Wïlöölö 12:2 - Wëël Jwøk

² «Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 12:2 Iomraidhean Croise

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 17:20

'Ba luubö mana caanï kiper Icmiel awïnynya; ennø, eno gwïëdha, ni tïïa gø nee känne ki nyïëdi mo thööth, ni wëëga eni nyaay døc. Eno tïmö na wää kwääri apaar kurriiø, ni tïïa eni na wï jur mo dwøŋ døc.

Wïlöölö 18:18

Kiper ka adïëri møn Eeberam tïmö na wï jur mo dwøŋ mo teek, ni bee eni no gwïëth wïth juurre mo bäät piny bëët ki køøre.

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Wïlöölö 19:29

'Ba kanya ö Jwøki na raany päänye moøge ki gøli moge, eni wïïe kär wïl ki Eeberam, ni käl Løøt wøk ki yi paana raanynyi na bëëde yie, ni raany gø ni Løøt tøør yie.

Wïlöölö 24:1

'Ba Eeberam atïmö na jaal ni cwiiri moe thööth døc, ni eno gwïëth Wuuö Jwøki ki yïth jammi bëët.

Wïlöölö 24:35

Wuuö Jwøk, kwääya ma Eeberam ee gwïëdhö døc, ni tïme na dhaanhø mo kare dwøŋ, ni mooc gø ki dïëk ki dhäk ki warkey ki jø tïïc ma cwøw ki mään ka athïrööle ka arëëni.

Wïlöölö 25:11

'Ba køør thøw Eeberam, Jwøk Aydhak wär Eeberam agwïëdhe; ni ö Aydhaki ni bëëde buut iith mana cwøl ni Laay-Röi.

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Wïlöölö 26:4

Ni tïïa nyïïkwaayï nee nyaacge ni caala ceer mo maal, ni wëëga ŋöömö man bäre en geni; ni ö wïth juurre mo bäät piny bëët ni gwïëdhi ki køørge.

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

Wïlöölö 35:11

Ni cäŋ Jwøki köö jï Jeekap, ni «Aana Jwøa en teeki jïre; nyöödï ni nyaayï piny, ni ö wï jur na näk lwaa wï jur ni tïme ni käla riï, ni ö nyeye ni öge wøk ki dëërï.

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

2 Camiel 7:9

'Ba aana bëëdö ki ïïni ki yïth kwöra caathï bëët ni dïïra wïth nyïïmän moï nyïmï; 'ba nyeŋŋï poot tïïa tïïö nee wïnye, ni caala nyeŋ jiy moa no owïnyö døc bäät piny.

1 Nyeye 1:47

Køøre thuwø, jø kööre mo nyeya gena ö kuna gwïëthge nyeya marø ma Deebit ni ge köö, ni ‹Beerra man ö Jwøki marï ni tïïc nyeŋ Cølöman nee wïnye ni kaala wïny nyeŋ marï, ni ö nyec mare ni tïme ni dwøŋ ni kaala nyec marï.› Køøre nyeya cøŋŋe akëël piny bäät pëëm mare ni pwøya Jwøk.

Jööp 35:8

Rääö marï guta jiy mo caala ïïni, ni ö bëënynyö marï ni gut teeŋ jøøgø thuwø.

Bwøth Wøk 1:7

'Ba nyïïkwaac Icriel gena nyöödö ni meetge rege ni thööth, ni nyaacge, ni tïmge ni teek døc; ni ö paaci bäre ni pääŋe ki geni.

Bwøth Wøk 32:10

'Ba ennø, wec aani, nee wëër mara jääŋŋa bäätge, nee ge raanynya; 'ba ïïni, ïïno tïïa na wï jur mo päl.»

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Edhikiel 34:26

Aani, ge gwïëdha gwïëdhö, ni bee geni ki kwör bëëte moa en deŋ thuur mara. Aani køth jääŋŋa jääŋŋö yi ŋöömö marge ki kanya näk kare, ni tïm køthi manøgø ni beeye mar gwïëth.

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Dhekaraya 8:13

Wui, u na jø Juuda ki jø Icriel, kaa mana bëëdu ni uuno cienø dï wïth juurre, u piema piemø ni tïmu ni uuna jiy mo ogwïëdhö. Käru lwäyö; beerra man magu dëëtu ki tïïc.»

Kwään Jiy 14:12

'Ba ennø, ge raanynya raanynyø ki täw mo leth, ni døøya ïïni wï paac mo dwøŋ mo teeka eni døc ki geni.»

Kwään Jiy 22:12

'Ba Jwøk aköö jï Beelam, ni «Kärï aay ki geni, ni kär niï ciena jøøgø, kiper gena jiy mo ogwïëdhö.»

Kwään Jiy 23:20

Ennø, ciik acïp jïra nee jø Icriel gwïëdha; ni gena nø gwïëth Jwøki, ni ba løny jïra ki man wiila gø këët.

Wëëlö Mana Göör Pøølli Baŋ Jø Röm 4:11

Ena daŋ na ŋïï wala nyuudhi mar bëënynyö mana joode ki køør ŋäädhe kanya poode ni kär daŋø. Ni gïnögø tïïc kaper nee tïme na kwar jø wø jïëy ni ŋääthge bëët ni ge patha odaŋø, kiper nee ge jïëc Jwøki ni marge beer na enøgønø.

Galeecia 3:14

Ni beeye kiper nee gwïëth mana kwøŋ Eeberam gwïëth ki gø nee tïme ni ena bäät juurre ki ri Krictø Jecu, kiper nee Jwïëc Jwøk mana kwøŋ buuk nee joodø ki ri ŋäädhe.

Galeecia 3:7

?Käru joodø? Jø wø näk jø ŋäädhe beege na wäät Eeberam.

Tiet Ciik 26:5

Ni caan mare nyïm Wuuö Jwøk na näk Jwøu, ni kööe, ni ‹Kwara beeye ŋat Aram mo oööl mo manynya thøø, ni aa Ijep ni bëëde yie na jur ma wëëllö, ni ge nøk. 'Ba gena tïmö na wï jur mo dwøŋ, ni tïmge ni teek kaace, ni kwäänge thööth.