Wïlöölö 12:4 - Wëël Jwøk

⁴ Køøre Abram atïŋŋö kaawat mana caani ya Wuuö Jwøki jïre. Ni ö Løøti thuwø ni aae ki eni. 'Ba kanya tïŋ Abrammi ki yi Aaren, cwiiri moe kar kaaca beege cwiiri ma pïërabïriiø kurbïïc.

Wïlöölö 12:4 Iomraidhean Croise

Wïlöölö 11:27

'Ba man beeye luum nyïïkwaac Teera. Teera anyöötö ni nywøl wääte na näk Abram ki Neeyör ka Aaren; ni ö Aarenni ni nywøl wääde ma Løøt.

Wïlöölö 11:31

Køøre Teera wääde ma Abram ki nyïïkwaare ma Løøt wär Aaren ki cï nyaare ma Caray na näk cï wääde ma Abram alwøre, ni tïŋge na aciel bëët ki yi Ur po jø Kaldia, ni ge cøøa ŋööm Keenan. 'Ba na pïïcge paana cwøl na Aaren, gena put bëëte kaace.

Wïlöölö 13:5

'Ba Løøt na aay ka Abram bëët, jïre da pïïth dïëk ki pïïth dhäk ko oduŋkaare thuwø.

Wïlöölö 16:16

Kar kanya ö Abrammi na joot wääde ma Icmiel na lwaar Eegarri ki gø, Abram cwiiye oløny na pïërabära ka abïciel.

Wïlöölö 16:3

Ni ö Caray cï Abram ni lwør Eegar nyi jø Ijep na näk laŋŋø mare, ni cïp gø jï cwøre ma Abram nee tïme na cïïe. Ni gïnögø tägi ka køør cwiiri apaar moa beet Abrammi yi ŋööm Keenan.

Wïlöölö 25:7

'Ba cwiiri bëët moa beet Eeberammi beege cwiiri ma dïpa ki pïërabïriiø kurbïïc.

Wïlöölö 28:10

'Ba Jeekap atïŋŋö Bëërcïïba ni cøøa Aaren.

Moa Tïïc Nyïïatwieli 7:4

Kanyøgø ena put daa ni wec po jø Kaldia, ni daa yi Aaren. 'Ba køør thøw wänni, ena daak Jwøki kaace ni käl gø paani ni bëëdu yie ennø.

Ibaru 11:8

Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.

Ibaru 6:15

Ni beeye na ci buuki jïre, kiper mana bëëde ni cwïnye ee cïp piny.