Wïlöölö 10:15 - Wëël Jwøk

¹⁵ Keenan wääde ma Caydan na näk kanynye anywøle, ni nywøl Këth thuwø.

Wïlöölö 10:15 Iomraidhean Croise

Wïlöölö 23:3

Køøre Eeberam aö maal ki bäät thøø ni ci baŋ jø Këth, ni cääne ki ge, ni kööe,

Wïlöölö 24:3

kiper a manynya ïïni niï kööŋï ki nyeŋ Wuuö Jwøk, Jwø maal ki piny, ki man ba nyöömmï wääda ki dhaagø røk nyïïakuk Keenan ni bëëda dïge en;

Wïlöölö 49:13

«Dhebulan obëëdö lak ageel naama dwøŋ, ni tïme na dhi waath jï baabuure, ni keew mare ena jï kuna en Caydan.

2 Camiel 11:3

Kanyøgønø, Deebit ajäägö ki dhaanhø nee bëët dhaagø manøgø pëënynye. 'Ba akøp, na «?Aŋø, dhaagø manøgø paa Bathcïba nyi Eliam, ni beeye cï Uria nyï Këth?»

2 Camiel 24:6

Ni pööthge Gelät ki Kadëc na en ŋööm jø Këth, ni pööthge Daan Jaan, ni løøge rege bäät caam, ni cige Caydan jï løø kur pänh-cäŋ.

1 Luup Nyeye 1:13

Keenan wääde ma Caydan na näk kanynye anywøle, ni nywøl Këth thuwø.

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Bwøth Wøk 34:11

Gwøk gïn ni köömma ïïni ki gø dïcäŋi en. Ka adïëri møn, jø Amör, ki jø Keenan, ki jø Këth, ki jø Përec, ki jø Ëwi, ki jø Jeebuc riema wøk nyïmï.

Aydheea 23:4

Wui, ï na Caydan, wïïï wär lääe, ï na paana teek na en bäät naama dwøŋ. Kiper naama dwøŋ aköö jïrï, «Aana tïmö kaamar dhaagø mo lwaar kuue mo mäc lwaar kuue, mo kär pïïdhö ko obwöc cwøw wala obwöc mään.»

Jeremaya 47:4

Gïï ii otägi yi cäŋ mano ööi ni raanynya jø Pilitin, ni raanynya jøøa bøth ri leny moa doo køny jø Tayar ki jø Caydan. Kiper a na Wuuö Jwøk, jø Pilitin raanynya raanynyø, ni beege jøøa dööŋ røk nyïïkwaac jiy moa öö ki ya acuul Kaptör.

Edhikiel 27:8

Ni jø Caydan ki jø Arbat bëëdö na dïkïïwe moï. Wui, pääny Tayar, jiy moï moa nyeŋge reegø ena buutï, ni beege jø wø raŋ bëët naam.

Edhikiel 28:21

«Wär dhaanhø, løø nyïmï baŋ pääny Caydan, ni cäännï gø niï jääla gø,

Jøcua 11:8

'Ba Wuuö Jwøk jøøgø aput cïp ceŋ jø Icriel, ni ö jø Icrielli ni putge jøøgø böötö, ni riemge ge këël mana pïïcge pääny mana dwøŋ na cwøl ni Caydan, ni pïïc møga Micerepöth-Mayim, ni pïïc møga goor Micpa na en jï løø kur tuul-cäŋ; ni putge jøøgø 'näk këël mana tïme ni bäŋ dhaanhø aciel mo ege wiiø ni kwøw.

1 Camiel 26:6

Køøre Deebit acäänö ka Ayemëlëk nyï Këth ka Abicay o Dheruya, cöök Jöap, ni pëëny ge ni kööe, na «?Aŋa noo aay ki aani na aciel nee wa ciwa baŋ Cøøl yi twïër?» 'Ba Abicay aköö, ni «Aani, a aay ki ïïni.»