Wïlöölö 12:18 - Wëël Jwøk

¹⁸ Køøre Peerø Abram acwøle, ni kööe, na «?Agïnaŋø na tïïyï dëëra en? ?Aperŋø na ba caanï gø jïra en ni nyijøøgø cïïï?

Wïlöölö 12:18 Iomraidhean Croise

Wïlöölö 12:19

?Aŋø na kööï ni ena coku en, ni puta eni lwør na dhaagø jïra? 'Ba cïïï ennø, lwørï ni aayï ki gø.»

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 29:25

'Ba na tïme na amöölla, ajoot Jeekapi ni beeye Liia. Ni kööe jï Leeban, na «?Agïnaŋø na tïïyï dëëra en? ?Aŋø, paa Reecal na tïnynya ïïni kipere na bëëde? ?Aperŋø nø na nøønï aani en?»

Wïlöölö 3:13

Kanyøgø Wuuö Jwøk aköö jï dhaagø, na «?Agïnaŋø ni iï tïïö en?» Ni kö dhaage, ni «Aana cøøk thwölli ni cäma.»

Wïlöölö 31:26

Køøre Leeban aköö jï Jeekap, na «?Aŋø na nøønï aani en, ni päärï wøk ki nyïïa ni käärï geni kaamar jiy mo omaaø ki tøŋ?

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Wïlöölö 44:15

Ni kö Jocepi jïge, na «?Agïnaŋø na tïïyu en? ?Aŋø, kuyu ni aana dhaanhø mo løny jïre ki man ŋäc gïrpiny mo tïïc no okanø?»

2 Camiel 3:24

Køøre Jöap aci baŋ nyeya ni kööe, «?Wui nyeya, agïne ni iï tïïö en? Ka adïëri møn, Abinër anø ö baŋï. ?'Ba aperŋø na wëëgï eni wääth ni put aay?

Bwøth Wøk 32:21

Køøre Modhe aköö jï Aran, na «?Agïnaŋø na tïïc jøøi dëërï, ni kïthï bääyö man ni dwøŋ bäätge en?»

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Jøcua 7:19

Køøre Jøcua aköö jï Akan, ni «Nyie wääda, akwaya ïïni ki man caanï adïëri marï nyïm Wuuö Jwøk na näk Jwø Icriel, ni wøørï eni, ni køpï raay moï jïre. Ennø, gïna näk iï tïïö caanï jïra. Kär gïna näk iï tïïö mooŋï ki aani.»

Pïëmme 2:2

ni këël uuni thuwø, u ba doo tudö ki luubö ki jiy moi ni bëëdö yi ŋöömmi en; 'ba gïna dou tïïö, u doo raanynya gïï wø cïpge bäätge ko olämme moge.› 'Ba ennø, uuni dwøra käru leŋø. ?Aperŋø na tïïyu teeŋ gïnögø?

1 Camiel 14:43

Køøre Cøøl aköö jï Jönathan, ni «Ennø, gïna näk iï tïïö caanï jïra.» Kanyøgønø, Jönathan mare acaane ni kööe, ni «Ka adïëri møn, da maar kïc mo thiinh maa bela, ni lwøra ka tier athøra mana en cera. 'Ba ennø møn, a nut ennø; løny ki man 'näk aani.»