Wïlöölö 12:7 - Wëël Jwøk

⁷ Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 12:7 Iomraidhean Croise

Wïlöölö 12:8

Køøre ena tïŋŋö ki kaace ni cøøa ri kïdi mana en Bëthël, na en jï løø kur tuul-cäŋ. Ni gur oduŋkaara mare piny, ni Bëthël ee wii jï løø kur pänh-cäŋ, ni Gaay ee wii jï løø kur tuul-cäŋ. Køøre ena tïïö ki gïn wø cïp olämme bääte kaace jï Wuuö Jwøk, ni wøør nyeŋ Wuuö Jwøk.

Wïlöölö 13:15

kiper ŋøøpo nëëni jïrï bëët yøø ocïba jïrï na bäre bäre këël nyïïkwaayï mo ööi køørï.

Wïlöölö 13:17

Ö maal, ni caathï dï ŋöömmögø bäre; kiper cïba cïbö jïrï.»

Wïlöölö 13:18

Køøre Abram twïër mare adaae ni aae ni bëëde buut jera døøŋŋø mo Mamrë na en Keeprön, ni tïïe ki gïn wø cïp olämme bääte kaace jï Wuuö Jwøk.

Wïlöölö 13:4

ni beeye kanya kwøŋ tïïö yie ki gïn wø cïp olämme bääte. Køøre Abram nyeŋ Wuuö Jwøk awøøre kaace.

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 17:3

Køøre Abram dëëre aleeŋ piny, ni cään Jwøki ki gø ni kööe,

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 18:1

'Ba Wuuö Jwøk ree anyoodhe jï Eeberam buut jera døøŋŋø mo Mamrë, ni Eeberam opï piny dho oduŋkaara mare kanya tïm cäŋŋi ni ena dhöör.

Wïlöölö 22:9

'Ba na nø pïïcge kanya näk ocaan Jwøki, Eeberam atïïö ki gïn wø cïp olämi bääte kaace, ni peeth jenni na karge, ni twöc wääde ma Aydhak, ni pïël gø bäät gïn wø cïp olämi bääte bäät jenni maal.

Wïlöölö 24:7

Wuuö Jwøk, Jwø maal, ŋata käl aani wøk ki po wära yïth ŋøøpa nywøl aani yie, na cäänö na buŋ aani na köö, ni ‹Ŋöömö man omëëga nyïïkwaayï,› eni ki dëëre nyïïatwiel maal mare jääŋŋe jääŋŋö nyïmï, ni ö ïïni ni jïtï ki dhaagø jï wääda kaace.

Wïlöölö 26:25

Køøre Aydhak atïïö ki gïn wø cïp olämme bääte kaace, ni wøør nyeŋ Wuuö Jwøk, ni gur oduŋkaare moe piny kaace; ni ö jø tïïci moe ni kunyge ki iith kaace.

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 28:4

Ni ö Jwøki ni cïp gwïëth mana gwïëth Eeberam ki gø jïrï ki nyïïkwaayï bëët, kiper nee ŋöömmo bëëdï yie ni ïïna wëëllö enø nee lwørï na marï, ni beeye ŋöömma cïp Jwøki jï Eeberam.»

Wïlöölö 32:30

Køøre Jeekap nyeŋ kaace acaae ni Peniël, kiper ena köö, ni «Aani Jwøk ki dëëre møn ajooda, 'ba jwïëya apiem.»

Wïlöölö 33:20

Køøre ena put tïïö ki gïn wø cïp olämme bääte kaace, ni cwøl gø ni El-Elöy-Icriel.

Wïlöölö 35:12

Ŋöömma cïba jï kwaru ma Eeberam ki wäru ma Aydhak, cïba cïbö jïrï; ni cïba gø jï nyïïkwaayï mo ööi køørï.»

Wïlöölö 35:7

Ni ö Jeekapi ni tïïe ki gïn wø cïp olämme bääte kaace, ni cwøl nyeŋ kaace ni El-Bëthël, kiper kaace beeye kanya ö Jwøki na nyooth ree jïgø kanya reeŋe ni ŋwieya coki.

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

Wïlöölö 8:20

Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte.

