Wïlöölö 11:3 - Wëël Jwøk

³ Kanyøgø gena cäänö yïthakicge keerge, ni köge, ni «Øøni nø, beerra man tïïø ki thuube ni bulø geni ni beyø døøc.» Køøre gena jïtö ki thuube mo gëëtge ki ge na kar kïte, ni jïtge ko odhöönh mo nwaaŋ na gïn caamge thuube ki gø.

Wïlöölö 11:3 Iomraidhean Croise

Wïlöölö 11:4

Ni köge, ni «Øøni nø, beerra man gëënnø dëëtø ki pääny ki øt pööki mo wïïe guta maal, kiper nee nyeŋŋø wïnye, kiper nøø ba keethø bäät piny bäre.»

Wïlöölö 11:7

Ni kö Wuuö Jwøki, «Øøni nø, beerra man cøø piny baŋge ni kierø wï dhøk marge kaace, kiper nee ŋati man nø nee dhi wati maya ba wïnynye.»

Wïlöölö 14:10

'Ba yi gool mar Cidim da aguule mo thööth mo päŋ ko odhöönh mo nwaaŋ. Kanya ö nyeny Cødam ki nyeny Gømöra na bwøkge, gena reeŋø ni päthge yïth aguule. 'Ba moa bøth areeŋø ni pïïcge bäät kïte.

2 Camiel 12:31

Deebit thuwø jøøa bøth yi pääny manøgø amaae, ni kïth ceŋge ki lïge ki teeŋ jap tïïc mo tïïc ka nywïëny, nee ge tïïge ki ge, ni tïïc møøk na mo wø budö ki thuube. Ni ö Deebiti ni tïïc teeŋ gïnögø dëët jøøa en yïth päänye bëët mo jø Amön. Køøre Deebit ki jø leny moe bëët gena put døø Jerucalem.

Bwøth Wøk 1:14

Ni tïïcge bëëtö mar nyïïkwaac Icriel ni teek døc ki køør tïïe moa teek na näk tïï thuube ko odhöönh man wø caam thuube ki gø, ki teeŋ tïïe møøk mo wø tïïc yïth pwöth, ni beege tïïe bëët mo wø tïïcge no oeel bäätge ni geno caannø.

Bwøth Wøk 2:3

'Ba kanya tïme ni nyilaal ba løny ki kan jïre këët, ena lwötö ki gïn mo caala luul mo ocwääö ko otöök, ni rwøth gø ko odhöönh mo nwaaŋ ki dwøø. Køøre nyilaal apïël yi gø, ni cøøe ni kïth gø yo otöök mana näk otuy deŋ naam.

Pwöc Leec Wïc 1:11

Ni näk mo ge köö, ni «Waa cøø, nøø møørø piny øtjöö, nøø nääø ki jiy mo bäŋ gïn mo ege baaø,

Luup Dïpööy 2:1

Aana cädö ki cwïnya naa cäänna raa ni kööa, ni «Neenï, ennø ï päära päärö ki man jïtï ki met ec; beerra man mïn iï nø.» 'Ba ka adïëri møn, acäŋ tïmö na gïn mo bäŋ tiere.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 65:3

Ni beege jø wø tïïc aani cooth naa goota, ni wø cïp olämme moge jï juu møøk yïth ajïniine, ni wø wääŋö ki gïï wø jïcge ŋwääi ni met bäät thuube,

Aydheea 9:10

«Thuube moa no ogeerø apäänhnhö piny, 'ba cäŋwa ka geerrø ki kïte mo otieŋø; olämmi bëëdö no oŋøt piny, 'ba karge cäŋwa ka pïïnhnhö ki jenni moa perge leth.»

Neeyam 3:14

Tööm dëërï ki pïï kiper kanyo bëët kiirri no ociel dïër. Tïïc kwör gwøk røk moï ni teek. Ci yo odhöönh ni cwöthï gø, ni tïïï ki thuube.

Ibaru 10:24

Beerra man neetø dëëtø ki man cøømmø cwïnynyø ni ø mëër ni tïïø ki tïïe mo beyø,

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.

Jeemeth 4:13

'Ba ööu nø, u jø wø köö, ni «Dïcäŋi wala diøø wa cøøa paani nø ni ciwa paani nø, nee wa bëëtwa ki cwiir kaace, nee wa gädhwa ni jïtwa ki jammi,»

Jeemeth 5:1

'Ba ööu nø, u no okwär, ni jwöŋu ni rëëdu kiper gïïo leth moo ö bäätu.