcën. 'Ba ni näk da jiy dïge mo ŋäyï mo nyeŋge reegø ki tïïc, geni wär tïïyï na jiy mo lääc paac 'moa bëët ena ceŋge.»

Wïlöölö 6:2

jiy moa näk wäät Jwøk, nyïï jiy møga ajootge ni mïërö, ni ö ŋati man nø ni lwør mana jiere jaak, ni nywømge dëëtge.

1 Nyeye 7:46

'Ba Cølöman japøgø bëët atïïe nee tïïc ni thiia yïth odhöönhe mo yïthge okølø yi Goor Jördan yïthakic Cuköt ki Carthan.

Jööp 40:23

'Ba kany wø pänh naammi ki bääte, eni ba lwäyi; eni bëëdö kare ni bäŋ gïn lääŋŋe, këël na bëët Naam Jördanni ni kwöta dhi gø.

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Jeremaya 48:34

«Jø wø bëëdö Ëcbön ki jø wø bëëdö Eliyali ge göö ko oduuru ni döötge ena maal døc këël mano wïnye Jäc, ni täge ki Dhöär këël mano pïïe Örönaim ki Ëglat-Celicia, kiper pïï moa en yi waŋ Nimrim otal.

Edhikiel 16:46

Coku mana dwøŋ na näk dhaagø beeye Cameria, ni beeye ni wø bëëdö ki nyïïe jï løø wï-piny ki ïïni; ni coku mana thiinh beeye Cødam, ni beeye ni wø bëëdö ki nyïïe jï løø tier-piny ki ïïni.

Edhikiel 16:49

« ‹'Ba raay mo coku ma Cødam bee en: Eni ki nyïïe ge töödö kiper jïge da cam mo päl ni ge ena yi bëët jwöm; 'ba jiy moa can na näk bäŋ gïrpiny ceŋge ba kønyge.

Edhikiel 28:13

Ïïna bëëdö yi Ëden, ni bee ya ajïniina mar Jwøk, ni bëëdï ni ïïno ŋwaŋŋø ki nyeŋ kïte ma teeŋi mo mïërö, ni beege mo kwaar kaamar dha adhieŋ, ki mo piilli kaamar warkey, ki mo mar, ki mo caala okwëër, ki mo ŋwaŋŋi, ki mo tøŋ kede wïlli, ki mo ränni, ki mo caala kït dïmuuy, ki mo caala keenh-orwëëdhö. 'Ba nyeŋ kïte moøgø, gïï wø maai piny ki ge bëëdö no otïïö ki warkey, ni ge jiiŋŋi ka dïcäŋa cwääc ïïni.

Edhikiel 31:8

'Ba këël jenni moa perge leth na en ya ajïniina mar Jwøk ba pääri ki eni, ni bäŋ jaath mo mïërö mo bäädi moe rööma bäädi mo gø; ni mïërö mare bäŋ jaath mo röömge ki gø ya ajïniina mar Jwøk.

Edhikiel 31:9

Ena tïïa ni mïërö ni bääte okar ni thööth, ni ö jenni bëët moa en Ëden, ni beeye ajïniina mar Jwøk, ni këëcge kipere.›

Edhikiel 47:18

«'Ba waŋ keew mar ŋöömö manøgø ki jï løø kur tuul-cäŋ cøra yïthakic Awran ki Damacka, ni put døø ki yi naam Jördan yïthakic Gelät ki ŋööm Icriel, këël mano këët bäät Naam Acäbö, ni pïïe Tamar. Manøgø beeye keew mare ki jï løø kur tuul-cäŋ.

Jool 2:3

Maac bwödhö nyïmge ni räänyö, ni maac caatha køørge ni wääŋö. Kanyo poode dïkwøŋ, ŋöömö bëëdö ni caala ajïniina mana en Ëden nyïmge, 'ba kanyo tïme na køørge, ŋöömö ränynyö ni tïme na kaŋ, ni bäŋ gïn mo obøth dhøkge na bäre bäre.

Tiet Ciik 34:3

Ni nyooth ŋöömma cwøl ni Nëgëp ki pwölla en yi goor Jerikö, päänya näk yie da twöe, këël mana këët Dhöär.