2 Camiel 24:25

Kanyøgønø, Deebit aput tïïö jï Wuuö Jwøk kaace ki gïn wø cïp olämme bääte, ni put cïpö ko olämme mo wø waaŋ bäre, ko olämme mo wø duunni ki mëër. Køøre nø, Wuuö Jwøk lam mar Deebit, mana läme ki gø kiper paac, aløøe, ni ö täwa leth na tägö bäät jø Icriel ki køør ajäl Jwøk ni put cuŋŋö.

1 Nyeye 18:32

Ni ö eni ni tïïc gïn wø cïp olämme bääte ki kïte moøgø ki nyeŋ Wuuö Jwøk, ni kunye ki øøl mo deŋ gïn wø cïp olämme bääte ee wïrö ki gø, mo løny ki man røm köödhi ma yïth opïri ariiø yie.

1 Luup Nyeye 16:16

ni beeye luumma tuude ki Eeberam, na kööŋe kiper gø jï Aydhak,

1 Luup Nyeye 16:18

ni kööe, ni «Ŋööm Keenan omëëga ïïni, ni tïme na kur nyïïkwaayu.»

2 Luup Nyeye 20:11

'Ba ennø, raŋ gïn cäŋge tïïyö dëëtwa en ki man öge nee wa kälge wøk yi ŋöömö marï mana cïpï jïwa na marwa.

2 Luup Nyeye 20:7

Wui, ï na Jwøk marwa, ?aŋø, patha ï na riem jiy wøk moa bëëdö yi ŋöömö man nyïm jiyï ma jø Icriel, ni cïpï ŋöömö man jï nyïïkwaac Eeberam na näk nyawadu, nee bëëde na marge na bäre bäre?

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Bwøth Wøk 17:15

Ni ö Modhe ni tïïe ki gïn wø cïp olämme bääte, ni cwøl nyeŋ gø ni «Wuuö Jwøk beeye bëëra mara».

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Bwøth Wøk 33:1

Køøre Wuuö Jwøk acäänö ki Modhe, ni kööe, ni «Aayu kany, ni beeye ïïni ki jøøgø na kälï wøk ki yi ŋööm Ijep yøø; ni cou yi ŋöömma kööŋa kipere jï Eeberam, ki Aydhak, ki Jeekap, na kööa, ni ‹Ŋöömö manøgø cïba cïbö jï nyïïkwaayu.›

Bwøth Wøk 6:3

aani dëëra anyoodha jï Eeberam ki Aydhak ki Jeekap ni aana Jwøa en teeki jïre. 'Ba ki man näk mo nyeŋŋa Wuuö Jwøk kära nyoodhø jïge ki man ŋäcge gø.

Bwøth Wøk 6:4

Aani thuwø luubö mara mana tuuda ki geni atïïa nee bëëde, ni beeye ki man cïba ŋööm Keenan jïge, na näk ŋöömma bëëtge yie ni gena wëëlle mo path.

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Kwään Jiy 26:53

ni «Ŋøøm opääŋŋï jï jøøi ki køør kwäänge na ŋøøpo dööŋ jïge.

Kwään Jiy 32:11

ni ‹Ka adïëri møn, røk jøøa ö wøk ki Ijep, moa näk cwiicge pïërariiø këël mo kaala pïërariiø, bäŋ dhaanhø aciel dïge mo joot ŋöömma buua jï Eeberam ki Aydhak ki Jeekap, kiper køøra kärge caadhø ki cwïnyge bäre;

Moa Tïïc Nyïïatwieli 7:5

'Ba eni poot kär mooc Jwøki ki ŋøøm, këël nyi kany mo thiinh mo caala kar tier dhaanhø. 'Ba ena buŋ Jwøki ni eni di mooø ki ŋøøm ma moe ki nyïïkwaaye moo ööi køøre, këël na bëëde ni bäŋ nyilaal jïre.

Wëëlö Mana Göör Pøølli Baŋ Jø Röm 9:8

'Ba manøgø nyootha gø ni patha nyïëdi mo wø nywöli ki ec jaak noo tïmö na nyïï Jwøk, 'ba beege nyïëdi mo wø nywöli ki køør buuk ni wø jïëc ni gena nyïïkwaaye.

