Wïlöölö 11:31 - Wëël Jwøk

³¹ Køøre Teera wääde ma Abram ki nyïïkwaare ma Løøt wär Aaren ki cï nyaare ma Caray na näk cï wääde ma Abram alwøre, ni tïŋge na aciel bëët ki yi Ur po jø Kaldia, ni ge cøøa ŋööm Keenan. 'Ba na pïïcge paana cwøl na Aaren, gena put bëëte kaace.

Wïlöölö 11:31 Iomraidhean Croise

Wïlöölö 10:19

Ni ö ŋøømmi mo jø Keenan ni nyaacge, ni tägi ka Caydan ni cøøa jï kuna en Gërar këël mana këët Geedha, ni pööth jï kuna en Cødam ki Gømöra ka Adama ki Dheböym këël mana këët Laca.

Wïlöölö 11:32

'Ba cwiiri bëët moa beet Teera beege cwiiri ma dïpe ariiø ka abïïc. Køøre Teera athøø Aaren.

Wïlöölö 12:4

Køøre Abram atïŋŋö kaawat mana caani ya Wuuö Jwøki jïre. Ni ö Løøti thuwø ni aae ki eni. 'Ba kanya tïŋ Abrammi ki yi Aaren, cwiiri moe kar kaaca beege cwiiri ma pïërabïriiø kurbïïc.

Wïlöölö 12:5

Ni ö Abrammi ni lwør cïïe ma Caray, ki ö coki ma Løøt, ki jammi moge bëët moa jootge, ki jiy bëët moa jootge Aaren; ni aacge ni ge cøøa ŋööm Keenan. Køøre gena pïï yi ŋööm Keenan.

Wïlöölö 14:12

Ni makge Løøt thuwø o cöök Abrammi, ni lwørge jammi moe ni aacge. Kiper Løøt kar kaaca bëëdö Cødam.

Wïlöölö 15:7

Ni kö Wuuö Jwøki jï Abram, ni «Beeye aani na Wuuö Jwøk na käl ïïni wøk ki yi Ur po jø Kaldia, kiper nee ŋöömmi cïba jïrï nee tïme na moï.»

Wïlöölö 24:10

Køøre ŋat tïïc alwötö ka athïrööle apaar røk athïrööle mo kwääye, ni lwør jammi moa beyø beyø røk jap kwääye, ni tïŋŋe ni ci Mecöpatemia, ni pïïe pääny mana bëët Neeyörri yie.

Wïlöölö 24:15

'Ba kanya poode ni eni poot cäänö, Rebëëka nyi Batuël o Milka aput öö ni dak mare kääre ka göönne. 'Ba Milka beeye cï Neeyör cöök Eeberammi.

Wïlöölö 27:43

'Ba ennø bee, nyie wääda, leŋ dwøra; ö maal ni reŋŋï Aaren baŋ coka ma Leeban;

Wïlöölö 28:10

'Ba Jeekap atïŋŋö Bëërcïïba ni cøøa Aaren.

2 Nyeye 19:12

?Aŋø, wïth juurre moa wïthge dïïr kwäcwa, gena piem juu moge na bëëde? ?A këël jø Gödhan, ki jø Aaren, ki jø Rëdhep, ki jø Ëden moa bëëdö Tëlacer, gena piem juu moge?

Neemiya 9:7

«Ïïni, bee ï na Wuuö Jwøk, Jwøa jier Abram, ni kälï eni wøk ki yi paana cwøl ni Ur, yi ŋööm jø Kaldia, ni cagï nyeŋŋe ni Eeberam.

Jööp 1:17

'Ba ni nyenøgø poot cäänö, ŋat tïïc mør acäŋ öö, ni kööe, ni «Jø Kaldia gena öö ni pääŋge dëëtge na dhøgi adäk, ni twierge athïrööle, ni putge jø tïïc 'näk ko opëëllö; 'ba bee aani keera na bøth kiper nee caana jïrï.»

Aydheea 37:12

?Aŋø, wïth juurre moa wïthge dïïr kwäcwa, gena piem juu moge na bëëde? ?A këël jø Gödhan, ki jø Aaren, ki jø Rëdhep, ki jø Ëden moa bëëdö Tëlacer, gena piem juu moge na bëëde?

Ibaru 11:8

Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.