Galeecia 3:16

'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

Galeecia 4:28

'Ba kawaane, nyïïmera, uuni, u caala Aydhak, ni uuna nyïï buuk.

Tiet Ciik 1:8

Neennu, ŋöömmögø anø cïba jïïu; cou yie ni lwørru gø, ni tïme na maru, ni beeye ŋöömma kööŋa kipere, a na Wuuö Jwøk, kiper nee cïba jï kwäyu, ni beege Eeberam ki Aydhak ki Jeekap, këël nyïïkwaacge moo lämmi køørge.› »

Tiet Ciik 30:20

'Ba gïna dou tïïö kiree beeye ki man mëërru ki Wuuö Jwøk na näk Jwøu, ni leŋŋu dwøre, ni göögu ree, kiper beeye gïno jïtu ki kwøw ki køøre, noo døøc nïr kwøw mou mo thööth, kiper nou bëëdu yi ŋöömma kööŋ Wuuö Jwøki kipere ni cïbe cïbö jï kwäyu, ni beege Eeberam ki Aydhak ki Jeekap.»

Tiet Ciik 34:4

Køøre Wuuö Jwøk aköö jï Modhe, ni «Manøgø beeye ŋöömö mana kööŋa kipere jï Eeberam ki Aydhak ki Jeekap na kööa ni cïba cïbö jï nyïïkwaacge. Ennø, ŋöömö manøgø ïïna wëëga neen gø nee jootï ki waŋï; 'ba ba løny jïrï ki man ciï kaace.»

Tiet Ciik 6:10

«'Ba yi nyïme Wuuö Jwøk na näk Jwøu uuno kïth yi ŋöömma kööŋe kipere jï kwäyu ma Eeberam ki Aydhak ki Jeekap, kiper nee mëëk uuni, ni beeye ŋöömö mo yie da päänye mo døøŋŋø mo beyø mo ba geera uuni;

Tiet Ciik 9:5

Ka adïëri møn, paa kiper beer maru wala thïïŋ cwïny maru noo cou yi ŋööm jøøgø nee lwørru na maru, 'ba beeye kiper rääö mar jøøgø no ö Wuuö Jwøki na näk Jwøu noo riem geni wøk nyïmmu, kiper nee kööŋ mana kööŋe ki gø jï kwäyu, ni beege Eeberam ki Aydhak ki Jeekap, nee nyoodhe jïïu na adïëri.

Ibaru 11:13

'Ba jøøi bëët ii, gena thøø yïth ŋäädhe, ni gïna buuk kär ci jïge, 'ba aneenge ni kare bäär ni mïn yïthge ki gø, ni ege jïëö ni gena jiy mo path mo bäŋ poge bäät piny.

Ibaru 11:8

Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.

Jøcua 1:6

«Mak riï ni bëëdï niï teek, kiper ïïni, jøøi ii otïïyï nee ŋöömö mana kööŋa kipere jï kwäcge ni wëëga geni na marge nee ci jïge.

Jøcua 22:10

'Ba kanya ö jø tuuŋ Ruben, ki jø tuuŋ Gaat, ki thääŋ tuuŋ Maneeca na pïïcge bäät Naam Jördan løøa en yi ŋööm Keenan, gena put tïïö ki gïn wø cïp olämme bääte mo dwøŋ mo nëëni ni mïërö buut Naam Jördan kaace.

Jøcua 8:30

Køøre Jøcua atïïö ki gïn wø cïp olämme bääte jï Wuuö Jwøk na näk Jwø Icriel, ni tïïe bäät kïnna cwøl ni Gëëbal;

Pïëmme 6:24

Køøre Gidien aput tïïö ki gïn wø cïp olämme bääte jï Wuuö Jwøk kaace, ni cak nyeŋ gø, ni «Wuuö Jwøk beeye wø käl bëët-mëër.» 'Ba gïn wø cïp olämme bääte manøgø poot nut këël dïcäŋi en paana cwøl ni Opara na näk mar jøøa käl dhi øt Abiedhar.

1 Camiel 7:17

Køøre eni wø duua Reema, kiper paare ena kaace; ni eni bëëdö ni ŋøla luup jø Icriel kaace. 'Ba ena tïïö ki gïn wø cïp olämme bääte jï Wuuö Jwøk Reema kaace.